Ndrom Samƀŭt bơh Yôp 34:28 - Nau Brah Ndu Ngơi 2023

²⁸ Khân păng ƀư ma phung o ach lŭng nter tăng tât ma Kôranh Brah, Jêh ri Păng iăt nteh nhĭm bơh phung rêh ni.

Ndrom Samƀŭt bơh Yôp 34:28 Iomraidhean Croise

Ndrom Samƀŭt bơh Yôp 22:27

May mra vơh vơl dăn ma Păng, Păng mra iăt may; Jêh ri may mra ƀư nanê̆ nau may nơm ton.

Ndrom Samƀŭt bơh Yôp 24:12

Bơh nklang ƀon phung dăch khĭt gŭ vơl nđor, Phung sôt rmanh kuăl gay geh nau kơl; Ƀiălah Brah Ndu mâu uănh nau nây jêng nau tih phung ƀai.

Ndrom Samƀŭt bơh Yôp 33:26

Păng mbơh sơm ma Brah Ndu jêh ri Păng dơi treng uănh, Ƀư ăn ma păng răm rhơn lah saơ muh măt Păng, Jêh ri Brah Ndu ăn jêng mhe tay ma păng yorlah nau sŏng srăng bơh păng.

Ndrom Samƀŭt bơh Yôp 34:29

Lah Păng gŭ rklăk, mbu nơm dơi phong Păng? Lah Păng pôn muh măt, mbu nơm dơi saơ Păng? Nđâp lah Păng hôm mât uănh ăp phung ndŭl mpôl mâu lah ăp nau rêh bunuyh,

Ndrom Samƀŭt bơh Yôp 35:9

Geh âk ir nau tŭn jot ƀư ma bu lŭng nter, Yor phung djơh tŭn jot dĭng bu kuăl kơl rklaih.

Ndrom Samƀŭt bơh Yôp 5:15

Brah Ndu rklaih nuyh o ach klaih bơh mpiăt đao, Klaih bơh trôm mbung jêh ri klaih bơh ti phung janh ƀai.

Ndrom Samƀŭt bơh Yôp 8:6

Tơlah may kloh ueh jêh ri sŏng Pôri aƀaơ ro Păng mra nking n'gang may Jêh ri mplơ̆ tay nau sŏng srăng ăn ma may.

Nau Mprơ Ơm 12:5

Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Mprơ Ơm 5:3

Brah Yêhôva ơi! Ơm ôi May tăng bâr gâp; Ơm ôi gâp nhhơr nau kuăl mbơh sơm jêh ri gŭ kâp.

Nau Ngluh Êjipt 22:22

Khân may lơi tŭn jot ôh du huê bu ur ndrô mâu lah ma du huê kon đơi.

Nau Ngluh Êjipt 3:7

Brah Yêhôva lah: “Gâp hŏ saơ nanê̆ ngăn nau rêh ni phung ƀon lan Gâp tâm n'gor Êjipt jêh ri gâp hŏ tăng jêh nau khân păng lŭng nter yor phung kôranh uănh kan khân păng. Di ngăn, Gâp gĭt jêh nau nđêh nji khân păng.

Nau Ngluh Êjipt 3:9

Aơ, nau phung Israel nter lŭng hŏ hao tât ta Gâp; Gâp hŏ saơ nau phung Êjipt tŭn jot khân păng.

Êsai 5:7

Đang play Brah Yêhôva ma phung tahan Jêng ngih Israel, Bi ma phung Yuđa Jêng lĕ tơm si Păng răm maak tăm. Păng kâp gân gay saơ nau sŏng, Ƀiălah knŏng saơ nau mhĭk; Păng kâp gân ma nau sŏng srăng, Ƀiălah knŏng geh nau nter nđêng!

Nau Nhĭm Vơl 3:56

May tăng jêh nau gâp, Lơi ta nsêt ôh trôm tôr bơh nau gâp nter dăn nau kơl.

Nau Vay Nkah Tay 15:9

Njrăng hom, lơi prăp nau mĭn mhĭk tâm nuih n'hâm khân may pô aơ: ‘Bơi tât năm tal pơh jêng năm jut lơi rnon’ jêh ri khân may uănh oh nâu khân may ma măt mhĭk, mâu ăn ôh du mlâm ndơ ma khân păng. Khân păng mra nter ma Brah Yêhôva phong khân may jêh ri khân may mra anh nau tih.

Yakơ 5:4

Aơ, prăk nkhôm phung rek ba nkhôm tâm lôk mir khân may, khân may ntŭng prăp ma khân may nơm, dôl lŭng nter; jêh ri bâr nteh phung rek nây hao tât ta tôr Kôranh Brah geh lĕ nau brah.