Ndrom Samƀŭt bơh Yôp 34:11 - Nau Brah Ndu Ngơi 2023

¹¹ Păng mra nkhôm ăn ma kon bunuyh tĭng nâm nau kan păng hŏ pah, Mra ƀư ăn tât ma ăp nơm tĭng nâm nau khân păng gŭ rêh.

Ndrom Samƀŭt bơh Yôp 34:11 Iomraidhean Croise

Ndrom Samƀŭt bơh Yôp 33:26

Păng mbơh sơm ma Brah Ndu jêh ri Păng dơi treng uănh, Ƀư ăn ma păng răm rhơn lah saơ muh măt Păng, Jêh ri Brah Ndu ăn jêng mhe tay ma păng yorlah nau sŏng srăng bơh păng.

Ndrom Samƀŭt bơh Yôp 34:25

Yorlah Kôranh Brah gĭt lĕ kan khân păng ƀư, Bri măng, Păng lơh rlâm khân păng jêh ri khân păng roh rai.

Nau Mprơ Ơm 62:12

Ơ Kôranh Brah, nau ueh jêng ndơ May, Yorlah May mplơ̆ lơi ma ăp nơm Tĭng nâm nau kan khân păng ƀư.

Nau Hôr 1:31

Yor nây, khân păng dơn play nau mhĭk tĭng nâm kan khân păng ƀư, Jêh ri dơn sŏk lĕ nau păng mĭn kan,

Nau Hôr 12:14

Du huê bunuyh mra dơi geh bêng ler nau ueh yor play bơh bâr mbung păng, Jêh ri ăp nơm mra sŏk dơn tĭng nâm kan ti păng hŏ ƀư.

Nau Hôr 24:12

Tơlah may lah: “Ri, hên mâu gĭt ôh nau aơ,” Pôri Nơm njing nuih n'hâm may mâu di hĕ sek uănh lĕ nau nây? Jêh ri Nơm mât mray huêng may mâm dĭng mâu gĭt? Păng mra mplơ̆ ma ăp nơm tĭng nâm moh kan khân păng ƀư?

Êsai 59:18

Păng mra mplơ̆ ma ăp nơm tĭng nâm kan păng ƀư: Nau ji nuih ma phung rdâng đah Păng, jêh ri nau plơng ma phung rlăng đah Păng; Păng mra mplơ̆ sĭt ma lĕ gôl dak mƀŭt.

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Yêrêmi 32:19

Nau Păng mĭn dăp ƀư toyh ngăn ngên, kan Păng bêng ma nau brah. Măt Păng sol uănh ma lĕ rngôch trong kon bunuyh gay ăn nau nkhôm ma ăp nơm bunuyh tĭng nâm trong jêh ri tĭng nâm play ueh tă bơh kan khân păng ƀư.

Êsêkiêl 18:13

ăn manh gay sa kao jêh ri n'hao prăk sa kao, pôri du huê kon nây mra dơi rêh lĕ? Mâu, păng mâu mra rêh ôh! Yorlah păng ƀư jêh lĕ rngôch nau ƀơ̆; n'hêl nanê̆ păng mra khĭt jêh ri mham păng mra nkhŭt ta klơ păng nơm.

Mathay 16:27

Yorlah Kon Bunuyh mra văch tâm nau chrêk rmah Mbơ̆ Păng ndrel ma phung tông mpăr. Nôk nây, Păng mra ăn nau nkhôm ma ăp nơm, tĭng nâm nau kan păng hŏ pah jêh.

Samƀŭt Pôl Njuăl Ăn Ma Phung Nsing Ta Ƀon Rôm 2:6

yorlah păng mra mplơ̆ ma ăp nơm tĭng nâm kan khân păng ƀư.

II Kôrintô 5:10

Yorlah lĕ rngôch he mra tâm mpơl tanăp ntŭk ngih phat dôih Brah Krist, gay ăp nơm sŏk dơn tĭng nâm nau ueh mâu lah nau mhĭk păng nơm ƀư jêh dôl hôm gŭ tâm săk jăn.

I Pêtrôs 1:17

Tơlah khân may mbơh Păng jêng Mbơ̆, Nơm mâu chrê du huê jêh ri phat dôih ăp nơm tĭng nâm nau khân păng ƀư, pôri djôt leo hom nuih n'hâm klach yơk gay gŭ rêh tâm rnôk gŭ njưh aơ.

Nau Tâm Mpơl 22:12

“Aơ, Gâp văch gơnh, jêh ri djôt nau Gâp nkhôm ndrel ma Gâp, gay ăn ma ăp nơm tĭng nâm kan păng ƀư jêh.

I Samuel 26:23

Brah Yêhôva mra nkhôm ăn ăp nơm tĭng nâm nau sŏng srăng jêh ri nuih n'hâm răp jăp păng. Nar aơ, Păng hŏ jao jêh hađăch tâm ti gâp, ƀiălah gâp mâu ŭch yơr ti gâp ƀư ma nơm Brah Yêhôva hŏ tŏ jêh dak ƀâu kah.