Ndrom Samƀŭt bơh Yôp 33:24 - Nau Brah Ndu Ngơi 2023

²⁴ Yô̆ nđach ma bunuyh nây jêh ri vơh vơl: ‘Dăn mât mơh păng lơi ăn tŭp tâm ntu jru; Gâp hŏ joi jêh rnoh tâm chuai;

Ndrom Samƀŭt bơh Yôp 33:24 Iomraidhean Croise

Ndrom Samƀŭt bơh Yôp 22:21

Pônây, tâm rnglăp hom ma Brah Ndu jêh ri mra gŭ đăp mpăn ndrel Păng, Pôri nau ueh maak mra tât ma may.

Ndrom Samƀŭt bơh Yôp 33:18

Gay rklaih huêng khân păng dơi klaih bơh ntu jru, Jêh ri nau rêh khân păng klaih bơh đao.

Ndrom Samƀŭt bơh Yôp 33:25

Ntâu mlay bunuyh nây mra nse tay nâm bu dôl hôm ndăm. Nau dăng n'hâm plơ̆ jêng mhe tay nâm bu hôm ndăm.’

Ndrom Samƀŭt bơh Yôp 33:28

Brah Ndu tâm rklaih jêh huêng gâp dơi rklaih bơh tŭp ta ntu jru, Jêh ri nau rêh gâp mra saơ nau ang.’

Ndrom Samƀŭt bơh Yôp 36:18

Njrăng hom, lơi ăn nau ndrŏng kơnh, Mâu lah ndơ bu blŏl toyh ir ƀư vĭ trong may.

Nau Mprơ Ơm 107:20

Păng ăn nau Păng ngơi jêh ri ƀư bah khân păng, Tâm rklaih khân păng bơh môch.

Nau Mprơ Ơm 22:4

Phung chô yau hên rnơm nsing ntŭk Kôranh Brah, Khân păng rnơm nsing ma May jêh ri dơi tâm rklaih.

Nau Mprơ Ơm 40:2

Păng djôt gâp hao bơh ntu ƀư rai. Bơh nung bŏk rhuh. Păng dơm jâng gâp ta klơ lŭ toyh Jêh ri ƀư ăn nhuat gâp jêng nâp.

Nau Mprơ Ơm 71:3

Dăn May ƀư lŭ toyh ăn ma gâp gŭ krap Ăn jêng ntŭk gâp dơi lăp ta nây ƀaƀơ; Dăn May ntrŭnh nau ntăm tâm rklaih gâp Yorlah May jêng lŭ toyh ngăn jêh ri pôih nâp gâp.

Nau Mprơ Ơm 86:13

Yorlah nuih n'hâm ueh May toyh ngăn ma gâp; May tâm rklaih jêh huêng gâp bơh brŏng jru ƀon phung khĭt.

Nau Mprơ Ơm 86:15

Ƀiălah ơ Kôranh Brah, May jêng Brah Ndu blau yô̆ nđach jêh ri ƀư ueh, Mâu gơnh nuih, bêng ma nuih n'hâm ueh jêh ri nau nanê̆ ngăn.

Nau Mprơ Ơm 86:5

Ơ Kôranh Brah! May jêng ueh, bêng ma yô̆ an, Ăn bêng nau ueh ma phung kuăl dăn ma May.

Nau Ngluh Êjipt 33:19

Brah Yêhôva lah: “Gâp mra ƀư nau dŭt ueh Gâp tanăp may; Gâp mra mbơh amoh Yêhôva tanăp măt may; Gâp mra ƀư nau ueh ma mbu nơm Gâp ŭch ƀư nau ueh jêh ri yô̆ nđach ma mbu nơm Gâp ŭch yô̆ nđach.”

Êsai 53:5

Ƀiălah bu ƀư sôt jêh Păng yor nau tih he, Ƀư sôt rmanh jêh Păng yor nau djơh mhĭk he. Yor nau tâm rmal tŭp ta Păng, ăn he đăp mpăn, Yor Păng anh nau bu rpăt, ăn he bah ji.

Yêrêmi 31:20

Di lĕ phung Êphraim jêng kon Gâp rŏng? Du huê kon Gâp dŭt rŏng ngăn hĕ? Ăp tơ̆ nduyh lah păng, Gâp ăt hôm e kah gĭt ma păng đŏng. Yor nây nuih n'hâm Gâp rŏng ma păng; Gâp yô̆ nđach ma păng hâu ngăn ngên.” Brah Yêhôva lah pônây.

Ndrom Samƀŭt bơh Ôsê 14:2

Khân may djôt hom nau ngơi Plơ̆ sĭt ma Brah Yêhôva; Lah hom ma păng pô aơ: “Dăn sŏk lơi lĕ nau mhĭk hên Jêh ri mplơ̆ nau ueh uĭn, Gay ma hên dơi nhhơr ndơ ƀư brah tâm rnê ma trôm mbung. Ntrok ma ndrôk nkuăng.

Ndrom Samƀŭt bơh Ôsê 14:4

“Gâp mra ƀư bah nau tâm rdâng khân păng. Gâp mra rŏng ma khân păng lĕ nuih n'hâm, Yorlah nau Gâp ji nuih hŏ du jêh tă bơh khân păng.

Sakari 9:11

“Bi ma may tâm ban đŏng, yorlah mham Gâp tâm rnglăp đah may, Pôri Gâp mra mƀơk phung bu nă may luh bơh ntu jru mâu geh ôh dak.

Mathay 20:28

Nđâp ma Kon Bunuyh văch jêh mâu di gay bu pah kan, ƀiălah gay pah kan, jêh ri nhhơr nau rêh Păng nơm jêng rnoh chuai ma âk bunuyh.”

I Timôthê 2:6

Nơm jao jêh Păng nơm jêng rnoh chuai lĕ rngôch bunuyh, jêng nau mbơh ăn di tâm rnôk nal.