Ndrom Samƀŭt bơh Yôp 33:15 - Nau Brah Ndu Ngơi 2023

¹⁵ Mâu lah tâm nau mbơi, tâm nau tâm saơ dôl măng, Nôk bu lêt bê̆ch, Lah dôl hăk bê̆ch ta klơ gre păng;

Ndrom Samƀŭt bơh Yôp 33:15 Iomraidhean Croise

Nau Ntơm 15:12

Kêng nar nhâp, Y-Abram lêt bê̆ch; jêh ri aơ, nau ngo klĕng, nau klach hâu ngăn, jêh ri nau ngo mbâl tŭp nkŭm klơ păng.

Nau Ntơm 20:3

Ƀiălah tâm nôk măng, Brah Ndu tâm mpơl ma Y-Abimêlek tâm nau mbơi jêh ri lah ma păng: “May mra khĭt yor bu ur may hŏ nhŭp. Păng lĕ geh sai jêh.”

Nau Ntơm 31:24

Ƀiălah nôk măng, tâm nau mbơi, Brah Ndu tâm mpơl tât ma Y-Laban, bunuyh Aram, jêh ri lah ma păng: “Nđâp tơlah nau ueh mâu lah nau mhĭk, njrăng hom, lơi ngơi janh ma Y-Yakôb.”

Nau Ntơm 46:2

Tâm du măng, Brah Ndu ngơi ma Y-Israel bơh nau tâm saơ. Păng kuăl: “Y-Yakôb, Y-Yakôb!” Y-Israel ơh: “Gâp ta aơ.”

Ndrom Samƀŭt bơh Yôp 4:12

Geh du nau ngơi ndâp tât ma gâp, Tôr gâp tăng nau ngơi huêt nây,

Ndrom Samƀŭt bơh Yôp 4:13

Bri măng, lah kon bunuyh lêt bê̆ch Dôl gŭ rvê mĭn gâp saơ nau tâm mpơl.

Yêrêmi 23:28

Moh nơm mbơh lor geh nau mbơi, nkoch hom nau mbơi nây! Mbu nơm hŏ dơn jêh nau Gâp, răp jăp hom mbơh tay nau Gâp! Rhe dơi lĕ tâm rlŭk đah ba ƀlê?” Brah Yêhôva lah pônây.

Daniel 2:1

Năm tal bar rnôk Y-Nêbukatnetsar chiă uănh, hađăch geh nau mbơi ƀư ăn ma nau mĭn păng rung răng, mâu dơi hăk bê̆ch ôh.

Daniel 2:19

Măng nây, nau ndâp dơi mpơl ăn ma Y-Daniel tâm du nau tâm saơ. Y-Daniel tâm rnê ma Brah Ndu klơ trôk.

Daniel 4:5

pôri gâp saơ du ntil nau mbơi ƀư nkrit gâp. Lĕ nau mĭn mhĭk ngăn ta klơ sưng bê̆ch jêh ri lĕ rup tâm bôk ƀư ma gâp mâu đăp gŭ.

Daniel 8:18

Dôl nơm nây hôm ngơi ma gâp pôri gâp lăp tâm nau bê̆ch hăk ngăn, măt chŭn ta neh. Ƀiălah păng pah ta gâp ăn gâp gŭ dâk,

Nau Kơp Bunuyh 12:6

Păng lah: “Iăt hom nau Gâp. Tơlah geh du huê nơm mbơh lor gŭ tâm nklang khân may Gâp jêng Brah Yêhôva mra tâm mpơl ma păng tâm nau tâm saơ Jêh ri Gâp ngơi ma păng tâm nau mbơi.

Mathay 2:12

Jêh nau nây, tâm nau mbơi, Brah Ndu mbơh ma khân păng mâu ăn khân păng plơ̆ tay ma hađăch Hêrôt ôh, pôri khân păng plơ̆ sĭt ma n'gor khân păng nơm trong êng.

Mathay 27:19

Rlau ma nây, dôl păng gŭ ta ntŭk phat dôih, ur păng njuăl bu lah ma păng pô aơ: “Lơi ta pah bi ma bunuyh sŏng srăng nây, yor ma bunuyh nây măng aơ gâp geh nau ji ta nuih n'hâm hâu ngăn tâm nau mbơi.”

ហេឞ្រើ 1:1

Rnôk rô̆ kăl e, Brah Ndu hŏ dŏng phung mbơh lor ntĭm nti ma phung chô yau he âk tơ̆, âk trong.