Ndrom Samƀŭt bơh Yôp 31:4 - Nau Brah Ndu Ngơi 2023

⁴ Mâu di bơh Păng vay saơ trong gâp hăn, Jêh ri kơp ăp nhuat jâng gâp ƀơh?

Ndrom Samƀŭt bơh Yôp 31:4 Iomraidhean Croise

Nau Ntơm 16:13

H'Agar kuăl Brah Yêhôva, Nơm hŏ ngơi đah păng, jêng “Brah Ndu plơ̆ uănh,” yor păng lah: “Ơm mâu di ta ntŭk aơ gâp hŏ saơ Nơm treng uănh đah gâp?”

II Nau Rêh Jêng 16:9

Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

Ndrom Samƀŭt bơh Yôp 11:11

Yorlah Păng gĭt ma mbu nơm mƀruh nchơt, Yor ri lah saơ nau mhĭk, mâm Păng mâu văch mêt uănh?

Ndrom Samƀŭt bơh Yôp 14:16

Aƀaơ May kơp nhuat jâng gâp, Ƀiălah mâu hôm mêt uănh lĕ nau tih gâp;

Ndrom Samƀŭt bơh Yôp 23:10

Ƀiălah Kôranh Brah gǐt trong gâp hăn, Tơlah Păng rlong uănh jêh gâp, gâp mra jêng nâm bu mah.

Ndrom Samƀŭt bơh Yôp 24:23

Brah Ndu ăn khân păng rêh ueh mpăn, nâp, Ƀiălah măt Păng tĭng rmiăng tâm lĕ trong khân păng.

Ndrom Samƀŭt bơh Yôp 28:24

Yorlah Păng uănh saơ tât ta bôl dŭt neh ntu, Jêh ri treng uănh lĕ rngôch ndơ tâm dâng trôk.

Ndrom Samƀŭt bơh Yôp 31:37

Gâp mra mbơh ma Kôranh Brah lĕ rngôch nhuat gâp hăn; Nâm bu du huê hađăch, gâp mra văch tanăp Păng.

Ndrom Samƀŭt bơh Yôp 34:21

Yorlah măt Păng kâp uănh trong kon bunuyh, Păng saơ ăp nhuat khân păng chuat.

Ndrom Samƀŭt bơh Yôp 36:7

Păng treng uănh ƀaƀơ tât ma bunuyh sŏng srăng, Ăn ma khân păng gŭ klơ sưng hađăch ndrel ma phung hađăch, Păng njêng khân păng nâp ngăn ngên, jêh ri khân păng geh nau yơk mro.

Nau Mprơ Ơm 44:21

Brah Ndu mâu mra sek uănh ôh nau nây? Yorlah Păng gĭt ntŭk ndâp tâm nuih n'hâm.

Nau Hôr 15:3

Măt Brah Yêhôva uănh tâm lam ntŭk, Sek uănh phung djơh mhĭk jêh ri phung ueh.

Nau Hôr 5:21

Yorlah lĕ trong kon bunuyh hăn gŭ panăp măt Brah Yêhôva, Păng rli lâng lĕ rngôch trong hăn khân păng.

Yêrêmi 16:17

Yorlah măt Gâp kâp uănh tâm lĕ trong khân păng. Khân păng mâu dơi du ôh bơh măt Gâp, jêh ri nau tih khân păng mâu đŏng dơi king măt Gâp.

Yêrêmi 32:19

Nau Păng mĭn dăp ƀư toyh ngăn ngên, kan Păng bêng ma nau brah. Măt Păng sol uănh ma lĕ rngôch trong kon bunuyh gay ăn nau nkhôm ma ăp nơm bunuyh tĭng nâm trong jêh ri tĭng nâm play ueh tă bơh kan khân păng ƀư.

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Yôhan 1:48

Y-Nathanel ơh: “Mâm ƀư Nơm Nti gĭt năl gâp?” Brah Yêsu plơ̆ tay: “Êlor Y-Philip kuăl may, Gâp hŏ saơ jêh may dôl gŭ tâm dâng tơm rvi.”

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.