Ndrom Samƀŭt bơh Yôp 30:26 - Nau Brah Ndu Ngơi 2023

²⁶ Ƀiălah nôk gâp gŭ kâp nau ueh, nkhơng ma nau mhĭk văch; Gâp kâp gân nau ang ƀiălah nau ngo nkhơng văch tât.

Ndrom Samƀŭt bơh Yôp 30:26 Iomraidhean Croise

Ndrom Samƀŭt bơh Yôp 18:18

Păng lĕ bu mprơh bơh nau ang gay lăp tâm ntŭk nau ngo, Jêh ri bu mprơh lơi bơh neh ntu.

Ndrom Samƀŭt bơh Yôp 18:6

Nau ang tâm vâl bok păng mra ngo, Ŭnh kađen klơ bôk păng mra nhhât ro.

Ndrom Samƀŭt bơh Yôp 19:8

Kôranh Brah lĕ king jêh trong gâp, gâp mâu dơi rgăn ôh. Păng nkŭm nau ngo tâm lĕ trong gâp hăn.

Ndrom Samƀŭt bơh Yôp 23:17

Nđâp lah pônây gâp mâu mra gŭ klăk klêm tâm nau ngo, Nôk nau ngo klĕng nkŭm ndâp muh măt gâp.”

Ndrom Samƀŭt bơh Yôp 29:18

Nôk nây, gâp lah êng: ‘Gâp mra khĭt tâm rsuăn, Nar khay gâp mra âk nâm bu choih;

Nau Mprơ Ơm 97:11

Nau ang sol phung sŏng srăng Jêh ri nau maak bêng ler tâm nuih n'hâm phung sŏng.

Êsai 50:10

Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

Êsai 59:9

Yor nây nau sŏng gŭ ngai đah hên, Nau sŏng srăng mâu dơi ban hên ôh. Hên kâp gân nau ang, ƀiălah knŏng saơ nau ngo, Hên kâp gân nau ral ang ƀiălah hên nhuat hăn tâm nau ngo.

Yêrêmi 14:19

“May hŏ chalơi ngăn jêh phung Yuđa hĕ? Di lĕ nuih n'hâm May dôl tâm rmot ma phung Siôn lĕ? Mâm ƀư may dong hên, Mâu ƀư bah ôh ma hên? Hên kâp gân ma nau đăp mpăn, ƀiălah mâu saơ nau ueh tât ôh; Ŭch kâp yan ƀư bah, knŏng saơ nau klach krit.

Yêrêmi 15:18

Mâm nau ji gâp mâu rlu, Sôt rmanh gâp mâu dơi săm Jêh ri mâu ŭch bah? Di lĕ ma gâp, May nâm bu dak n'hor mƀruh nchơt, Nâm bu n'hor dak lĕ suăt dak tu hĕ?

Yêrêmi 8:15

He gŭ kâp nau đăp mpăn, Ƀiălah mâu saơ nau ueh ngăn tât ôh; Ŭch kâp năng ƀư bah, Knŏng saơ nau krit klach.

Nau Nhĭm Vơl 3:2

Păng hŏ leo gâp jêh ri njŭn gâp hăn Tâm nau ngo, mâu geh ôh du djê̆ nau ang;

Mika 1:12

Phung gŭ ta ƀon Marôt ƀrơn nuih n'hâm Dôl kâp gân nau ueh, Yorlah nau rêh ni jŭr tă bơh Brah Yêhôva Hŏ tât ta mpông ƀon Yêrusalem.