Ndrom Samƀŭt bơh Yôp 3:5 - Nau Brah Ndu Ngơi 2023

⁵ Ŭch ma nar nây nkŭm tâm nau ngo klĕng jêh ri gui nau khĭt, Tŭk krăk nkŭm ta păng Jêh ri măng lĭng ƀư ma păng klach krit!

Ndrom Samƀŭt bơh Yôp 3:5 Iomraidhean Croise

Ndrom Samƀŭt bơh Yôp 16:16

Muh măt gâp môr chăng yor nhĭm, Gui nau khĭt tâm mpơl klơ n'gô măt gâp.

Ndrom Samƀŭt bơh Yôp 24:17

Đah khân păng, ang ôi jêng gui nau khĭt, Yorlah khân păng bên đah krit klach bơh gui nau khĭt.

Ndrom Samƀŭt bơh Yôp 28:3

Bu sol tâm ntu ngo, Tĭng joi kŏ tât dŭt, Gay sŏk lŭ bơh ntŭk ngo klĕng vêt vê.

Ndrom Samƀŭt bơh Yôp 3:4

Ŭch ăn ma nar nây jêng ngo klĕng, Brah Ndu bơh ntŭk prêh klơ mâu treng uănh ôh Jêh ri nau ang mâu lĕ sol klơ păng!

Ndrom Samƀŭt bơh Yôp 3:6

Ŭch ma nau ngo vêt vê chuê chuăng kuăn rdâng păng, Mâu ăn bu kơp păng lăp ăp nar tâm năm, Mâu kơp păng lăp tâm ăp khay!

Ndrom Samƀŭt bơh Yôp 34:22

Mâu lĕ geh ntŭk ngo klĕng mâu lah măng ngo vêt vê. Gay ăn ma nơm mhĭk dơi krap.

Ndrom Samƀŭt bơh Yôp 38:17

Geh lĕ mbu nơm ntĭm ăn may saơ mpông pêr nau khĭt, Mâu lah mpông ƀon phung khĭt lĕ?

Nau Mprơ Ơm 107:10

Geh phung gŭ tâm nau ngo klĕng jêh ri tâm gui nau khĭt, Phung bu krŭng geh nau rêh ni tâm rse rvăk loih.

Nau Mprơ Ơm 107:14

Păng njŭn leo khân păng bơh ntŭk nau ngo klĕng jêh ri gui nau khĭt, Ƀư tăch rse rvăk kât ma khân păng.

Nau Mprơ Ơm 23:4

Nđâp tơlah gâp hăn tâm rlŭng gui nau khĭt Gâp mâu hôm klach du ntil nau mhĭk ôh, Yorlah Kôranh Brah gŭ ndrel ma gâp; Mâng kanuăk jêh ri mâng jra Kôranh Brah Bonh leng gâp.

Nau Mprơ Ơm 44:19

Nđâp lah pônây, May jot hăch jêh hên tâm ntŭk phung so bri, Nkŭm hên ma n'hâm nau khĭt.

Êsai 9:2

May hŏ ăn bĭk rơ̆ jêh ƀon lan nây, Jêh ri May ăn ma khân păng bêng nau răm maak. Khân păng hâk maak tanăp May Tâm ban ma nau maak tâm yan rek, Tâm ban ma bu hâk maak tơlah tâm pă ndơ pit in.

Yêrêmi 13:16

Nhhơr hom nau chrêk lơp ăn Yêhôva Brah Ndu khân may Êlor ma Păng ƀư nau ngo klĕng jŭr nkŭm, Êlor ma jâng khân may chêh prah Ta klơ lĕ yôk nôk nsrŭp măng; Lĕ khân may ŭch kâp nau ang Ƀiălah Păng rgâl jêng gui nau khĭt, Plơ̆ jêng gui nau ngo mbâl.

Yêrêmi 2:6

Khân păng mâu prot ôp: ‘Ta ntŭk Brah Yêhôva? Nây jêng Nơm hŏ djôt leo he luh bơh Êjipt, Njŭn leo he găn bri rdah, Găn n'gor rngol bêng ma ntu brŏng, Tâm neh kro đang jêh ri rđŭng nau khĭt, Ntŭk mâu geh bunuyh găn tât, Jêh ri mâu geh bunuyh nănh gŭ.’

Yêrêmi 4:28

Yor nây, măt neh mra nhĭm vơl, Trôk mra ngo klĕng; Yor Gâp hŏ lah, lĕ dăp nal jêh, Pôri nau ŭch mâu rgâl, nau ngơi mâu plơ̆ ôh.”

Êsêkiêl 30:3

Yor nar nây dăch jêh, Nar Brah Yêhôva hŏ dăch jêh, Jêng nar tŭk mbâl, Rơh nau mhĭk tât ăn ma lĕ rngôch mpôl bunuyh.

Êsêkiêl 34:12

Nâm bu du huê rmăk biăp tĭng joi phung biăp păng tâm nar păng gŭ ta nklang phung biăp păng lĕ nchah rai nhhơt, Gâp ăt joi biăp Gâp nâm bu pônây lĕ. Gâp mra tâm rklaih khân păng luh du bơh lĕ rngôch ntŭk khân păng bơh lĕ rngôch ntŭk khân păng hŏ nchah rai nhhơt tâm nar tŭk mbâl ngo klĕng.

Yôel 2:2

Nây jêng du nar ngo kleng chuê chuăng, Du nar tŭk krăk mbâl ngăn! Yorlah geh du phung mpôl bunuyh âk ngăn jêh ri ktang văch tât Luh nchrat lam jŭm yôk nâm bu ang ơm ôi; Ntơm bơh kăl e nau kơt nây mâu hŏ mâp geh, Jêh ri lĕ rngôch rnôk kăndơ̆ ăt mâu mra geh tâm ban pônây đŏng ôh.

Amôt 5:8

Joi hom Nơm hŏ rhăk njêng rchuăl mănh Plêat jêh ri mănh Ôrlon; Rgâl nau ngo klĕng jêng ơm ôi, Rgâl nôk nar jêng măng krăk, Kuăl dak mƀŭt Jêh ri nkhŭt păng ta klơ neh; Amoh Păng jêng Brah Yêhôva.

Amôt 8:10

Gâp mra rgâl lĕ nar rƀŭn khân may jêng nar klâng rvê Jêh ri lĕ nau mprơ khân may jêng nau mprơ rngot. Gâp mra ƀư ăn khân may vân ƀau ta bŭt Jêh ri ƀư ăn lĕ rngôch bôk plưn da dê. Gâp mra ƀư ma khân may nhĭm nhhiăng nâm bu nuyh roh kon bu klâu kon dul Jêh ri nau nglĕ dŭt nâm bu du nar rngot ngăn ngên.”

Mathay 4:16

Phung bunuyh ƀon lan nây gŭ tâm nau ngo. Hŏ saơ jêh nau ang toyh; Jêh ri phung bunuyh gŭ tâm ntŭk gui nau khĭt nkŭm, Hŏ saơ nau ang nchrat.”

Luka 1:79

Gay ma sol ang phung bunuyh gŭ tâm ntŭk ngo klĕng jêh ri tâm dâng gui nau khĭt, Jêh ri njŭn leo he chuat lăp trong đăp mpăn.”

Nau Vay Nkah Tay 4:11

Jêh nây khân may văch dăch jêh ri dâk ta jâng yôk, dôl ta klơ yôk ŭnh hit hao prêh kŏ tât ta trôk, ma ndâr tŭk thŭl krăk, nau ngo nkŭm.

ហេឞ្រើ 12:18

Khân may mâu hăn dăch ôh ta yôk dơi tât, mâu đŏng hăn dăch chiông ŭnh hit, mâu lah ntŭk ngo klĕng, chuê chuăng mâu lah nau sial vănh blông,