Ndrom Samƀŭt bơh Yôp 3:14 - Nau Brah Ndu Ngơi 2023

¹⁴ Nđâp phung hađăch jêh ri kôranh tâm nchră ta neh ntu Hŏ ndâk njêng jay ndah ma khân păng nơm,

Ndrom Samƀŭt bơh Yôp 3:14 Iomraidhean Croise

I Phung Hađăch 11:43

Y-Salômôn khĭt hăn gŭ ndrel ma phung chô yau păng jêh ri bu tâp păng tâm ƀon Đavit, mbơ̆ păng. Kon bu klâu hađăch jêng Y-Rôbôam chiă uănh thoi ntrok păng.

I Phung Hađăch 2:10

Y-Đavit khĭt ndrel ma phung chô yau păng nơm jêh ri bu tâp păng tâm ƀon Đavit.

Ndrom Samƀŭt bơh Yôp 12:17

Păng ƀư ăn phung nchră hăn jâng dơm, Lĕ kôranh phat dôih jêng nkhơng rluk mâl,

Ndrom Samƀŭt bơh Yôp 12:18

Păng doh lơi se rvăk phung hađăch, Jêh ri vân troi jŭm gang bŭt khân păng;

Ndrom Samƀŭt bơh Yôp 15:28

Păng gŭ tâm ƀon lĕ ƀư rai, Tâm ăp ngih lĕ chalơi rngot jêh, Lĕ rngôch ngih kâp nar mra rlâm lĕ.

Ndrom Samƀŭt bơh Yôp 30:23

Gâp gĭt Kôranh Brah mra njŭn leo gâp lăp nau khĭt, Jêng ntŭk tâm nal ăn ma lĕ rngôch bunuyh rêh.

Nau Mprơ Ơm 49:14

Khân păng jŭr tâm ƀon phung khĭt nâm bu phung biăp; Nau khĭt mra mât njrăng khân păng Ơm ôi, phung sŏng mra jot sôt khân păng. Săk jăn khân păng bu mra ƀư rai lơi. Ƀon phung khĭt jêng ntŭk khân păng gŭ.

Nau Mprơ Ơm 89:48

Mbu jêng bunuyh gŭ rêh jêh ri mâu saơ nau khĭt ôh? Mbu mra tâm rklaih huêng păng nơm bơh nau dơi phung khĭt? (Sêla)

Nơm Nti 8:8

Mâu mbu geh nau dơi ta klơ n'hâm rêh gay djôt prăp păng tay, Ăt mâu mbu geh nau dơi ta klơ nar khĭt. Mâu geh nơm dơi mâu kơp tâm nau tâm lơh nây; Jêh ri nau djơh mhĭk mâu dơi rklaih phung ƀư nau mhĭk.

Êsai 14:18

Lĕ rngôch hađăch ăp bri lah gŭ bê̆ch, Bu tâp ăp nơm tâm môch khân păng nơm tâm nau bu yơk.

Êsai 22:16

‘Moh nau kan may dôl ƀư ta aơ? May geh ndŭl mpôl deh đŏng ta aơ kŏ may kuyh jêh ma may nơm du trôm môch ta aơ? Ngăn, may kuyh ma may nơm du trôm môch ta ntŭk prêh, lôk du ntŭk gŭ rlu ma may nơm tâm trôm lŭ!

Êsai 5:8

Rêh ni ngăn ma phung ntop ngih lăp tâm ngih, Ntop lŏ lăp tâm lŏ, Kŏ tât mâu hôm geh ntŭk hŏng, Jêh ri khân may gŭ êng ta nklang bri!

Êsai 58:12

Phung ƀon lan may mra ndâk tay lĕ ntŭk rlâm rai rnôk kăl e; May mra ndâk tay lĕ mbon ơm bơh âk rô̆ kăl e. Bu mra kuăl may jêng Nơm nkra tay lĕ trôm bluh mpêr ƀon, Jêh ri Nơm nkra tay trong tâm ƀon phung ƀon lan gŭ.

Êsêkiêl 26:20

rnôk nây, Gâp mra ăn may ndrel ma phung hŏ jŭr hăn ma brŏng jru, tât ma phung ƀon lan rnôk kăl e. Gâp mra ăn may gŭ tâm neh ntu tâm dâng, tâm ntŭk rngol ntơm bơh rnôk kăl e ndrel ma phung hŏ jŭr hăn ma brŏng jru gay may mâu hôm geh nuyh gŭ tâm may đŏng ôh, ƀiălah Gâp mra n'gân nau chrêk rmah tâm neh bunuyh hôm gŭ rêh.