Ndrom Samƀŭt bơh Yôp 28:13 - Nau Brah Ndu Ngơi 2023

¹³ Mâu geh ôh bunuyh gĭt lĕ rnoh khlay bơh nau blau mĭn; Păng mâu geh ta klơ neh phung rêh.

Ndrom Samƀŭt bơh Yôp 28:13 Iomraidhean Croise

Ndrom Samƀŭt bơh Yôp 28:14

Brŏng jru lah: ‘Păng mâu gŭ ôh tâm gâp’, Dak mƀŭt lah đŏng: ‘Păng mâu gŭ ndrel gâp.’

Nau Mprơ Ơm 119:72

Nau vay tă bơh bâr mbung May ntĭnh ntăm Jêng khlay ngăn ma gâp rlau ma âk rbăn mah jêh ri prăk.

Nau Mprơ Ơm 19:10

Lĕ nau nây khlay lơn ma mah, Nanê̆ ngăn khlay lơn ma mah chrêk; Njŭng lơn ma dak sŭt, Ngăn yơh njŭng lơn ma mpơng dak sŭt.

Nau Mprơ Ơm 27:13

Gâp gĭt nanê̆ mra saơ nau ueh Brah Yêhôva Tâm neh phung rêh.

Nau Mprơ Ơm 52:5

Brah Ndu mra ƀư rai may n'ho ro. Păng mra nhŭp may jêh ri klŭp may ngai bơh ngih bok may; Păng mra rôk may bơh neh may gŭ rêh. (Sêla)

Nau Hôr 16:16

Dơi geh nau blau mĭn, khlay lơn ma mah chrêk! Dơi geh nau gĭt rbăng, khlay lơn ma prăk!

Nau Hôr 23:23

Rvăt hom nau ngăn, nau blau mĭn, nau ntĭm nti, jêh ri nau gĭt rbăng, Lơi ta tăch lơi ôh!

Nau Hôr 8:11

Yorlah nau blau mĭn geh rnoh khlay lơn ma lŭ khlay, Lĕ rngôch ndơ khlay mâu dơi ban rnoh khlay păng.

Êsai 38:11

Gâp hŏ geh lah: “Gâp mâu hôm saơ Brah Yêhôva ôh, Jêng Brah Yêhôva gŭ ta neh phung rêh. Gâp mâu hôm saơ kon bunuyh ôh, Jêng phung bunuyh gŭ rêh ta neh ntu.

Êsai 53:8

Bu hŏ tŭn jot Păng, phat dôih jêh ri nkhĭt lơi Păng. Tâm phung rêh rơh Păng, mâu geh du huê mĭn rvê Bu hŏ dong rmal Păng jêh ri sŏk lơi bơh neh phung rêh Yor ma nau tih phung ƀon lan Gâp?

Yêrêmi 11:19

Bi gâp, nâm bu du mlâm kon biăp rdơ̆ rbăn Bu têk leo tât ntŭk bu sreh nkhĭt. Gâp mâu gĭt khân păng ŭch nchră tâm rdâng ma gâp. Khân păng lah: “Ƀư rai hom nđâp ma tơm jêh ri play, Mƀăr lơi păng bơh neh phung gŭ rêh, Gay mâu hôm nơm nkah tât amoh păng đŏng ôh.”

Êsêkiêl 32:24

Ta nây geh phung Êlam ndrel ma lĕ rngôch phung lan âk păng gŭ văr jŭm môch păng. Lĕ rngôch lĕ bu nkhĭt da dê jêh ri chôt khĭt yor ma đao. Phung mâu hŏ dơn koh ntâu nây hŏ trŭnh tâm ntu jru tâm dâng neh, nây jêng phung srih nau nkrit toyh tâm bri dak phung hôm rêh. Khân păng geh nau bêk prêng ndrel ma phung trŭnh jêh ntŭk trôm jru.