Ndrom Samƀŭt bơh Yôp 26:8 - Nau Brah Ndu Ngơi 2023

⁸ Păng nklâm dak tâm lĕ ndâr tŭk Păng, Ƀiălah ndâr tŭk mâu chah ôh yor dak nây.

Ndrom Samƀŭt bơh Yôp 26:8 Iomraidhean Croise

Ndrom Samƀŭt bơh Yôp 36:29

Mbu nơm dơi gĭt vât ndâr tŭk ling nthăng, Mâu lah nteh nglaih huy ngăn tă bơh ngih bok Păng gŭ?

Ndrom Samƀŭt bơh Yôp 38:37

Mbu nơm tŏng nau blau mĭn gay kơp lĕ ndâr tŭk, Mâu lah nkêng lĕ rngôch nông dak tâm trôk ăn dak hoch?

Ndrom Samƀŭt bơh Yôp 38:9

Lah Gâp nthăng ndâr tŭk ƀư ao jâr ma dak mƀŭt, Sŏk nau ngo klĕng vêt vê ƀư bok put ma păng.

Nau Mprơ Ơm 135:7

Păng ăn ndâr tŭk hao bơh nglĕ dŭt rplay neh, Ƀư lơp nglaih ndrel ma mih, Ăn sial khôm luh tă bơh lĕ jay Păng prăp drăp ndơ khlay.

Nau Mprơ Ơm 147:8

Păng nkŭm lĕ ndâr trôk ma tŭk, Ndrăp dak mih ma neh ntu, Ƀư ăn gơ̆ hon tâm lĕ dor yôk.

Nau Hôr 30:4

Mbu nơm hŏ hao klơ trôk jêh jŭr tay? Mbu nơm hŏ rgum sial tâm mpang ti? Mbu nơm hŏ nklâm dak tâm ao? Mbu nơm ndâk n'har neh ntu? Mâm amoh Nơm nây, Jêh ri amoh săk kon bu klâu Nơm nây? Tơlah may gĭt, nkoch hom!

Nau Hôr 8:28

Lah Păng ƀư nâp ndâr tŭk prêh ta klơ, Ƀư ăn lĕ tu dak tâm dâng brŏng jru hoch,

Êsai 5:6

Gâp mra ƀư ăn păng jêng rngot njăp, Mâu koh n'gĭng, mâu đŏng brôi tơm; Rtau lok jêh ri pih pŭm mra chăt hon ta nây. Gâp ntăm đŏng ma tŭk Mâu hôm ăn dak mih ma păng ôh.”

Yêrêmi 10:13

Tơlah Păng ngơi, lĕ tu dak ta klơ trôk drơu drơu; Păng ƀư n'hôl dak hao bơh ntơm nglĕ dŭt rplay neh. Ƀư ăn lơp nglaih tâm mih, Pơk sail luh bơh lĕ jay prăp drăp ndơ khlay Păng.