Ndrom Samƀŭt bơh Yôp 24:15 - Nau Brah Ndu Ngơi 2023

¹⁵ Măt nơm tâm lâm gŭ kâp mông nsrŭp măng, Păng lah tâm nuih n'hâm: ‘Mâu geh du huê saơ gâp’; Jêh ri put ndâp muh măt păng nơm.

Ndrom Samƀŭt bơh Yôp 24:15 Iomraidhean Croise

II Samuel 12:12

May ƀư jêh nau nây ma nau ndâp, ƀiălah Gâp mra ƀư kan aơ tanăp măt lĕ rngôch phung Israel ta nôk nar.’”

Ndrom Samƀŭt bơh Yôp 31:9

Tơlah nuih n'hâm gâp tŭp nau bu ur ndơm, Mâu lah grem kâp ta mpông ngih nơm chiau meng,

Nau Mprơ Ơm 10:11

Păng mĭn tâm nuih n'hâm: “Brah Ndu chuêl jêh, Păng lĕ pôn măt jêh ri mâu mra saơ nau aơ ôh.”

Nau Mprơ Ơm 50:18

Tơlah may saơ nơm ntŭng may tâm di du ai nuih đah păng, May tâm pă ndơ đah phung văng tĭr.

Nau Mprơ Ơm 73:11

Khân păng lah: “Mâm ƀư Brah Ndu dơi gĭt? Nơm Dŭt Prêh geh nau gĭt rbăng lĕ?”

Nau Mprơ Ơm 94:7

Khân păng lah: “Brah Yêhôva mâu mra saơ ôh, Brah Ndu Yakôb mâu mĭn rmiăng treng uănh!”

Nau Ngluh Êjipt 20:14

May mâu dơi ƀư tih văng tĭr.

Nau Hôr 7:7

Jêh ri saơ tâm phung rluk, Tâm nklang phung mom ndăm, Geh du huê bu klâu hôm mom mâu geh ôh nau blau mĭn.

Êsêkiêl 8:12

Păng lah ma gâp: “Hơi kon bunuyh, may saơ lĕ nau phung bu ranh ngih Israel, ăp nuyh ƀư tâm ntŭk ngo klĕng, trôm jrô kach nsêr rup brah khân păng? Yorlah khân păng lah pô aơ: ‘Brah Yêhôva mâu saơ ôh he; Brah Yêhôva hŏ chalơi jêh bri aơ!’”

Êsêkiêl 9:9

Păng lah ma gâp pô aơ: “Nau tih mhĭk ngih Israel jêh ri Yuđa hŏ toyh hâu ngăn. Bri neh bêng ma nau pling mham, tâm ƀon bêng nau mâu sŏng yorlah khân păng lah pô aơ: ‘Brah Yêhôva hŏ chalơi jêh bri neh aơ, Brah Yêhôva mâu saơ ôh.’