Ndrom Samƀŭt bơh Yôp 24:13 - Nau Brah Ndu Ngơi 2023

¹³ Hôm geh đŏng bu êng tâm rdâng đah nau ang, Mâu gĭt năl ôh trong nau ang, Jêh ri mâu hăn tâm trong nau ang,

Ndrom Samƀŭt bơh Yôp 24:13 Iomraidhean Croise

I Phung Hađăch 3:20

Klong măng, dôl oh mon bu ur may gŭ lâng bê̆ch, păng kah rngăl, pư sŏk kon bu klâu gâp dôl gŭ êp ta meng gâp nơm jêh ri dơm păng lâng ta klơ ntang ntơh păng, jêh nây păng djôt kon bu klâu păng hŏ khĭt nây ăn lâng ta ntang ntơh gâp.

Ndrom Samƀŭt bơh Yôp 24:12

Bơh nklang ƀon phung dăch khĭt gŭ vơl nđor, Phung sôt rmanh kuăl gay geh nau kơl; Ƀiălah Brah Ndu mâu uănh nau nây jêng nau tih phung ƀai.

Ndrom Samƀŭt bơh Yôp 24:14

Trôk ê hŏ ang, phung nkhĭt bunuyh lĕ kah rngăl bê̆ch, Nkhĭt phung o ach jêh ri phung rêh ni. Lah lĕ măng jêh păng nâm bunuyh ntŭng.

Ndrom Samƀŭt bơh Yôp 24:16

Tâm klong măng khân păng lôk mpir, Bi nôk nar khân păng du krap; Khân păng mâu gĭt mâm nau ang.

Ndrom Samƀŭt bơh Yôp 38:13

Nkŭm lĕ puăn pŭng rplay neh, Ƀư ma phung djơh du luh tă bơh ntŭk păng?

Ndrom Samƀŭt bơh Yôp 38:15

Nau ang hŏ roh jêh bơh phung djơh, Nting tur dŭt dăng bơh khân păng bu hŏ nkê̆ch pă.

Ndrom Samƀŭt bơh Yôp 5:14

Dôl nôk nar khân păng mâp nau ngo klĕng, Dôl nar nklang bôk khân păng rvơ but nâm bu ngo klong măng.

Nau Hôr 4:19

Bi ma trong phung djơh mhĭk bêng ma nau ngo klĕng; Khân păng mâu gĭt ôh păng nơm chêh prah moh yor!

Yôhan 12:35

Brah Yêsu lah: “Nau ang hôm gŭ ndrel khân may ƀât lât dơm. Hăn hom dôl khân may hôm geh nau ang, klach nau ngo ƀât lât nkŭm khân may. Mbu nơm hăn tâm nau ngo păng mâu gĭt ôh mbah ntŭk păng hăn.

Yôhan 12:40

“Brah Yêsu ƀư ăn măt khân păng chieh, Nuih n'hâm khân păng dăng, Klach lah măt khân păng dơi saơ, Nuih n'hâm khân păng gĭt rbăng jêh ri rmal nau tih, Gay ma Gâp ƀư bah khân păng.”

Yôhan 15:6

Lah mbu nơm mâu gŭ tâm Gâp, bu klŭp padih tâm ban ma n'gĭng krăk ƀâu jêh ri kro, bu dônh mƀăr tâm ŭnh, ăn ŭnh sa păng.

Yôhan 8:31

Pôri, Brah Yêsu lah ma phung Yuđa chroh jêh ma Păng pô aơ: “Lah khân may gŭ nâp tâm nau Gâp ngơi, khân may jêng oh mon Gâp ngăn.

Yôhan 8:44

Khân may luh tă bơh mbơ̆ khân may jêng brah mhĭk, jêh ri khân may ŭch ƀư tĭng nau kơnh ŭch ma mbơ̆ khân may. Bơh ntơm saơm păng jêng nơm nkhĭt bunuyh, jêh ri mâu gŭ tâm nau ngăn ôh, yorlah nau ngăn mâu geh tâm păng ôh. Lah păng ngơi nau mƀruh jêng ngơi tĭng nuih n'hâm djơh păng nơm, yorlah păng jêng nơm mƀruh jêh ri mbơ̆ nau mƀruh.

Samƀŭt Pôl Njuăl Ăn Ma Phung Nsing Ta Ƀon Rôm 1:32

Khân păng rlau ma gĭt nau vay Brah Ndu hŏ nal pô aơ ma mbu nơm ƀư lĕ nau tih pônây jêng khư khĭt. Pôri, mâu di knŏng khân păng nơm ƀư lĕ nau nây, ƀiălah khân păng tâm di ndrel ma phung êng ƀư tâm ban đŏng.

Yakơ 4:17

Pôri, mbu nơm gĭt nau ueh, ƀiălah păng mâu ƀư ôh, păng jêng tih yơh.

I Yôhan 2:19

Khân păng du luh jêh tă bơh nklang phung he, ƀiălah khân păng mâu jêng phung he ôh. Yorlah tơlah khân păng jêng phung he, khân păng mra gŭ ndrel ma he; nau aơ tât jêh gay tâm mpơl rah vah ma lĕ rngôch khân păng mâu jêng phung he ôh.

Yuđas 1:6

Bi phung tông mpăr mâu djôt prăp tâm ntŭk khân păng, chalơi ntŭk khân păng nơm, Brah Ndu dŏng rse rvăk gay kăt khân păng n'ho ro tâm ntŭk ngo klĕng gay kâp nau phat dôih ta nar toyh.