Ndrom Samƀŭt bơh Yôp 23:10 - Nau Brah Ndu Ngơi 2023

¹⁰ Ƀiălah Kôranh Brah gǐt trong gâp hăn, Tơlah Păng rlong uănh jêh gâp, gâp mra jêng nâm bu mah.

Ndrom Samƀŭt bơh Yôp 23:10 Iomraidhean Croise

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

II Samuel 22:22

Yorlah gâp djôt prăp lĕ trong ndô̆ Brah Yêhôva, Mâu chalơi Brah Ndu gâp gay ƀư nau mhĭk.

II Phung Hađăch 20:3

“Ơ Brah Yêhôva, dăn kah gĭt hom pô aơ gâp hôm chuat hăn tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

Ndrom Samƀŭt bơh Yôp 10:7

Nđâp lah May lĕ gĭt gâp mâu ƀư tih, Jêh ri mâu geh ôh bunuyh dơi klaih bơh ti May?

Ndrom Samƀŭt bơh Yôp 23:7

Ta nây bunuyh sŏng mra tâm dun đah Păng, Jêh ri gâp mra klaih mro mrăng bơh Nơm phat dôih gâp.

Ndrom Samƀŭt bơh Yôp 23:9

Lah Păng pah kan gŭ mpeh pa lơ, gâp mâu dơi ôh mâp Păng; Lah Păng trŭnh mpeh pa dâng, gâp mâu saơ đŏng Păng.

Ndrom Samƀŭt bơh Yôp 31:4

Mâu di bơh Păng vay saơ trong gâp hăn, Jêh ri kơp ăp nhuat jâng gâp ƀơh?

Ndrom Samƀŭt bơh Yôp 31:6

Dăn Brah Ndu yơk njing gâp ta klơ du mlâm njing di, Pôri Păng mra saơ nau sŏng gâp.

Ndrom Samƀŭt bơh Yôp 33:9

‘Gâp kloh rsang, mâu geh ôh nau ƀư tih; Gâp mâu geh nau tih, mâu prăp ôh nau djơh mhĭk tâm nuih n'hâm.

Ndrom Samƀŭt bơh Yôp 6:29

Gâp dăn khân may mĭn hom, lơi hôm geh nau mâu sŏng đŏng ôh. Mĭn tay hom, yorlah gâp hôm jêng bunuyh sŏng srăng.

Ndrom Samƀŭt bơh Yôp 7:18

Kŏ tât may chop khâl ăp ôi, Jêh ri rlong uănh ăp mông ăp tơ̆?

Nau Mprơ Ơm 1:6

Yorlah Brah Yêhôva gĭt trong phung sŏng srăng, Ƀiălah trong bunuyh mhĭk mra rai yot.

Nau Mprơ Ơm 11:5

Brah Yêhôva sek uănh phung sŏng srăng nđâp ma phung djơh mhĭk, Jêh ri nuih n'hâm Păng tâm rmot ma phung ŭch ƀư nau janh ktang.

Nau Mprơ Ơm 17:3

Kôranh Brah hŏ sek uănh jêh nuih n'hâm gâp, khâl gâp dôl măng; May rlong uănh gâp ƀiălah joi mâu saơ geh nau ôh; Gâp ntrâng ton trôm mbung gâp mâu mra ƀư tih.

Nau Mprơ Ơm 66:10

Yorlah Brah Ndu ah, May rlong uănh jêh hên, May krĕt hên tâm ban ma krĕt prăk.

Nau Mprơ Ơm 7:9

Ơ Brah Ndu sŏng srăng, Jêng nơm sek uănh nuih n'hâm kon bunuyh, Dăn ƀư lôch nau djơh mhĭk phung ƀai Ƀiălah ƀư ăn nâp bunuyh sŏng srăng.

Nau Hôr 17:3

Glah gay krĕt prăk, năk gay krĕt mah, Ƀiălah Brah Yêhôva rlong uănh nuih n'hâm kon bunuyh.

Yêrêmi 12:3

Ơ Brah Yêhôva, May gĭt jêh gâp! May saơ gâp, May ôp sek nuih n'hâm gâp ndrel ma May. Dăn nkhah khân păng luh nâm bu nkhah biăp gay djôt tât ntŭk sreh nkhĭt Prăp êng khân păng ma nar sreh nkhĭt.

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Yôhan 21:17

Brah Yêsu ôp đŏng ma păng rơh pe: “Y-Simôn kon Y-Yôhan, may rŏng lĕ ma Gâp?” Y-Pêtrôs rngot yor Brah Yêsu ôp păng tât pe tơ̆: “May rŏng lĕ ma Gâp?” Păng ơh pô aơ: “Ơ Kôranh Brah ơi, May gĭt lĕ rngôch ndơ; May gĭt jêh gâp rŏng ma May.” Brah Yêsu lah ma păng: “Mât mray hom phung biăp Gâp.

I Kôrintô 3:15

Bi tơlah nau kan păng ndâk lĕ ŭnh su rai, păng mra roh nau nkhôm; mpeh ma păng nơm, mra dơi rklaih ƀiălah nâm bu luh tă bơh ŭnh.

Nau Vay Nkah Tay 8:2

Ăn khân may kah gĭt tay tâm du njăr trong tâm bri rdah Yêhôva Brah Ndu hŏ njŭn leo khân may hăn puăn jât năm aơ, Păng n'hŭch khân may jêh ri rlong uănh khân may gay gĭt rah vah tâm nuih n'hâm khân may, gĭt lah geh djôt prăp nau vay Păng ntăm mâu lah mâu.

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”

ហេឞ្រើ 11:17

Yor ma nau chroh Y-Abraham nhhơr Y-Isăk dôl geh nau rlong uănh. Păng rơm ndrăp nhhơr kon dul hŏ dơn jêh tĭng nau ton,

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

I Pêtrôs 1:7

gay ma nau chroh khân may lah jêh dơn nau rlong uănh mra khlay rlau lơn ma mah — nđâp tơlah mah bu rlong uănh păng tâm ŭnh kđôi lĕ, ăt blau roh rai — djôt leo tay nau tâm rnê, nau chrêk rmah jêh ri nau yơk nôk Brah Yêsu Krist tât tâm mpơl.