Ndrom Samƀŭt bơh Yôp 21:19 - Nau Brah Ndu Ngơi 2023

¹⁹ Khân may lah: ‘Brah Ndu prăp nau djơh mhǐk khân păng ma phung kon khân păng mra dơn.’ Dăn May mplơ̆ nau nây ma khân păng nơm, gay khân păng gǐt.

Ndrom Samƀŭt bơh Yôp 21:19 Iomraidhean Croise

Nau Ntơm 4:7

Tơlah may ƀư nau ueh mâu hĕ Gâp dơn ndơ may? Tơlah may mâu ƀư ôh nau ueh nau tih gŭ kâp may tanăp bôk mpông, păng ŭch may ngăn; ƀiălah ăn may mât uănh păng.”

II Samuel 3:39

Mpeh let ma gâp, nar aơ gâp hôm huơi nđâp lah gâp jêng hađăch bu tŏ dak ƀâu kah jêh; ƀiălah phung nây, jêng phung kon H'Sêruya, hŏ ƀư jêr ir ma gâp. Dăn Brah Yêhôva mplơ̆ sĭt ma nơm ƀư mhĭk tĭng nâm nau djơh mhĭk păng!”

Ndrom Samƀŭt bơh Yôp 22:24

Mƀăr lơi mah tâm ndruyh neh, Jêh ri klŭp lơi mah Ôphir tâm lŭ ta nklang dak,

Nau Mprơ Ơm 54:5

Păng mra mplơ̆ ma phung rlăng đah gâp ma nau tih mhĭk khân păng; Dăn May ƀư rai hom khân păng tĭng nau răp jăp May.

Nau Ngluh Êjipt 20:5

May mâu dơi chon mon ta rup nây mâu lah yơk mbah khân păng; yorlah Gâp jêng Yêhôva Brah Ndu may, jêng Brah Ndu blau ntôn. Đah phung bunuyh tâm rmot Gâp, yor nau tih chô yau Gâp mra tâm rmal ma kon sau khân păng tât rô̆ tal pe, tal puăn.

Êsai 14:21

Yor nau kue mbơ̆ chô khân păng, Nkra hom du ntŭk tâm nkhĭt ma phung kon sau khân păng; Klach lah khân păng plơ̆ dâk jêh ri sŏk pit neh, Jêh ri ndâk ƀon toyh khân păng lam klơ neh ntu!

Yêrêmi 31:29

“Tâm lĕ nar nây, khân păng mâu hôm lah ôh: ‘Mbơ̆ sa play krăk ƀâu srat Ƀiălah kon sau kĭr sêk.’

Êsêkiêl 18:14

Ƀiălah tơlah bunuyh nây deh kon bu klâu jêh ri kon nây saơ lĕ rngôch nau tih mbơ̆ păng hŏ ƀư jêh pôri păng klach mâu hôm ƀư ôh nau ƀai tâm ban pônây;

Êsêkiêl 18:2

“Moh nau khân may ngơi dôl ngơi tay nau hôr aơ ma bri Israel: ‘Phung mbơ̆ sa play krăk ƀâu srat Phung kon nkhơng kĭr sêk’?

Malachi 3:18

Nôk nây, khân may mra plơ̆ sĭt jêh ri saơ nau êng ngăn tâm phung sŏng srăng jêh ri phung djơh mhĭk, tâm phung pah kan ma Brah Ndu jêh ri đah phung mâu pah kan ma Păng.”

Nau Kơp Bunuyh 14:18

‘Brah Yêhôva mâu gơnh nuih ôh, Jêh ri ndrŏng ma nuih n'hâm yô̆ nđach, Yô̆ an nau tih jêh ri nau tâm rdâng, Ƀiălah mâu kơp nơm geh nau tih ôh jêng mâu geh nau tih, Jêh ri rmal ma phung kon sau kŏ tât pe puăn rô̆ nuyh Yorlah nau tih phung chô yau.’

Mathay 16:27

Yorlah Kon Bunuyh mra văch tâm nau chrêk rmah Mbơ̆ Păng ndrel ma phung tông mpăr. Nôk nây, Păng mra ăn nau nkhôm ma ăp nơm, tĭng nâm nau kan păng hŏ pah jêh.

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

Nau Vay Nkah Tay 32:34

Nau kan pônây mâm Gâp dơi chuêl? Gâp lĕ ntĭl jêh păng tâm ntŭk prăp drăp khlay Gâp.

Nau Vay Nkah Tay 32:41

Lah Gâp tôl theng măt đao ăn dŭt chrêk, Jêh ri ti djôt nau phat dôih Gâp mra plơng har ma phung rdâng đah Gâp, Mplơ̆ tay ma phung tâm rmot ma Gâp.

II Timôthê 4:14

Y-Aleksandrơ, bunuyh blau chiăr kông, ƀư jêh âk nau mhĭk ma gâp; Kôranh Brah mra mplơ̆ ma păng tĭng nâm kan păng pah.

Nau Tâm Mpơl 18:6

Mplơ̆ lơi ma păng nâm bu păng hŏ ƀư ma bu, Mplơ̆ sĭt ma păng bar tơ̆ lĕ kan păng ƀư jêh. Rlŭk hom ma păng bar tơ̆ kachok păng rlŭk jêh.