Ndrom Samƀŭt bơh Yôp 20:27 - Nau Brah Ndu Ngơi 2023

²⁷ Lĕ ndâr trôk mra tâm mpơl nau djơh mhĭk păng, Jêh ri neh mra dâk tâm rdâng đah păng.

Ndrom Samƀŭt bơh Yôp 20:27 Iomraidhean Croise

Ndrom Samƀŭt bơh Yôp 16:18

Hơi neh, lơi nkŭm brôi mham gâp! Ăn nau gâp nter vơl ngloh ngai ƀaƀơ!

Ndrom Samƀŭt bơh Yôp 18:18

Păng lĕ bu mprơh bơh nau ang gay lăp tâm ntŭk nau ngo, Jêh ri bu mprơh lơi bơh neh ntu.

Êsai 26:21

Yorlah aơ, Brah Yêhôva mra luh bơh ntŭk Păng gŭ Gay tâm rmal nau tih ma phung gŭ ta neh ntu. Rnôk aơ, neh ntu mra tâm mpơl mham Jêh ri mâu hôm nkŭm ôh phung bu hŏ nkhĭt jêh.

Yêrêmi 29:23

Yorlah khân păng hŏ ƀư jêh nau rluk tâm bri Israel, hŏ ƀư nau văng tĭr đah ur phung chiau meng, jêh ri hŏ tâm amoh Gâp ngơi ma lĕ nau mƀruh nau Gâp mâu mâp ntĭnh ôh. Gâp yơh jêng Nơm gĭt rah vah nau nây jêh ri mbơh nkoch ma nau nây.” Brah Yêhôva lah pônây.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Samƀŭt Pôl Njuăl Ăn Ma Phung Nsing Ta Ƀon Rôm 2:16

Ta nar nây, Brah Ndu ăn Yêsu Krist mra phat dôih lĕ nau kan ndâp kon bunuyh bơh Brah Yêsu Krist, tĭng nâm Nau Mhe Mhan Ueh gâp nti.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

Nau Vay Nkah Tay 31:28

Rgum hom tanăp gâp phung kôranh bu ranh tâm phung ndŭl mpôl jêh ri phung kôranh chiă uănh khân may; gâp mra ngơi sŏng lĕ nau ngơi aơ ma khân păng jêh ri kuăl trôk jêh ri neh gay mbơh nau tâm rdâng đah khân păng.