Ndrom Samƀŭt bơh Yôp 20:12 - Nau Brah Ndu Ngơi 2023

¹² Nđâp lah nau djơh mhĭk dơi jêng njŭng tâm mbung păng, Păng dơi pôn tâm dâng mpiăt,

Ndrom Samƀŭt bơh Yôp 20:12 Iomraidhean Croise

Nau Ntơm 3:6

Dôl bu ur saơ play ta tơm si nây sa kah, ueh măt uănh jêh ri khlay yor ƀư ma păng nau blau mĭn, păng pĕ play nây jêh ri sa, jêh nây ăn ma sai păng dôl dâk êp ta meng; sai păng sa đŏng.

II Samuel 11:12

Y-Đavit lah ma Y-Uri: “Nar aơ gŭ hom ta aơ, jêh nây ôi taơ gâp mra prơh may hăn.” Pônây, Y-Uri gŭ ta ƀon Yêrusalem nar nây jêh ri nar ôi taơ.

Ndrom Samƀŭt bơh Yôp 15:16

N'hơn lah ma du huê nơm tih mhĭk, bu rmot, Ƀư nau tih mhĭk nâm bu nhêt dak!

Nau Mprơ Ơm 10:7

Trôm mbung păng bêng ma nau rak rtăp, mƀruh ndơm jêh ri nau thăm rmat; Mpiăt păng ngơi nau mhĭk jêh ri nklă nchơt.

Nau Hôr 19:28

Nơm mbơh tih mưch ma nau sŏng srăng, Jêh ri mbung nơm mhĭk rvăn nau tih.

Nau Hôr 20:17

Ƀănh yor tă nau ndơm mơ dơi geh, dôl nôk sa jêng kah njŭng, Ƀiălah pakơi nây, trôm mbung mra bêng lŭ chreh.

Nơm Nti 11:9

Hơi bunuyh mom ndăm, maak răm hom tâm năm ndăm rah! Maak dơn hom nôk may hôm mom ndăm. Hăn tĭng hom trong nuih n'hâm may ŭch jêh ri măt may ŭch kơnh. Ƀiălah ăn gĭt pô aơ yorlah lĕ rngôch kan nây, Brah Ndu mra djôt leo may ma nau phat dôih.

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.