Ndrom Samƀŭt bơh Yôp 2:10 - Nau Brah Ndu Ngơi 2023

¹⁰ Păng plơ̆ lah: “Ay ngơi nâm bu du huê bu ur rluk. Mâm ƀư nau ueh uĭn tă bơh ti Brah Ndu ăn he sŏk dơn, bi nau mhĭk jŭr tă bơh ti Păng he mâu sŏk dơn bơh?” Tâm lĕ nau nây, Y-Yôp mâu geh tih tâm nau ngơi.

Ndrom Samƀŭt bơh Yôp 2:10 Iomraidhean Croise

Nau Ntơm 3:17

Brah Ndu lah ma Y-Ađam: “Yor may hŏ iăt tĭng nau ur may, Sa play tơm si Gâp lĕ buay jêh mâu dơi sa, Yor ri neh mra geh nau rtăp rak yor may; May hŏt rgănh du njăr rêh ri mơ geh ndơ sa luh bơh neh.

II Samuel 13:13

Bi gâp, mbah ntŭk gâp mra djôt leo nau bêk prêng? Bi may, may mra jêng nâm bunuyh mhĭk tâm phung Israel. Pôri aƀaơ, gâp vơh vơl ma may, ngơi hom ma hađăch, yorlah păng mâu mra dun ăn gâp ma may ôh.”

II Samuel 19:22

Ƀiălah Y-Đavit plơ̆ lah ma păng: “Hơi kon bu klâu H'Sêruya, moh nau gâp geh ƀư tih đah khân may, dĭng nar aơ khân may rlơ̆ jêng nâm bu bunuyh tâm rdâng đah gâp? Tâm du nar nâm bu ma nar aơ mâm ƀư nkhĭt tay du huê tâm phung Israel? Di lĕ gâp mâu gĭt nar aơ gâp jêng hađăch ma phung Israel?”

II Samuel 19:28

Yorlah lĕ rngôch ngih mbơ̆ gâp knŏng jêng phung bunuyh prăp ma nau khĭt tanăp măt hađăch jêng kôranh gâp dơm, ƀiălah may n'gân dơm oh mon may ndrel ma phung gŭ sông sa ta sưng sông may. Pônây, moh nau dơi êng đŏng gâp hôm geh gay ŭch dăn ma hađăch?”

II Samuel 24:10

Tơlah jêh nau kơp phung ƀon lan nuih n'hâm Y-Đavit nâm bu sôch bu sôr. Y-Đavit ngơi ma Brah Yêhôva: “Gâp hŏ ƀư tih toyh ngăn jêh tâm nau gâp hŏ ƀư jêh. Ƀiălah aƀaơ, hơi Brah Yêhôva! Dăn jut lơi nau kue bơh oh mon May hŏ ƀư tih, yorlah gâp ƀư jêh ma nau rluk ngăn.”

II Nau Rêh Jêng 16:9

Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

Ndrom Samƀŭt bơh Yôp 1:10

Mâu di bơh may hŏ ndâk n'gar king n'gang jŭm păng jêh ri rnăk vâl nđâp ma lĕ rngôch drăp ndơ păng ƀơh? May hŏ ăn nau ueh uĭn tâm kan ti păng pah jêh ri ƀư ma drăp ndơ păng bêng lam neh.

Ndrom Samƀŭt bơh Yôp 2:9

Nôk nây, ur Y-Yôp ngơi: “Mâm? May hôm e dơi mât nuih n'hâm ueh răp jăp đŏng? Rak rtăp ma Brah Ndu jêh ri khĭt hom!”

Nau Mprơ Ơm 39:1

Gâp lah pô aơ: “Gâp mra prăp lĕ trong gâp, Gay prăp mpiăt gâp mâu ƀư tih: Tơlah dôl phung mhĭk gŭ tanăp gâp, Gâp mra mêm lơi trôm mbung gâp.

Nau Mprơ Ơm 39:10

Dăn sŏk lơi bơh gâp nau May tâm rmal: Gâp lĕ huăr yor nau ji nuih ti May.

Nau Mprơ Ơm 39:9

Gâp mlo mâu hă trôm mbung ôh, Yorlah May ƀư jêh nau nây.

Nau Mprơ Ơm 59:12

Yor nau tih bơh mbung khân păng, Jêng nau rak rtăp jêh ri nau ngơi mƀruh luh bơh bâr mbung khân păng ngơi, Ăn khân păng geh dăk tâm nau sưr khân păng nơm!

Nau Hôr 9:13

Phung bu ur nkhơng brŭt rluk vay rsĭk dăng ngơi, Rluk mâl, mâu gĭt vât du ntil ndơ.

Nau Hôr 9:6

Chalơi hom nau rluk mra dơi rêh, Jêh ri chuat hom tĭng trong nau gĭt rbăng.”

Nơm Nti 7:14

Tâm nar ndrŏng, maak dơn hom, Tâm nar nau mhĭk, mĭn rvê hom; Yorlah Brah Ndu ăn lĕ bar ntil nây tât Gay ma kon bunuyh mâu dơi gĭt moh nau mra tât tâm du nar kăndơ̆.

Nau Nhĭm Vơl 3:37

Mbu ntrŭnh ăn nau nây tât ngăn, Tơlah mâu di Kôranh Brah hŏ ntĭnh jêh?

Mathay 16:23

Ƀiălah Brah Yêsu rle măt uănh ta Y-Pêtrôs jêh ri lah: “Hơi Satan, rŭch plơ̆ hom pakơi Gâp! May ŭch ƀư tŭp Gâp; yorlah may mâu mĭn ma kan Brah Ndu, ƀiălah knŏng mĭn ma kan kon bunuyh.”

Mathay 25:2

Tâm phung nây, geh prăm nuyh rluk jêh ri prăm nuyh blau mĭn.

Yôhan 18:11

Ƀiălah Brah Yêsu lah ma Y-Pêtrôs: “Ntrŭp lơi đao may tâm ndrop! Gâp mâu mra nhêt hĕ ngan Mbơ̆ hŏ ăn Gâp nhêt?”

Samƀŭt Pôl Njuăl Ăn Ma Phung Nsing Ta Ƀon Rôm 12:12

Gŭ maak hom tâm nau kâp gân, srôih tâm nau rêh ni, nâp nuih n'hâm jêh ri mbơh sơm.

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

Yakơ 3:2

Lĕ rngôch he tih da dê tâm âk ntil nau. Mbu nơm mâu tih ôh tâm nau ngơi, păng jêng bunuyh rĭng jêh, mra dơi chiă uănh lĕ săk jăn păng nơm.

I Samuel 3:18

Pôri, Y-Samuel nkoch tay lĕ rngôch nau, mâu pôn mo du ntil nau ma păng ôh. Y-Êli lah: “Nây jêng Brah Yêhôva, ăn Păng ƀư nau nây tĭng nâm nau Păng mĭn ueh!”