Ndrom Samƀŭt bơh Yôp 19:8 - Nau Brah Ndu Ngơi 2023

⁸ Kôranh Brah lĕ king jêh trong gâp, gâp mâu dơi rgăn ôh. Păng nkŭm nau ngo tâm lĕ trong gâp hăn.

Ndrom Samƀŭt bơh Yôp 19:8 Iomraidhean Croise

Ndrom Samƀŭt bơh Yôp 23:17

Nđâp lah pônây gâp mâu mra gŭ klăk klêm tâm nau ngo, Nôk nau ngo klĕng nkŭm ndâp muh măt gâp.”

Ndrom Samƀŭt bơh Yôp 3:23

Mâm ƀư păng lĕ nking ndâp trong hăn, Lĕ Brah Ndu de nchueng jŭm păng puăn njônh, Mâm hôm dơi ăn nau ang jêh ri nau rêh?

Ndrom Samƀŭt bơh Yôp 30:26

Ƀiălah nôk gâp gŭ kâp nau ueh, nkhơng ma nau mhĭk văch; Gâp kâp gân nau ang ƀiălah nau ngo nkhơng văch tât.

Nau Mprơ Ơm 88:8

May ƀư phung mĭt jiăng gâp du ngai đah gâp; Gâp jêng du ntil ndơ ƀơ̆ ƀơch ma khân păng. Bu krŭng gâp, gâp mâu dơi klaih ôh.

Nau Hôr 4:19

Bi ma trong phung djơh mhĭk bêng ma nau ngo klĕng; Khân păng mâu gĭt ôh păng nơm chêh prah moh yor!

Êsai 50:10

Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

Êsai 59:9

Yor nây nau sŏng gŭ ngai đah hên, Nau sŏng srăng mâu dơi ban hên ôh. Hên kâp gân nau ang, ƀiălah knŏng saơ nau ngo, Hên kâp gân nau ral ang ƀiălah hên nhuat hăn tâm nau ngo.

Yêrêmi 13:16

Nhhơr hom nau chrêk lơp ăn Yêhôva Brah Ndu khân may Êlor ma Păng ƀư nau ngo klĕng jŭr nkŭm, Êlor ma jâng khân may chêh prah Ta klơ lĕ yôk nôk nsrŭp măng; Lĕ khân may ŭch kâp nau ang Ƀiălah Păng rgâl jêng gui nau khĭt, Plơ̆ jêng gui nau ngo mbâl.

Yêrêmi 23:12

Yor nây trong khân păng Mra jêng nâm bu trong mbĭr prah tâm nau ngo, Bu mra mprơh khân păng lăp jêh ri chêh prah ta nây. Yorlah tât năm tâm rmal, Gâp mra ăn nau ji tưp ma khân păng,” Brah Yêhôva lah pônây.

Nau Nhĭm Vơl 3:5

Nchueng jŭm gâp, krŭng gâp, Ma nau rngot jêh ri nau rêh ni;

Nau Nhĭm Vơl 3:7

Păng ƀư mpêr jŭm gâp, gâp mâu dơi klaih ôh; Păng nkông gâp ma rse rvăk jâk ngăn;

Nau Nhĭm Vơl 3:9

Păng sŏk king trong gâp ma lŭ, Ƀư ma trong gâp hăn kue kuăt.

Ndrom Samƀŭt bơh Ôsê 2:6

Yor nây, Gâp mra sŏk pôm lok nchăng trong păng, Ndâk du mlâm mpêr jŭm păng Ăn păng mâu dơi saơ trong hăn ôh.

Ndrom Samƀŭt bơh Ôsê 2:8

Nanê̆ ngăn păng mâu gĭt ôh Gâp yơh, Nơm hŏ ăn jêh ba ƀlê, ndrănh mhe jêh ri dak ngi ma păng, Gâp yơh hŏ ăn ma păng âk prăk, mah Ƀiălah khân păng djôt dŏng ăn ma brah Baal.

Yôhan 8:12

Brah Yêsu lah đŏng ma phung ƀon lan pô aơ: “Gâp jêng nau ang ma neh ntu, mbu nơm tĭng Gâp mâu mra hăn tâm nau ngo ôh, ƀiălah mra geh nau ang ma nau rêh.”

Yôsuê 24:7

Rnôk nây, tơlah phung chô yau khân păng nter dăn ma Brah Yêhôva, Gâp ăn tât nau ngo klĕng jŭr vah vang khân may đah phung Êjipt, ăn dak mƀŭt tâp brôi lĕ khân păng. Măt phung chô yau khân păng hŏ saơ jêh nau Gâp ƀư ma phung Êjipt. Jêh nau nây, khân may gŭ tâm bri rdah jŏ jêh.