Ndrom Samƀŭt bơh Yôp 15:8 - Nau Brah Ndu Ngơi 2023

⁸ Di lĕ may mâp tăng jêh nau Brah Ndu nchră, Jêh ri djôt rgum lĕ nau blau mĭn sĭt ma may nơm?

Ndrom Samƀŭt bơh Yôp 15:8 Iomraidhean Croise

Ndrom Samƀŭt bơh Yôp 11:6

Ŭch ma Păng mpơl ăn may gĭt nau ndâp bơh nau blau mĭn! Yorlah nau blau mĭn Păng jru khlay ngăn. Pônây ăn gĭt hom pô aơ Brah Ndu tâm rmal n'gơch lơn ma may đah nau tih may hŏ ƀư.

Ndrom Samƀŭt bơh Yôp 12:2

“Di jêh, khân may jêng nau ngơi phung ƀon lan, Lah khân may khĭt, nau blau mĭn n'hêl nanê̆ mra du luh tĭng khân may nơm.

Ndrom Samƀŭt bơh Yôp 29:4

Lah gâp hôm mom ndăm, Jêh ri nau rŏng mĭt jiăng bơh Brah Ndu nkŭm ngih bok gâp;

Nau Mprơ Ơm 25:14

Brah Yêhôva jan jiăng ndrel ma phung klach yơk ma Păng, Jêh ri mpơl ma nơm nây gĭt nau tâm rnglăp Păng.

Nau Hôr 3:32

Yorlah Brah Yêhôva tâm rmot ma bunuyh kue, Ƀiălah Păng njêng mĭt jiăng đah bunuyh sŏng.

Yêrêmi 23:18

Pônây, mbu dơi dâk tâm nau tâm rgum Brah Yêhôva, Gay mêt uănh jêh ri iăt nau Păng? Mbu hŏ rkêng tôr jêh ri iăt tĭng nau Păng ngơi?

Amôt 3:7

Tâm ban lĕ, Kôranh Brah Yêhôva mâu mo du ntil nau ôh Mbơh lĕ nau ndâp Păng Ma phung oh mon Păng jêng phung nơm mbơh lor.

Mathay 11:25

Nôk nây Brah Yêsu ngơi pô aơ: “Ơ Mbơ̆, Kôranh Brah trôk jêh ri neh ntu, Gâp tâm rnê ma Mbơ̆, yorlah Mbơ̆ pôn jêh lĕ nau nây ma bunuyh blau mĭn, bunuyh gĭt rbăng, ƀiălah tâm mpơl jêh ma phung kon se jê̆.

Mathay 13:11

Brah Yêsu lah: “Bu ăn jêh ma khân may gĭt rbăng ma nau ndâp ƀon bri hađăch klơ trôk, ƀiălah ma khân păng bu mâu ăn nâm bu pônây.

Mathay 13:35

Pôri, n'hêl nanê̆ jêh nau nơm mbơh lor: “Gâp mra hă mbung gay ngơi lĕ nau hôr, Gâp mra mbơh lĕ nau pôn ndâp ntơm rnôk rhăk njêng neh ntu.”

Yôhan 15:15

Gâp mâu hôm kuăl khân may jêng oh mon ôh, yorlah oh mon mâu gĭt ôh moh nau kôranh păng ƀư. Ƀiălah Gâp kuăl khân may băl Gâp nơm, yorlah Gâp hŏ mpơl jêh ma khân may gĭt lĕ rngôch lĕ nau Gâp hŏ tăng jêh tă bơh Mbơ̆ Gâp.

Samƀŭt Pôl Njuăl Ăn Ma Phung Nsing Ta Ƀon Rôm 11:33

Ơ! Nau ndrŏng, blau mĭn jêh ri nau gĭt rbăng Brah Ndu khlay ndâp âk ngăn! Nau Păng phat dôih, mbu nơm mâu dơi gĭt, trong Păng mbu nơm mâu dơi gĭt rbăng!

Samƀŭt Pôl Njuăl Ăn Ma Phung Nsing Ta Ƀon Rôm 11:34

“Yorlah mbu nơm gĭt nau mĭn Kôranh Brah, Mbu nơm jêng nơm kơl nchră ma Păng?”

I Kôrintô 2:16

“Yorlah mbu nơm gĭt năl jêh nau mĭn Kôranh Brah, Gay ma sâm ntĭm an Păng?” Ƀiălah hên geh nau mĭn Brah Krist.

Nau Vay Nkah Tay 29:29

Lĕ nau ndâp prăp ma Yêhôva Brah Ndu he, ƀiălah lĕ nau păng tâm mpơl jêh prăp ma he jêh ri ma phung kon sau he ƀaƀơ n'ho ro, gay ma he tĭng kơt lĕ rngôch nau ngơi tâm nau vay aơ.