Ndrom Samƀŭt bơh Yôp 14:12 - Nau Brah Ndu Ngơi 2023

¹² Kon bunuyh hŏ khĭt jêh mâu hôm dâk đŏng ôh, Lah trôk nđôch hôm ta nây, khân păng mâu đŏng kah rngăl, Jêh ri mâu geh ôh bunuyh rlay khân păng bơh nau lêt bê̆ch.

Ndrom Samƀŭt bơh Yôp 14:12 Iomraidhean Croise

Ndrom Samƀŭt bơh Yôp 3:13

Tơlah mâu pôri aƀaơ gâp hŏ lâng klăk klêm, Dơi gŭ rlu hăk bê̆ch

Ndrom Samƀŭt bơh Yôp 30:23

Gâp gĭt Kôranh Brah mra njŭn leo gâp lăp nau khĭt, Jêng ntŭk tâm nal ăn ma lĕ rngôch bunuyh rêh.

Ndrom Samƀŭt bơh Yôp 7:21

Mâm dĭng May mâu yô̆ an nau tih gâp, Sŏk lơi lĕ nau djơh mhĭk tâm gâp? Yorlah mâu hôm jŏ ôh gâp mra bê̆ch tâm neh; May mra tĭng joi gâp ƀiălah gâp mâu hôm ôh.”

Ndrom Samƀŭt bơh Yôp 7:9

Nâm bu tŭk chah rai jêh ri roh jêh, Bunuyh trŭnh tâm ƀon phung khĭt mâu hôm dơi plơ̆ hao klơ đŏng ôh.

Nau Mprơ Ơm 102:26

Trôk neh mra rai lôch, ƀiălah Kôranh Brah ăt hôm n'ho ro; Khân păng mra mŭnh sat nâm bu kho ao. May mra tâm rgâl khân păng nâm bu du blah ao jêh ri bu mra tâm rgâl.

Nau Mprơ Ơm 90:5

May ƀư ma khân păng rdu nâm bu n'hor dak lip; khân păng nâm bu du rngăl bê̆ch, Jêng nâm bu gơ̆ mhe hon ôi.

Nơm Nti 11:8

Tơlah du huê bunuyh dơi rêh jŏ năm, Maak dơn hom lĕ rngôch ăp năm nây. Ƀiălah ăn kah gĭt hom pô aơ du bông nar ngo klĕng mra hôm jong; Jêh ri lĕ nau geh tât jêng dơm dam da dê.

Nơm Nti 12:5

Bu ăt klach ngăn dôl hao prêh, Jêh ri klach krit dôl hăn rŏ trong. Aƀaơ aơ, tơm si amandê luh kao, Phung krah ndrach nhuat jâk ngăn; Nau kơnh mâu hôm geh ôh, Yorlah aƀaơ aơ kon bunuyh hăn tât ngih păng gŭ n'ho ro, Bi phung ndrê klâng hăn ndăch jŭm lĕ trong ƀon toyh.

Êsai 26:19

Phung May khĭt mra ăn plơ̆ rêh, Săk jăn khân păng mra plơ̆ dâk! Ơ phung khĭt tâm ndruyh neh, kah rngăl hom jêh ri maak! Yorlah dak ngom May tâm ban ma dak ngom ƀhit rvi ang, Jêh ri neh mra mƀơk lĕ phan bunuyh khĭt.

Êsai 51:6

N'gơr hom măt khân may klơ lĕ ndâr trôk, Jêh ri uănh hom ta neh; Yorlah lĕ ndâr trôk mra lêk yơh nâm bu nhhŭk ŭnh, Neh ntu mra ơm nâm bu mlâm ao, Phung ƀon lan gŭ ta nây mra khĭt tâm ban ma rhuay. Ƀiălah nau Gâp tâm rklaih mra hôm n'ho ro, Nau sŏng srăng Gâp mâu blau lôch ôh.

Êsai 65:17

“Yorlah aơ, Gâp mra rhăk njêng trôk mhe jêh ri neh mhe; Bu mâu hôm kah gĭt ôh ma lĕ ndơ kăl e, Mâu lĕ bu hôm mĭn ma ndơ nây.

Êsai 66:22

“Yorlah tâm ban ma trôk mhe jêh ri neh mhe Gâp rhăk njêng jêh, Mra ăt hôm e tanăp Gâp tâm ban kơt nây lĕ, Noi deh jêh ri amoh săk năm deh khân may mra ăt hôm e nâm bu kơt nây lĕ.” Brah Yêhôva lah pônây.

Daniel 12:2

Âk bunuyh gŭ bê̆ch tâm neh muy mra dâk, geh bunuyh gay dơn nau rêh n'ho ro, geh nơm dơn nau bêk nau ƀơ̆ ƀơch n'ho ro.

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Kôranh Oh Mon 3:21

Nơm nây mra dơi prăp klơ trôk kŏ tât rnôk lĕ rngôch ndơ njêng tay, tâm ban Brah Ndu hŏ lah ma bâr mbung phung nơm mbơh lor kloh ueh ntơm bơh rbăn năm kăl e.

Samƀŭt Pôl Njuăl Ăn Ma Phung Nsing Ta Ƀon Rôm 8:20

Lĕ rngôch ndơ tâm dâng nau dơm dam, mâu di ŭch mĭn êng, ƀiălah yor Nơm ŭch khân păng gŭ tâm dâng, tâm nau kâp gân pô aơ

Êphêsô 5:14

Yor nây, geh nau lah pô aơ: “Hơi nơm dôl bê̆ch, kah rngăl hom, Dâk hom may tă bơh nklang phung bunuyh khĭt, Ri mơ Brah Krist mra nchrat ang may.”

II Pêtrôs 3:7

Ƀiălah tă bơh nau ngơi nây đŏng trôk neh aƀaơ aơ prăp ma ŭnh, jêh ri prăp tay ma tât nar phat dôih jêh ri ƀư rai lôch phung mâu ƀư tĭng nau vay.

Nau Tâm Mpơl 20:11

Nôk nây gâp saơ du mlâm sưng hađăch toyh jêh ri nglang ndrel ma Nơm gŭ ta sưng hađăch. Tanăp măt Păng neh ntu jêh ri trôk du lĕ, mâu hôm saơ geh ntŭk ma khân păng ôh.

Nau Tâm Mpơl 21:1

Nôk nây gâp saơ trôk mhe jêh ri neh ntu mhe; yorlah trôk tal nguay jêh ri neh ntu tal nguay rlau lôch jêh, jêh ri mâu hôm geh dak mƀŭt đŏng.