Ndrom Samƀŭt bơh Yôp 14:1 - Nau Brah Ndu Ngơi 2023

¹ “Kon bunuyh deh tă bơh bu ur Rêh ƀât lât knŏng djê̆ nar, ƀiălah bêng ma nau uh ah.

Ndrom Samƀŭt bơh Yôp 14:1 Iomraidhean Croise

Nau Ntơm 3:17

Brah Ndu lah ma Y-Ađam: “Yor may hŏ iăt tĭng nau ur may, Sa play tơm si Gâp lĕ buay jêh mâu dơi sa, Yor ri neh mra geh nau rtăp rak yor may; May hŏt rgănh du njăr rêh ri mơ geh ndơ sa luh bơh neh.

Nau Ntơm 47:9

Y-Yakôb plơ̆ lah ma Pharaôn: “Dĭng lĕ năm nau rêh gâp ta neh ntu geh du rhiăng pe jât năm. Lĕ năm gâp dơi rêh jê̆ lê̆ jêh ri hŏt rgănh, jêh ri mâu ban ôh nau rêh bơh chô yau gâp ta neh ntu.”

II Phung Hađăch 4:19

jêh ri lah pô aơ: “Gâp ji bôk! Gâp ji bôk!” Mbơ̆ păng lah ma oh mon: “Djôt leo hom păng sĭt ăn mê̆ păng.”

Ndrom Samƀŭt bơh Yôp 10:20

Lĕ nar gleh ngăn ma gâp mâm mâu gơnh dŭt? Dăn ăn ma gâp dơi mpăn gay joi djê̆ lê̆ nau bonh leng ma gâp;

Ndrom Samƀŭt bơh Yôp 15:14

Moh kon bunuyh jêng gay dơi jêng kloh ueh? Nơm deh tă bơh bu ur jêng mbu nơm kơp êng jêng sŏng srăng?

Ndrom Samƀŭt bơh Yôp 25:4

Mâm Brah Ndu dơi uănh kon bunuyh jêng sŏng srăng? Mbu moh deh tă bơh bu ur dơi kơp jêng kloh rsang?

Ndrom Samƀŭt bơh Yôp 25:5

Ri, khay mâu tŏng ôh nau ang, Phung mănh mbing mâu lĕ dơi jêng kloh rsang tâm dâng măt Păng;

Ndrom Samƀŭt bơh Yôp 5:7

Ƀiălah bunuyh deh gay dơn nau rêh ni Nâm bu mprănh ŭnh mpăr hao klơ trôk.

Ndrom Samƀŭt bơh Yôp 7:1

“Nau rêh kon bunuyh ta neh ntu mâm mâu di jêng kan nau jêr? Lĕ nar khay ma khân păng, geh êng đŏng đah nar khay bơh bunuyh pah kan nkhôm?

Ndrom Samƀŭt bơh Yôp 7:6

Ăp nar gâp gŭ rêh gơnh lôch prăl rlau lơn ma mpeh tanh, Jêh ri dăch dŭt tâm nau mâu kâp gân.

Ndrom Samƀŭt bơh Yôp 8:9

Yorlah he mhe pơ deh yor ri mâu hŏ gĭt, Ăp nar he gŭ rêh ta neh ntu nâm bu du mlâm gui n'hâm dơm.

Ndrom Samƀŭt bơh Yôp 9:25

Lĕ nar gâp rêh prăl rlau lơn ma du huê bunuyh ntuh bâr nau ndal; Khân păng lôch gơnh ngăn mâu dơi saơ nau ueh lăng.

Nau Mprơ Ơm 39:5

Aơ May ăn nar khay gâp jong tâm ban ma mpang ti, Jêh ri nau rêh gâp jêng dơm dam tanăp May; Di yơh, ăp nơm bunuyh nđâp lah gŭ nâp knŏng tâm ban ma nsôr n'hâm. (Sêla)

Nau Mprơ Ơm 39:6

N'hêl nanê̆ ăp nơm chuat hăn tâm ban ma gui. Ăp nơm ndil ndal dơm dam da dê; Bu bun drăp ndơ ƀiălah mâu gĭt mbu mra sŏk lơi.

Nau Mprơ Ơm 51:5

Nanê̆, bu deh gâp tâm nau djơh mhĭk, Mê̆ gâp ntreo jêh gâp tâm nau tih.

Nau Mprơ Ơm 89:47

Ăn May kah gĭt ma nau rêh bunuyh jêng gleh ngăn! Păng njêng kon bunuyh jêng dơm dam ngăn!

Nơm Nti 2:17

Pôri, gâp tâm rmot nau rêh, yorlah đah gâp, lĕ rngôch kan pah luh tâm dâng nar mhĭk da dê; lĕ rngôch dơm dam da dê, tĭng rlong sial khôm.

Nơm Nti 2:23

Lĕ nar, păng knŏng mâp lĕ nau rngot rvê; nau kan păng bêng ma jâk jêr, kŏ tât dôl măng nau mĭn ăt mâu dơi geh rlu ôh. Nau nây tâm ban lĕ jêng nau dơm dam.

Yêrêmi 20:18

Mâm ƀư gâp luh du bơh ndŭl mê̆ Gay saơ nau hŏt r'ah rngot rvê, Du bông nau rêh anh nau prêng?

Mathay 11:11

Nanê̆, Gâp lah ma khân may, tâm phung bunuyh deh tă bơh bu ur, mâu geh nơm toyh lơn ma Y-Yôhan-Ƀaptist ôh; ƀiălah, nơm jê̆ lơn tâm ƀon bri hađăch klơ trôk jêng toyh lơn ma păng.