Ndrom Samƀŭt bơh Yôp 12:24 - Nau Brah Ndu Ngơi 2023

²⁴ Păng ƀư ma phung kôranh chiă uănh phung ƀon lan ta neh ntu jêng rluk mâl, Hăn nsong mblêng tâm bri rdah mâu geh trong luh.

Ndrom Samƀŭt bơh Yôp 12:24 Iomraidhean Croise

Ndrom Samƀŭt bơh Yôp 12:20

Păng ƀư ma phung geh nau bu rnơm nsing jêng mlo, Phung kôranh bu ranh roh nau mĭn lah nchroh.

Ndrom Samƀŭt bơh Yôp 17:4

Yorlah May ƀư ăn nau mĭn khân păng ngo klĕng, Yor nây May mâu mra ăn ôh khân păng dơi.

Nau Mprơ Ơm 107:4

Khân păng nsong mblêng ntŭk bri rdah tâm bri hŏng, Joi mâu dơi saơ ôh du rplay ƀon gay ma gŭ.

Nau Mprơ Ơm 107:40

Brah Yêhôva nkhŭt nau ƀơ̆ ƀơch ta phung kon hađăch, Ăn khân păng nsong mblêng tâm n'gor ntŭk rngol mâu geh trong klaih.

Nau Mprơ Ơm 59:12

Yor nau tih bơh mbung khân păng, Jêng nau rak rtăp jêh ri nau ngơi mƀruh luh bơh bâr mbung khân păng ngơi, Ăn khân păng geh dăk tâm nau sưr khân păng nơm!

Êsai 19:1

Nau mbơh lor ma Êjipt: “Aơ, Brah Yêhôva ncho ta klơ ndâr tŭk, Ngăch tât ta Êjipt. Phung rup brah bri Êjipt râm sâr da dê tanăp Păng, Nuih n'hâm phung Êjipt klach krit.

Daniel 4:12

N'ha ueh, play âk, Ăn ndơ sa tŏng ma lĕ rngôch ntil. Mpô mpa bri nde tâm dâng gui păng; Sĭm tâm trôk drâm klơ n'gĭng păng, Jêh ri lĕ rngôch mpa rêh yor bơh păng siăm da dê.

Daniel 4:13

Tâm lĕ rup mpơl tâm bôk gâp dôl lâng săk ta klơ sưng bê̆ch, gâp saơ geh du huê nơm gak njrăng, nơm kloh ueh jŭr tă bơh trôk.

Daniel 4:16

Ăn tâm rgâl lơi nau mĭn păng Tă bơh nau mĭn bunuyh jêng nau mĭn mpô mpa bri, Jêh ri ăn păng nâm pônây dôl tâm pơh năng.

Daniel 4:33

Rnôk nây ro, nau ngơi nây tât di ngăn ma hađăch Nêbukatnetsar. Bu nsot păng tă bơh tâm nklang kon bunuyh, sa gơ̆ tâm ban ma ndrôk; săk jăn păng bĕ dak ngom bơh trôk kŏ tât nôk sŏk păng hon tâm ban ma rsau klang ƀŭng, nheh jâng nheh ti tâm ban ma nheh sĭm.

Ndrom Samƀŭt bơh Ôsê 7:11

Êphraim jêng nâm bu plŭk Rluk, mâu geh nau blau mĭn; Khân păng vơh vơl ma n'gor bri Êjipt, jêh nây hăn tât ma bri Asiri.