Ndrom Samƀŭt bơh Yôp 12:10 - Nau Brah Ndu Ngơi 2023

¹⁰ Păng kuăn tâm ti nau rêh lĕ rngôch mpô mpa rêh Jêh ri n'hâm nsôr lĕ rngôch kon bunuyh.

Ndrom Samƀŭt bơh Yôp 12:10 Iomraidhean Croise

Nau Ntơm 2:7

Rnôk nây, Yêhôva Brah Ndu sŏk ndruyh neh mon jêng rup bunuyh, khôm n'hâm nau rêh tâm trôm muh, pôri bunuyh plơ̆ jêng huêng rêh.

Nau Ntơm 6:17

Bi Gâp, Gâp mra ăn dak lêng tât ta neh ntu gay ƀư rai lĕ rngôch nglay săk geh n'hâm nsôr gŭ tâm dâng trôk. Lĕ rngôch mpa klơ neh mra khĭt.

Ndrom Samƀŭt bơh Yôp 27:3

Moh nar n'hâm nsôr hôm e tâm gâp, Jêh ri n'hâm rêh bơh Brah Ndu hôm gŭ tâm trôm muh gâp,

Ndrom Samƀŭt bơh Yôp 27:8

Mâm nau kâp gân phung mâu chroh lah păng bu ƀư rai jêh? Lah Brah Ndu joi tay huêng păng?

Ndrom Samƀŭt bơh Yôp 33:4

Huêng Brah Brah Ndu rhăk njêng jêh gâp, N'hâm nsôr bơh Nơm Geh Lĕ Nau Brah ăn ma gâp nau rêh.

Nau Mprơ Ơm 104:29

Ƀiălah tơlah May pôn măt, khân păng krit ngăn, May sŏk lơi n'hâm khân păng, khân păng khĭt Jêh ri plơ̆ sĭt ma ndruyh neh.

Nau Mprơ Ơm 104:30

Tơlah May njuăl tât n'hâm rêh, khân păng dơi rhăk njêng; May ƀư ăn mhe muh măt neh ntu.

Nơm Nti 9:1

Gâp hŏ ŭch nti rvê lĕ rngôch nau nây, jêh ri saơ rah vah pô aơ bunuyh sŏng srăng jêh ri blau mĭn ndrel đah kan ƀư khân păng gŭ tâm ti Brah Ndu da dê; geh nau rŏng mâu lah geh nau tâm rmot, kon bunuyh mâu dơi gĭt. Lĕ rngôch prăp ma du nar kăndơ̆ da dê.

Êsai 42:5

Yêhôva Brah Ndu, Nơm hŏ rhăk njêng jêh ri pơk lĕ ndâr trôk, Nơm hŏ lăk huy neh ntu, ndrel lĕ rngôch mpa luh bơh păng, Nơm ăn n'hâm rêh ma phung ƀon lan tâm klơ neh, Jêh ri ăn nau brah ma phung bunuyh hăn ta nây; Păng lah:

Êsai 57:16

Gâp mâu ndăng mro nau tih, Mâu lĕ mra nuih mro mrăng; Yorlah huêng bunuyh mra hŏt rgănh tanăp Gâp, Jêh ri lĕ huêng rêh phung Gâp rhăk jêng tâm ban lĕ.

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Nau Kơp Bunuyh 16:22

Bar hê khân păng chŭn muh măt ta neh jêh ri lah: “Ơ Kôranh Brah jêng Brah Ndu ăn n'hâm ma lĕ rngôch nglay săk! Knŏng geh du huê bunuyh ƀư tih, ƀiălah May ji nuih nđâp ma lĕ rngôch bunuyh tâm rƀŭn lĕ?”

Yôhan 3:6

Moh ndơ tă bơh nglay săk jêng nglay săk, moh ndơ deh tă bơh Brah Huêng Ueh jêng brah.

Kôranh Oh Mon 17:25

Păng mâu đŏng ŭch ma ti bunuyh pah kan tâm ban ma Păng ŭch ti bunuyh kơl, yorlah Păng yơh jêng Nơm ăn nau rêh, n'hâm nsôr jêh ri ăp ntil ndơ ma lĕ rngôch bunuyh.

Kôranh Oh Mon 17:28

Yorlah gŭ tâm Păng yơh, he geh nau rêh, nau blau mpât jêh ri nau jêng bunuyh, tâm ban ƀaƀă bunuyh blau mprĭng khân may lah pô aơ: ‘He luh tă bơh ndŭl mpôl Păng yơh.’