Ndrom Samƀŭt bơh Yôp 11:19 - Nau Brah Ndu Ngơi 2023

¹⁹ May mra lâng bê̆ch, mâu geh bunuyh ƀư ăn may klach Jêh ri âk bunuyh dăn nau ueh tă bơh may.

Ndrom Samƀŭt bơh Yôp 11:19 Iomraidhean Croise

II Nau Rêh Jêng 20:30

Pôri, ƀon bri hađăch Jôsaphat gŭ đăp mpăn, yorlah Brah Ndu ăn ma păng tâm nau mpăn rlêk puăn njônh.

Ndrom Samƀŭt bơh Yôp 11:18

May mra rnơm ngăn yorlah geh nau kâp gân; Geh nau king n'gang jêh ri gŭ rlu ueh mpăn.

Nau Mprơ Ơm 127:2

Dơm dam ngăn yơh ma nơm rngeh măng dâk ơm, Jêh ri sa ƀănh hŏt rgănh. Tâm ban lĕ Brah Ndu ăn đŏng nau hăk bê̆ch. Ma phung Păng rŏng nâm bu pônây.

Nau Mprơ Ơm 4:8

Ơ Brah Yêhôva, gâp mra lâng săk jêh ri gŭ bê̆ch ma nau đăp mpăn; Yorlah knŏng du huê May mât rong gâp dơi gŭ rêh ueh mpăn.

Nau Mprơ Ơm 45:12

Kon bu ur ƀon Tyre mra văch djôt ndơ nhhơr Jêh ri phung ndrŏng lơn tâm ƀon lan mra văch dăn nau yô̆ ay.

Nau Hôr 19:6

Geh âk nơm joi nau yô̆ ma bunuyh lŏng, Jêh ri lĕ rngôch bunuyh jêng mĭt jiăng da dê ma nơm vay nta ndơ.

Nau Hôr 3:24

Lah may lâng bê̆ch, mâu geh ôh ntil ndơ klach; Ngăn yơh, may mra bê̆ch jêh ri dơi hăk bê̆ch đăp mpăn.

Êsai 17:2

Lĕ ƀon Arôer mra jêng rngot njăp Jêh ri mra jêng ntŭk ma phung biăp bê̆ch rlu, Mâu geh nơm ƀư ma khân păng râm sâr ôh.

Êsai 45:14

Pô aơ Brah Yêhôva lah tâm ban pônây: “Drăp ndơ bri Êjipt, ndơ tăch kao bri Kus Jêh ri phung Sabê, bunuyh juat toyh, Mra văch ma may da dê, jêh ri jêng ndơ may; Khân păng mra tĭng ndô̆ may, djôt nse rvăk, Păn tanăp may, khân păng mra vơh vơl ma may jêh ri lah: ‘Nanê̆, Brah Ndu gŭ ndrel ma khân may; Rlau ma Păng, mâu geh Nơm êng ôh, Mâu geh Brah Ndu êng ôh!’”

Êsai 60:14

Phung kon bu klâu phung tŭn jot may Mra văch kŭnh bôk văch ma may; Lĕ rngôch phung tâm rmot ma may Mra chon mon tanăp jâng may. Khân păng mra rnha may jêng Ƀon Brah Yêhôva. Jêng Ƀon Siôn ma Nơm Kloh Ueh Israel.

Êsêkiêl 34:28

Khân păng mâu mra ƀư jêng ndơ sa ma phung bu năch đŏng ôh, jêh ri phung mpô mpa bri mâu mra kăp hêk ôh khân păng. Khân păng mra gŭ mpăn, mâu geh ôh nuyh ƀư ăn nau klach krit.

Kan Lêvi 26:6

Gâp mra ăn nau đăp mpăn tâm n'gor jêh ri khân may mra bê̆ch, mâu geh nơm nkrit nhhu khân may ôh. Gâp mra mprơh lơi mpa bri janh luh bơh n'gor jêh ri đao gưm mâu mra hăn rgăn ôh tâm n'gor khân may.

Mika 4:4

Ăp nơm mra gŭ tâm dâng tơm krăk ƀâu khân păng Jêh ri tâm dâng tơm rvi khân păng nơm; Mâu geh ôh nơm ƀư ăn ma khân păng klach Yorlah trôm mbung Brah Yêhôva ma phung tahan hŏ lah jêh.

Sôphôni 3:13

Phung Israel hôm e klen mâu ôh mra ƀư mhĭk, Mâu ngơi mƀruh, jêh ri mbung mpiăt mâu hôm ngơi ndơm ôh; Yorlah khân păng mra sông sa nhêt jêh ri rlu lâng bê̆ch, Ƀiălah mâu geh ôh bunuyh ƀư nkrit khân păng.”

Nau Tâm Mpơl 3:9

Aơ, Gâp ăn ma may phung ƀaƀă jêng phung ngih rƀŭn Satan, phung kơp êng săk khân păng nơm jêng phung Yuđa, ƀiălah nanê̆ mâu di, yorlah khân păng ngơi mƀruh. Aơ, Gâp mra ƀư ăn khân păng văch chon mon ta jâng may, jêh ri khân păng mra gĭt Gâp rŏng ma may jêh.