Ndrom Samƀŭt bơh Yôp 11:14 - Nau Brah Ndu Ngơi 2023

¹⁴ Klŭp ngai nau tih mhĭk bơh ti may, Mâu prăp bun ôh nau djơh mhĭk tâm vâl bok may;

Ndrom Samƀŭt bơh Yôp 11:14 Iomraidhean Croise

Nau Ntơm 4:7

Tơlah may ƀư nau ueh mâu hĕ Gâp dơn ndơ may? Tơlah may mâu ƀư ôh nau ueh nau tih gŭ kâp may tanăp bôk mpông, păng ŭch may ngăn; ƀiălah ăn may mât uănh păng.”

II Phung Hađăch 17:13

Ƀiălah, Brah Yêhôva hŏ dŏng nơm mbơh lor, nơm geh nau tâm saơ gay mbơh ma phung ma phung Israel jêh ri phung Yuđa pô aơ: “Chalơi hom bơh trong djơh mhĭk khân may! Djôt prăp hom nau vay ntăm jêh ri nau vay bơh Gâp, tĭng nâm lĕ nau vay Gâp ntrŭnh ma phung chô yau khân may, jêh ri lĕ nau Gâp hŏ dŏng oh mon Gâp jêng phung nơm mbơh lor ngơi ma khân may.”

Ndrom Samƀŭt bơh Yôp 22:23

Tơlah plơ̆ sĭt ma Nơm Geh Lĕ Nau Brah, may mra dơi jêng tay. Tơlah may mƀăr lơi nau djơh mhĭk bơh ngih bok may.

Ndrom Samƀŭt bơh Yôp 22:5

Mâu di nau djơh mhĭk may dŭt toyh? Nau tih may âk ngăn ngên kŏ tât mâu dơi kơp lĕ ƀơh?

Ndrom Samƀŭt bơh Yôp 34:32

Dăn Kôranh ntĭm nti ma gâp moh nau gâp mâu saơ; Tơlah gâp hŏ ƀư tih, gâp mâu mra ƀư đŏng ôh’?

Ndrom Samƀŭt bơh Yôp 4:7

Ăn may uănh n'hêl tay, geh ndah âk bunuyh mâu tih dơn nau khĭt? Ta ntŭk bunuyh sŏng gŭ nkhơng geh nau rai yot?

Ndrom Samƀŭt bơh Yôp 8:6

Tơlah may kloh ueh jêh ri sŏng Pôri aƀaơ ro Păng mra nking n'gang may Jêh ri mplơ̆ tay nau sŏng srăng ăn ma may.

Nau Mprơ Ơm 101:2

Gâp mra gŭ rêh ma nau blau mĭn tĭng trong nŭm rĭng; Ndah jŏ May mra văch ma gâp? Gâp mra sŏk nuih n'hâm nanê̆ Gay ma gŭ tâm ngih gâp.

Êsai 1:15

Yor ri, lah khân may yơr klơ, Gâp mra nkŭm măt gâp ma khân may. Nđâp tơlah khân may mbơh sơm âk, Gâp mâu iăt ôh. Yor ti khân may pung mham.

Yakơ 4:8

Văch dăch hom ma Brah Ndu ri mơ Păng mra văch dăch ma khân may. Hơi phung tih, rao kloh hom ti khân may; hơi phung geh bar nuih n'hâm, ƀư kloh hom nuih n'hâm khân may;

I Samuel 7:3

Nôk nây, Y-Samuel lah ma lĕ rngôch ngih Israel: “Tơlah khân may plơ̆ sĭt tay ma Brah Yêhôva ma lĕ nuih n'hâm khân may, mƀăr lơi phung brah mâu năl jêh ri rup brah bu ur Astarôt tă bơh khân may. Mƀŏng hom nuih n'hâm khân may ma Brah Yêhôva jêh ri knŏng pah kan du huê Păng dơm, ri mơ Păng mra tâm rklaih khân may tă bơh ti phung Philistin.”