Ndrom Samƀŭt bơh Yôp 1:21 - Nau Brah Ndu Ngơi 2023

²¹ jêh ri lah: “Gâp rah rhôk luh bơh ndŭl me Gâp mra plơ̆ sĭt rah rhôk tay đŏng; Brah Yêhôva hŏ ăn jêh, Brah Yêhôva plơ̆ sŏk sĭt tay; Khư tâm rnê amoh Brah Yêhôva!”

Ndrom Samƀŭt bơh Yôp 1:21 Iomraidhean Croise

Nau Ntơm 3:19

May pah kan tât luh dak rhal ta ndăr kleng Ri mơ geh ndơ sông sa Kŏ tât nar may plơ̆ sĭt ta neh, Jêng ntŭk may luh bơh ta nây. Yorlah May jêng ndruyh neh, May mra plơ̆ sĭt tay ma ndruyh neh.”

Nau Ntơm 30:2

Y-Yakôb ji nuih lah ma H'Rachel: “Ơm gâp geh nau dơi ntrok Brah Ndu jêng Nơm mâu ăn ma ay deh kon hĕ?”

Nau Ntơm 45:5

Ƀiălah aƀaơ aơ, khân may lơi rngot rvê jêh ri mâu lĕ dơi nduyh ma khân may nơm, yorlah khân may tăch jêh gâp ta aơ. Yorlah Brah Ndu prơh jêh gâp hăn tât ta aơ lor ma khân may gay tâm rklaih nau rêh.

II Samuel 16:12

Klăp lah Brah Yêhôva mra uănh nau rêh ni gâp, jêh ri mra sŏk nau ueh lăng mplơ̆ sĭt ma gâp ntrok ma nau rak rtăp păng nar aơ.”

I Phung Hađăch 12:15

Pônây hađăch mâu ŭch iăt ôh tǐng nau phung ƀon lan dăn, yor lĕ nau nây jêng kan Brah Yêhôva ăn nau tât geh gay ƀư tât di ngăn nau Păng hŏ ngơi đah Y-Jêrôbôam, kon bu klâu Y-Nêbat, rgăn bâr mbung Y-Ahija, bunuyh ƀon Silô.

II Phung Hađăch 20:19

Y-Hêsêkia plơ̆ lah ma Y-Êsai: “Nau Brah Yêhôva may mhe ngơi jêng ueh.” Yor păng mĭn êng: “Mâu di hĕ tâm nau rêh gâp mra geh nau đăp mpăn jêh ri nau rnơm ƀơh?”

Nêhêmi 9:5

Phung Lêvi jêng Y-Jêsua, Y-Katmiêl, Y-Bani, Y-Hasapnia, Y-Sêrêbia, Y-Hôdia, Y-Sêbania, jêh ri Y-Pêthahia lah: “He dâk hom, tâm rnê ma Yêhôva Brah Ndu he, Jêng Nơm n'ho ro! Mât ton tâm rnê amoh chrêk rmah May, Amoh geh nau yơk lơn ma lĕ rngôch nau mât ton jêh ri nau tâm rnê.

Ndrom Samƀŭt bơh Yôp 1:11

Ƀiălah aƀaơ Kôranh Brah yơr ti rlong ƀư tâm lĕ rngôch drăp ndơ păng geh, uănh păng gĭt geh nau suai rak Kôranh Brah tanăp măt đŏng!”

Ndrom Samƀŭt bơh Yôp 2:10

Păng plơ̆ lah: “Ay ngơi nâm bu du huê bu ur rluk. Mâm ƀư nau ueh uĭn tă bơh ti Brah Ndu ăn he sŏk dơn, bi nau mhĭk jŭr tă bơh ti Păng he mâu sŏk dơn bơh?” Tâm lĕ nau nây, Y-Yôp mâu geh tih tâm nau ngơi.

Ndrom Samƀŭt bơh Yôp 9:12

Ri, Păng sŏk lơi jêh, mbu nơm geh tay? Mbu nơm dơi ôp păng: ‘Moh ndơ Kôranh Brah ƀư nây?’

Nau Mprơ Ơm 34:1

Gâp mra tâm rnê ma Brah Yêhôva ƀaƀơ, Nau tâm rnê ma Păng gŭ tâm bâr mbung gâp mro mrăng.

Nau Mprơ Ơm 34:2

Huêng gâp mra tâm rnê êng ma Brah Yêhôva, Phung dêh rhêt mra iăt jêh ri răm maak.

Nau Mprơ Ơm 39:9

Gâp mlo mâu hă trôm mbung ôh, Yorlah May ƀư jêh nau nây.

Nau Mprơ Ơm 49:17

Yorlah tơlah bunuyh nây khĭt mâu lĕ dơi djôt du ntil ndơ, Nau chrêk rmah mâu dơi tĭng păng jŭr tâm trôm môch lĕ.

Nơm Nti 12:7

Jêh ri ndruyh neh plơ̆ sĭt tâm neh nâm bu kơt saơm, Bi huêng plơ̆ sĭt ndrel Brah Ndu jêng Nơm hŏ ăn păng.

Nơm Nti 5:14

Yor roh yot tâm nau tăch drăp, Nơm nây roh lĕ drăp ndơ; Nơm nây dơi deh du huê kon bu klâu, Ƀiălah mâu hôm geh ndơ ăn tay ma păng.

Nơm Nti 5:15

Dôl luh bơh ndŭl mê̆ mâm nau păng săk hưl Ăt mra luh hăn tâm ban pônây lĕ; Dôl hăn luh tâm ti păng mâu djôt leo du ntil ndơ ôh Tă bơh nau kan hŏt r'ah păng.

Nơm Nti 5:19

Tâm ban pônây, lĕ rngôch mbu nơm dơi geh Brah Ndu ăn nau ndrŏng, drăp ndơ, tâm ban ăn nau dơi dŏng drăp ndơ nây mra sŏk dơn kô̆ păng, jêh ri maak dơn kan hŏt păng ƀư jêh. Nây jêng ndơ Brah Ndu ăn.

Êsai 24:15

Pôri bơh mpeh luh nar, mât ton hom ma Brah Yêhôva, Tă bơh lĕ gôl dak mƀŭt, tâm rnê ma Amoh Brah Yêhôva, Brah Ndu Israel.

Êsai 42:24

Mbu nơm jao jêh phung Yakôb tâm nau ntŭng ndô ndơ, Jêh ri jao phung Israel ma phung pit sŏk? Mâu di hĕ jêng Brah Yêhôva, jêng Nơm phung he hŏ ƀư nau tâm rdâng đah Păng? Yorlah mâu geh nơm ŭch hăn tĭng trong Păng, Mâu lĕ khân păng tông ma nau vay Păng.

Êsai 45:7

Gâp jêng Nơm njêng nau ang jêh ri nau ngo, Ƀư nau đăp mpăn jêh ri njêng nau tât; Gâp nơm yơh, Brah Yêhôva, jêng Nơm ƀư lĕ rngôch nau aơ.

Nau Nhĭm Vơl 3:38

Di lĕ bơh mbung Nơm Dŭt Prêh Luh du n'ho ma nau mhĭk nđâp ma nau ueh?

Amôt 3:6

Lah bu uh nŭng tâm ƀon toyh Pôri phung ƀon lan mâu hĕ klach? Geh lĕ nau mhĭk tât ma du rplay ƀon Tơlah Brah Yêhôva mâu ƀư nau nây?

Mathay 20:15

Di lĕ gâp mâu dơi vay dŏng moh nau gâp geh tĭng nâm gâp ŭch? Mâu lah jêng may saơ gâp gŭ ueh ƀư ma may keh nach?’

Kôranh Oh Mon 4:28

gay ƀư ma lĕ rngôch nau kan ti May jêh ri nau mĭn May hŏ nal jêh bơh lor.

Êphêsô 5:20

Tâm lĕ nau kan, tâm amoh hom Kôranh Brah he Yêsu Krist ƀaƀơ gay nhhơr nau lah ueh ma Brah Ndu, jêng Mbơ̆.

I Têsalônik 5:18

lah ueh hom ma Brah Ndu tâm lĕ nau tât, yorlah nây jêng nau mĭn Brah Ndu ŭch đah khân may tâm Yêsu Krist.

I Timôthê 6:7

Yorlah nôk mhe deh, he mâu djôt leo ôh du ntil ndơ, pô ri nôk cha lơi nau rêh mâu djôt leo đŏng du ntil ndơ;

Yakơ 1:17

Lĕ rngôch yô̆ ueh jêh ri lĕ ndơ ăn dŭt ueh ngăn tât bơh klơ trôk, jŭr tă bơh Mbơ̆ nau ang; tâm Păng mâu geh nau rgâl ôh, mâu lĕ geh gui nau rgâl.

Yakơ 5:11

Aơ, he kuăl phung bunuyh nâp jêh jêng geh ueh lăng ngăn. Khân may tăng jêh nkoch bri ma nau Y-Yôp nâp jêh, jêh ri dơi saơ jêh nau ŭch Kôranh Brah; yorlah Kôranh Brah bêng ma nuih n'hâm yô̆ nđach jêh ri nuih n'hâm ueh.

Bu ur Rut 1:21

Gâp hăn luh ndrel ma drăp ndơ bêng ler, Ƀiălah Brah Yêhôva njŭn gâp sĭt ti dơm. Brah Yêhôva tâm rdâng jêh đah gâp Jêh ri Nơm Geh Lĕ Nau Brah ƀư ăn gâp geh âk nau rêh ni. Mâm ƀư khân ay hôm kuăl gâp H'Naômi?”

I Samuel 2:7

Brah Yêhôva ƀư ăn o ach, jêh ri ƀư ăn ndrŏng kuăng; Păng ntrŭnh bu, jêh ri Păng n'hao tay bu tâm ban lĕ. Djôt leo bunuyh o ach luh bơh ndruyh neh, Jêh ri pư bunuyh ndĭt trơi hao tă bơh mbŭch ŭnh buh, Dơm ăn khân păng gŭ ndrel ma phung kôranh, Jêh ri ăn ma khân păng dơn ntŭk chrêk rmah;

I Samuel 2:8

Yorlah lĕ meh n'gâng neh ntu jêng ndơ Brah Yêhôva, Păng hŏ dơm jêh neh ntu klơ nây.

I Samuel 3:18

Pôri, Y-Samuel nkoch tay lĕ rngôch nau, mâu pôn mo du ntil nau ma păng ôh. Y-Êli lah: “Nây jêng Brah Yêhôva, ăn Păng ƀư nau nây tĭng nâm nau Păng mĭn ueh!”