Ndrom Samƀŭt bơh Yôp 1:11 - Nau Brah Ndu Ngơi 2023

¹¹ Ƀiălah aƀaơ Kôranh Brah yơr ti rlong ƀư tâm lĕ rngôch drăp ndơ păng geh, uănh păng gĭt geh nau suai rak Kôranh Brah tanăp măt đŏng!”

Ndrom Samƀŭt bơh Yôp 1:11 Iomraidhean Croise

Nau Ntơm 26:11

Yor ri, Y-Abimêlek ntăm ma lĕ rngôch bunuyh tâm ƀon lan pô aơ: “Mbu nơm pah bunuyh aơ mâu lah ur păng, bu mra nkhĭt ro.”

Ndrom Samƀŭt bơh Yôp 1:12

Brah Yêhôva lah ma Satan: “Nĕ aơ, Gâp jao lĕ drăp ndơ Y-Yôp tâm ti may, ƀiălah may mâu dơi yơr ti pah ôh ma Y-Yôp.” Satan du luh ro bơh tanăp măt Brah Yêhôva.

Ndrom Samƀŭt bơh Yôp 1:21

jêh ri lah: “Gâp rah rhôk luh bơh ndŭl me Gâp mra plơ̆ sĭt rah rhôk tay đŏng; Brah Yêhôva hŏ ăn jêh, Brah Yêhôva plơ̆ sŏk sĭt tay; Khư tâm rnê amoh Brah Yêhôva!”

Ndrom Samƀŭt bơh Yôp 1:5

Lôch jêh nar nhêt sa, Y-Yôp vay kuăl phung kon păng plơ̆ sĭt gay ƀư nau rƀŭn ƀư kloh ma khân păng. Păng kah rngăl ơm ôi nhhơr ndơ ƀư brah gŭch ma ăp nơm kon, yor păng mĭn êng: “Klach lah phung kon gâp ƀư tih jêh ri tâm nuih n'hâm suai rak Brah Ndu.” Y-Yôp ƀư ƀaƀơ pônây.

Ndrom Samƀŭt bơh Yôp 19:21

Hơi phung mĭt jiăng, yô̆ nđach hom ma gâp, yô̆ nđach hom ma gâp! Yorlah ti Brah Ndu hŏ dong jêh gâp.

Ndrom Samƀŭt bơh Yôp 2:3

Brah Yêhôva ôp tay Satan: “May mâp treng uănh tât Y-Yôp, oh mon gâp đŏng? Tâm neh ntu aơ mâu geh du huê nâm bu Y-Yôp; du huê bunuyh răp jăp jêh ri sŏng, klach yơk ma Brah Ndu jêh ri der ngai nau mhĭk. Y-Yôp hôm e mât nuih n'hâm răp jăp nđâp lah may hŏ nchâp Gâp ƀư rai Y-Yôp mâu geh ôh nau.”

Ndrom Samƀŭt bơh Yôp 2:5

Ƀiălah aƀaơ, dăn Kôranh Brah rlong uănh yơr ti lơh tâm nting mlay Y-Yôp uănh păng geh suai rak tanăp măt Kôranh Brah đŏng mâu!”

Ndrom Samƀŭt bơh Yôp 2:6

Brah Yêhôva lah ma Satan: “Ri, Y-Yôp gŭ tâm ti may, ƀiălah may mra djôt prăp an nau rêh păng.”

Ndrom Samƀŭt bơh Yôp 2:7

Satan du luh ro tă bơh tanăp Brah Yêhôva, jêh ri ƀư rêh ni ma Y-Yôp ma eh ok ji ngăn ntơm bơh mpang jâng tât klơ bôk.

Ndrom Samƀŭt bơh Yôp 2:9

Nôk nây, ur Y-Yôp ngơi: “Mâm? May hôm e dơi mât nuih n'hâm ueh răp jăp đŏng? Rak rtăp ma Brah Ndu jêh ri khĭt hom!”

Ndrom Samƀŭt bơh Yôp 4:5

Ƀiălah aƀaơ nau rêh ni tât ma may, may rdja nuih n'hâm; Nau tât ma may, may mâu dơi ôh nsrôih.

Nau Mprơ Ơm 105:15

“Lơi ta pah tât phung Gâp troch dak ngi, Lơi ƀư djơh ma phung nơm mbơh lor Gâp!”

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Êsai 65:3

Jêng phung ƀon lan mâu rlu nsônh nau ji nuih ma Gâp, Nđâp tanăp muh măt Gâp: Khân păng nhhơr mpa ƀư brah tâm lĕ đang trao, Su ndơ ƀâu kah ta klơ lĕ mbŭch ƀrĭk,

Êsai 8:21

Khân păng mra nsong blêng tâm bri, rêh ni ngăn jêh ri ji ngot ji hir. Tâm nôk khân păng ji ngot, khân păng mra ji nuih, rtăp rak hađăch jêh ri Brah Ndu khân păng nơm. Khân păng mra n'gơr măt leo ta klơ trôk,

Sakari 2:8

Lôch jêh mpơl nau chrêk ma lơp, Păng đă gâp hăn tât ma lĕ bri dak hŏ pit in jêh ndơ khân may. Yorlah Brah Yêhôva ma phung tahan lah pô aơ mbu nơm pah tât ta khân may nâm bu ntĭt pah tât ta găr măt Păng.

Nau Tâm Mpơl 12:10

Gâp tăng ta klơ trôk geh bâr huy lah pô aơ: “Aƀaơ aơ nau tâm rklaih, nau brah, Ƀon bri hađăch Brah Ndu he, Jêh ri nau dơi Brah Krist văch jêh, Yorlah nơm phong phung oh nâu he, măng nâm nar phong khân păng tanăp Brah Ndu, Bu klŭp mƀăr jêh păng jŭr ta neh.

Nau Tâm Mpơl 16:11

Khân păng ngơi djơh tât Brah Ndu ta klơ trôk yor nau rêh ni jêh ri ok eh khân păng nơm, ƀiălah khân păng mâu rmal ôh lĕ kan khân păng nơm ƀư.

Nau Tâm Mpơl 16:21

Geh mih pler dŭt toyh, jâk klăp lah puăn jât kilô, tă bơh trôk tŭp ta kon bunuyh, kon bunuyh ngơi djơh tât Brah Ndu yor lĕ ntil nau rêh ni tă bơh mih pler nây, yorlah nây jêng du ntil nau rêh ni dŭt krit kir.

Nau Tâm Mpơl 16:9

Jêh ri n'hôl duh hâu ir ngăn su kon bunuyh jêh ri khân păng ngơi djơh tât amoh Brah Ndu, jêng Nơm geh nau dơi ma ntil nau rêh ni nây, ƀiălah khân păng mâu đŏng rmal nau tih gay ma tâm rnê Păng.