Ndrom Samƀŭt bơh Ôsê 9:9 - Nau Brah Ndu Ngơi 2023

⁹ Khân păng lĕ rlâm rai jru hâu ngăn Nâm bu tâm lĕ nar Gibêa. Brah Ndu mra kah gĭt tay nau tih mhĭk khân păng, Jêh ri mra tâm rmal nau tih khân păng.

Ndrom Samƀŭt bơh Ôsê 9:9 Iomraidhean Croise

Nau Ngluh Êjipt 32:7

Brah Yêhôva lah ma Y-Môis: “Jŭr hom, yorlah phung ƀon lan may ngluh jêh bơh n'gor Êjipt hŏ mhĭk jêh.

Êsai 24:5

Rplay neh geh nau ƀơ̆ ƀơch Yor phung ƀon lan păng nơm, Yorlah khân păng hŏ ƀư tih nau vay, Mâu di đah nau vay dăp, Jêh ri ƀư rai lơi nau tâm rnglăp n'ho ro.

Êsai 31:6

Ơ phung ƀon lan Israel, plơ̆ sĭt hom ma Nơm khân may hŏ tâm rdâng dŭt n'hâm jêh.

Yêrêmi 14:10

Brah Yêhôva lah ma phung ƀon lan aơ kơt aơ: “Khân păng ŭch hăn nsong blêng pônây, Mâu gĭt nkân bar jâng ôh; Yor ri Brah Yêhôva mâu sŏk dơn ôh khân păng. Aƀaơ aơ, Păng kah gĭt tay nau khân păng hŏ ƀư tih, Jêh ri rmal lơi nau tih khân păng.”

Êsêkiêl 21:28

Đơ phung hŏ ton jêh uănh nau pol knŏng jêng nau mƀruh dơm, ƀiălah hađăch mra nkah ăn khân păng gĭt nau mhĭk khân păng nơm ƀư khân păng hăn jêng bu nă.

Ndrom Samƀŭt bơh Ôsê 10:9

Hơi Israel, ntơm bơh nar Gibêa, may hŏ ƀư tih jêh! Khân păng dâk ta nây da dê; Mâu hĕ nau tâm lơh dơi ban Phung kon nau djơh mhĭk tâm Gibêa?

Ndrom Samƀŭt bơh Ôsê 4:9

Rnôk nây mra tât, mâm phung ƀon lan jêng kôranh nơm ƀư brah kơt nây lĕ; Gâp mra tâm rmal khân păng yor trong khân păng hăn, Jêh ri har plơng tĭng nâm kan păng ƀư.

Ndrom Samƀŭt bơh Ôsê 5:8

Uh hom rlet ta Gibêa, Uh nŭng ta Rama! Ăn khân may dat kuăl ăn bu njrăng ta Bet-Aven! Hơi Benjamin, phung rlăng gŭ pakơi may!

Ndrom Samƀŭt bơh Ôsê 7:2

Khân păng mâu mĭn êng tâm nuih n'hâm Gâp kah gĭt lĕ rngôch nau mhĭk khân păng. Aƀaơ aơ kan tih mhĭk khân păng nchueng khân păng nơm, Gŭ panăp Gâp.

Ndrom Samƀŭt bơh Ôsê 8:13

Nđâp tơlah khân păng nhhơr mpa ƀư brah ma Gâp Jêh ri sa puăch mpa ƀư brah, Ƀiălah Brah Yêhôva ăt mâu sŏk dơn khân păng. Abaơ Păng kah gĭt tay nau djơh mhĭk khân păng Jêh ri tâm rmal nau tih khân păng; Khân păng mra plơ̆ sĭt ma n'gor Êjipt!

Ndrom Samƀŭt bơh Ôsê 9:8

Phung nơm mbơh lor, ndrel ma Brah Ndu gâp Jêng bunuyh gak njrăng Êphraim, Ƀiălah dăk nhuăl nthăng tâm ăp trong păng, Nau ji nuih gŭ tâm ngih Brah Ndu păng.

Sôphôni 3:7

Gâp hŏ lah jêh: ‘May knŏng klach yơk ma Gâp, Dơn nau bu nkra ntĭm!’ Pôri ntŭk păng gŭ bu mâu mra ƀư rai ôh Tĭng ăp ntil nau Gâp hŏ nal jêh ma păng. Ƀiălah khân păng dâk ơm ôi Gay ƀư lĕ nau ƀai.”

Phung Kôranh Phat Dôih 19:12

Kôranh păng plơ̆ lah: “He mâu veh ôh lăp tâm ƀon toyh phung bu năch, jêng ntŭk mâu geh ôh phung ƀon lan Israel, ƀiălah he mra hăn tât ta Gibêa.”

Phung Kôranh Phat Dôih 19:16

Kêng măng, geh du huê bu klâu bu ranh pah kan mir păng plơ̆ sĭt. Bu klâu nây jêng bunuyh bơh n'gor klơ dor yôk Êphraim, ƀiălah dôl gŭ njưh ta Gibêa, jêng ntŭk ndŭl mpôl Benjamin gŭ rêh.

Phung Kôranh Phat Dôih 19:22

Nôk khân păng dôl răm maak ndrăng khân păng, geh phung bunuyh tâm ƀon toyh, jêng phung janh mhĭk, nchueng jŭm ngih nây, dong ta bôk mpông jêh ri lah ma bu klâu bu ranh, jêng kôranh vâl, pô aơ: “Leo hom bu klâu hŏ lăp tâm ngih may ăn păng văch ta aơ gay ma hên gĭt năl păng.”

Phung Kôranh Phat Dôih 20:43

Khân păng nchueng jŭm phung Benjamin, tĭng lơh jêh ri ƀư rai khân păng kŏ tât mpeh luh nar ƀon toyh Gibêa.