Ndrom Samƀŭt bơh Ôsê 9:6 - Nau Brah Ndu Ngơi 2023

⁶ Nđâp tơlah khân păng klaih bơh nau ƀư rai, Êjipt mra rgum khân păng, Jêh ri Mêmphis mra tâp brôi khân păng. Pih pŭm mra nkŭm ta klơ lĕ ndơ khân păng ƀư ma prăk dŭt khlay, Pôm lok mra hon chăt tâm ngih bok khân păng.

Ndrom Samƀŭt bơh Ôsê 9:6 Iomraidhean Croise

II Phung Hađăch 13:7

Kôranh Brah mâu hôm ôh om moh ndơ ma phung tahan Y-Jôacha, knŏng om ma păng prăm jât nuyh tahan ncho seh, jât bôk ndeh seh, jêh ri du rmưn tahan hăn jâng. Yorlah hađăch Aram ƀư rai jêh ri ƀư nchah rai phung tahan Israel nâm bu ndruyh neh tâm ntŭk mprah ba.

Nau Mprơ Ơm 107:34

Jêh ri neh hon ndơ jêng neh chiăt, Yor nau djơh mhĭk phung gŭ ta nây.

Nau Hôr 24:31

Ri, tơm lok hon âk ngăn, Gơ̆ nkâm bêng lam neh, Bi mpêr đah lŭ rlâm tŭp jêng rngot njăp.

Êsai 11:11

Tâm nar nây, Kôranh Brah mra yơr ti du tơ̆ đŏng gay chuai phung ƀon lan hôm e klen Păng, jêng phung ƀon lan hôm e tă bơh bri Asiri, Êjipt, Pathrôs, Kus, Êlam, Sinar, Hamat jêh ri bơh lĕ gôl dak mƀŭt.

Êsai 19:13

Phung kôranh tâm ƀon Sôan jêng jêh phung rluk, Phung kôranh ƀon Nôp tŭp tâm nau ndơm; Phung ƀư lŭ tơm tâm phung mpôl khân păng Hŏ ƀư vĭ ma Êjipt

Êsai 27:12

Jêh nây mra tât nar Brah Yêhôva mra mbang ba ntơm bơh Dak Krong Me tât ta dak n'hor bri Êjipt; ơ phung ƀon lan Israel, khân may mra dônh tĭng du huê du huê!

Êsai 32:13

Yor neh phung ƀon lan Gâp, Hon tơm lok jêh ri pih pŭm, Yor lĕ rngôch ngih maak tâm ƀon răm maak. Mâu hôm geh ôh.

Êsai 34:13

Tơm lok mra hon tâm ngih hađăch khân păng, Pih pŭm jêh ri gơ̆ chăt hon tâm lĕ pôih khân păng. Păng mra jêng ntŭk prăp ma so bri, Jêh ri ntŭk gŭ sĭm ôtrus.

Êsai 5:6

Gâp mra ƀư ăn păng jêng rngot njăp, Mâu koh n'gĭng, mâu đŏng brôi tơm; Rtau lok jêh ri pih pŭm mra chăt hon ta nây. Gâp ntăm đŏng ma tŭk Mâu hôm ăn dak mih ma păng ôh.”

Êsai 7:23

Tât nôk nây, ta ăp ntŭk tăm du rbăn tơm krăk ƀâu, rnoh khlay du rbăn rlay prăk, mra hon bêng rtau lok jêh ri pih pŭm.

Yêrêmi 2:16

Rlau ma nĕ phung ƀon lan Nôp jêh ri Tahpanhes Ăt poih hil bôk may.

Yêrêmi 42:22

Pônây, ăn gĭt nanê̆ ngăn pô aơ ma khân ay may mra khĭt ma đao, ma nau sa sât ji ngot, jêh ri ma nau ji tưp tâm ntŭk khân ay may ŭch hăn gŭ.”

Yêrêmi 44:1

Geh nau lah ma Y-Yêrêmi ma lĕ rngôch phung Yuđa gŭ tâm n'gor bri Êjipt, ta ƀon Mikdôl, ƀon Tahpanhes, ta ƀon Nôp, jêh ri tâm bri Pathrôs.

Yêrêmi 44:12

Gâp mra sŏk lơi phung Yuđa hôm klen, jêng phung săch jêh ŭch hăn ta bri Êjipt, bu mra ƀư ngroh lơi khân păng ta nây; khân păng mra khĭt tâm bri Êjipt, mra khĭt ma tak đao mâu lah sa sât ji ngot. Ntơm bơh kon se jê̆ tât ma bunuyh toyh mra khĭt da dê yor tak đao mâu lah sa sât ji ngot. Khân păng jêng nau rak rtăp, jêng nau ma bu bêk prêng, jêng nau krit toyh, nau ƀơ̆ ƀơch jêh ri nau bu ƀư mhĭk.

Yêrêmi 44:13

Gâp mra tâm rmal phung gŭ tâm bri Êjipt, nâm bu hŏ tâm rmal jêh ma ƀon Yêrusalem ma pêh đao, nau sa sât ji ngot, jêh ri nau ji tưp.

Yêrêmi 46:14

“Mbơh hom tâm bri Êjipt, tâm mpơl tâm ƀon Mikdôl, Tâm mpơl tâm ƀon Nôp jêh ri ƀon Tahpanhes pô aơ: ‘Lăp hom ta ntŭk, hŏ ndrăp nkra nŭm jêh, Yorlah đao hŏ văr jêh jŭm khân ay may.’

Yêrêmi 46:19

Ơ phung ƀon lan Êjipt, Ndrăp hom ndô ndơ gay ma hăn ƀư bu nă, Yorlah ƀon Nôp mra jêng rngol; Bu mra ƀư rai mâu geh bunuyh gŭ ôh.

Êsêkiêl 30:13

Brah Yêhôva lah: ‘Gâp mra ƀư rai lơi lĕ rup brah. Jêh ri nchah lơi lĕ brah bơh ƀon Nôp. Tâm n'gor bri Êjipt mâu mra hôm geh hađăch đŏng ôh, Jêh ri Gâp mra srih nau klach tâm n'gor bri Êjipt.

Êsêkiêl 30:16

Gâp mra su n'gor bri Êjipt ma ŭnh, Ƀon Sin mra geh nau rngot toyh ngăn; Ƀon Thêbes bu mra ƀư rai, Jêh ri ƀon Nôp phung rlăng mra ƀư rai ta nôk nar.

Ndrom Samƀŭt bơh Ôsê 10:8

Lĕ ntŭk prêh klơ ta Aven, nây jêng nau tih Israel, Bu mra ƀư rai lơi. Tơm pôm jêh ri pih pŭm mra hon Ta klơ nơng ƀư brah khân păng. Rnôk nây, khân păng mra lah ma lĕ yôk pô aơ: Ăn nkŭm lơi hên! Jêh ri lah ma lĕ gôl pô aơ: Tŭp hom ta klơ hên!

Ndrom Samƀŭt bơh Ôsê 11:11

Khân păng mra văch ma nau râm nsâr Nâm bu sĭm tă bơh n'gor Êjipt, Nâm bu plŭk tă bơh bri Asiri, Gâp mra ăn khân păng plơ̆ sĭt ma ngih khân păng nơm.” Brah Yêhôva lah pônây.

Ndrom Samƀŭt bơh Ôsê 2:6

Yor nây, Gâp mra sŏk pôm lok nchăng trong păng, Ndâk du mlâm mpêr jŭm păng Ăn păng mâu dơi saơ trong hăn ôh.

Ndrom Samƀŭt bơh Ôsê 7:11

Êphraim jêng nâm bu plŭk Rluk, mâu geh nau blau mĭn; Khân păng vơh vơl ma n'gor bri Êjipt, jêh nây hăn tât ma bri Asiri.

Ndrom Samƀŭt bơh Ôsê 7:13

Rêh ni ngăn ma khân păng, Yorlah khân păng chalơi Gâp! Khân păng khư bu ƀư rai, Yorlah tâm rdâng jêh đah Gâp! Gâp yơh, Gâp ŭch tâm rklaih khân păng, Ƀiălah khân păng sŏk nau mƀruh tâm rđâng đah Gâp.

Ndrom Samƀŭt bơh Ôsê 7:16

Khân păng mâu rle mpeh ma Nơm Dŭt Prêh Klơ; Khân păng nâm bu na lĕ djơh jêh, Phung kôranh khân păng cha lôt yor ma đao Yorlah mpiăt khân păng luh nau ngơi ji nuih ngăn. Khân păng jêng ndơ bu gơm mưch Tâm n'gor bri Êjipt.

Ndrom Samƀŭt bơh Ôsê 8:13

Nđâp tơlah khân păng nhhơr mpa ƀư brah ma Gâp Jêh ri sa puăch mpa ƀư brah, Ƀiălah Brah Yêhôva ăt mâu sŏk dơn khân păng. Abaơ Păng kah gĭt tay nau djơh mhĭk khân păng Jêh ri tâm rmal nau tih khân păng; Khân păng mra plơ̆ sĭt ma n'gor Êjipt!

Ndrom Samƀŭt bơh Ôsê 9:3

Khân păng mâu mra gŭ tâm bri Brah Yêhôva ôh Ƀiălah Êphraim mra plơ̆ sĭt ma n'gor Êjipt Jêh ri mra sa ndơ sa ƀơ̆ ƀơch tâm bri Asiri.

Kan Lêvi 26:33

Gâp mra nkhah khân may lam phung ndŭl mpôl bunuyh jêh ri tŏk đao gưm tĭng lơh khân may. Neh khân may mra jêng ntŭk rngol, ƀon toyh khân may mra jêng rngot rklăk.

Sôphôni 1:11

Hơi phung gŭ tâm Ƀon Tâm Dâng, nhĭm nter hom! Yorlah lĕ rngôch phung tăch rgâl mâu hôm đŏng ôh, Jêh ri phung njing prăk lĕ rai yot jêh.

I Samuel 13:6

Tơlah phung Israel saơ khân păng jêr ngăn jêh, yorlah khân păng tĭng nchueng dăch ngăn ma phung Israel, pôri phung ƀon lan du krap tâm lĕ trôm lŭ, rlô si, rkâp lŭ, môch blang jêh ri ntu brŏng.