Ndrom Samƀŭt bơh Ôsê 9:4 - Nau Brah Ndu Ngơi 2023

⁴ Khân păng mâu mra kêt ndrănh ndơ nhhơr nhêt ma Brah Yêhôva đŏng ôh, Lĕ mpa ƀư brah khân păng ăt mâu mra ƀư maak nuih n'hâm Păng. Ƀănh khân păng mra jêng nâm bu ƀănh ngih geh rngot ndrê, Mbu moh sa mra jêng ƀơ̆ ƀơch da dê; Yorlah ƀănh khân păng knŏng prăp ma khân păng nơm bah ji ngot, Mâu dơi djôt lăp ôh tâm ngih Brah Yêhôva.

Ndrom Samƀŭt bơh Ôsê 9:4 Iomraidhean Croise

Nau Ngluh Êjipt 29:40

Ma kon biăp tal nguay, ăn may pot klăp lah du kilô rnih môi n'hanh klăp lah du lit dak ngi lêk jêh, jêh ri du lit ndrănh krăk ƀâu ma ndơ nhhơr nhêt.

Nau Ngluh Êjipt 40:23

jêh nây dăp piăng let di mbor tanăp Brah Yêhôva, tĭng nâm nau Brah Yêhôva hŏ ntĭnh jêh ma Y-Môis.

Êsai 57:6

Lĕ lŭ toyh pler rlip tâm rlŭng jêng ntŭk prăp ma may; Nanê̆, nĕ jêng drăp ndơ may. May hŏ ƀư ndơ nhhơr nhêt, Jêh ri nhhơr jêh ndơ ƀư brah rnih môi ma khân păng! Nau Gâp dơi bah lĕ ji nuih yor nau nây?

Êsai 66:3

Mbu nơm nkhĭt du mlâm ndrôk jêng tâm ban ma nơm nkhĭt du huê bunuyh; Nơm nhhơr kon biăp ƀư mpa ƀư brah tâm ban ma nơm nkê̆ch juet lơi trô ko so; Nơm nhhơr ndơ ƀư brah rnih môi jêng tâm ban ma nơm nhhơr mham sŭr; Nơm su ndơ ƀâu kah jêng tâm ban ma nơm yơk mbah ma rup brah. Yorlah khân păng săch tĭng trong khân păng nơm, Jêh ri nuih n'hâm khân păng knŏng maak ƀư lĕ nau ƀơ̆ ƀơch.

Yêrêmi 16:7

Mâu geh nơm nkê̆ch ƀănh ăn ma phung klâng ndrê gay bonh leng khân păng ma bunuyh hŏ khĭt; mâu đŏng geh lĕ nơm ăn kachok tâm pă nau rngot yor nau khĭt mê̆ mbơ̆ khân păng.

Yêrêmi 6:20

Moh nau Gâp ŭch ntăk si ƀâu kah tât bơh Sêba, Mâu lah n'hôl calamôs tât bơh bri ngai ngăn? Ndơ ƀư brah gŭch phung khân may mâu ueh nuih n'hâm Gâp, Lĕ mpa ƀư brah khân may ăt mâu ƀư maak ma Gâp lĕ.”

Êsêkiêl 24:17

Vơl êng hom lơi ta nhĭm ăn ma nơm khĭt; mpân hom bok ta klơ bôk may jêh ri nsoh ntâu jot tâm jâng; lơi ta rdêp ôh têp trôm mbung jêh ri lơi sa piăng let bu njăt.”

Êsêkiêl 24:22

Rnôk nây, khân may mra ƀư nâm bu gâp hŏ ƀư jêh; khân may mâu mra rdêp ôh têp trôm mbung, mâu lĕ sa piăng let bu njăt.

Daniel 1:8

Ƀiălah Y-Daniel ton tâm nuih n'hâm mâu ăn ƀơ̆ ôh păng nơm yor ndơ sông sa kah hađăch sa jêh ri ndrănh hađăch nhêt, yor nây dăn ma kôranh chiă uănh phung kôranh bu char lơi ta ƀư ƀơ̆ khân păng ôh.

Ndrom Samƀŭt bơh Ôsê 3:4

Yorlah tâm năng nar jŏ jong, phung ƀon lan Israel mâu geh hađăch ôh, mâu geh kôranh chiă uănh, mâu geh mpa ƀư brah, mâu geh meh n'gâng brah, mâu geh êphôt jêh ri mâu geh têraphim.

Ndrom Samƀŭt bơh Ôsê 7:16

Khân păng mâu rle mpeh ma Nơm Dŭt Prêh Klơ; Khân păng nâm bu na lĕ djơh jêh, Phung kôranh khân păng cha lôt yor ma đao Yorlah mpiăt khân păng luh nau ngơi ji nuih ngăn. Khân păng jêng ndơ bu gơm mưch Tâm n'gor bri Êjipt.

Ndrom Samƀŭt bơh Ôsê 8:13

Nđâp tơlah khân păng nhhơr mpa ƀư brah ma Gâp Jêh ri sa puăch mpa ƀư brah, Ƀiălah Brah Yêhôva ăt mâu sŏk dơn khân păng. Abaơ Păng kah gĭt tay nau djơh mhĭk khân păng Jêh ri tâm rmal nau tih khân păng; Khân păng mra plơ̆ sĭt ma n'gor Êjipt!

Yôel 1:13

Hơi phung kôranh ƀư brah, nsoh hom ao ƀau jêh ri nhĭm vơl! Hơi phung pah kan ta nơng ƀư brah, nhĭm vơl hom! Hơi phung pah kan ma Brah Ndu gâp, Văch nsoh hom ao ƀau rngeh lĕ du măng! Yorlah ndơ ƀư brah rnih môi jêh ri ndơ nhhơr nhêt sa mâu hôm geh nhhơr Tâm ngih Brah Ndu khân may!

Yôel 1:9

Ndơ ƀư brah rnih môi jêh ri ndơ nhhơr nhêt sa bu ngroh lơi tă bơh ngih Brah Yêhôva; Phung kôranh ƀư brah pah kan ma Brah Yêhôva dôl nhĭm vơl.

Yôel 2:14

Gĭt lah Păng mra plơ̆ tay, rgâl nau mĭn, jêh ri ăn nau ueh uĭn pakơi Păng, Ăn ma khân may geh mông găl nhhơr ndơ ƀư brah rnih môi, ndơ nhhơr nhêt Ma Yêhôva Brah Ndu khân may?”

Kan Lêvi 17:11

Yorlah nau rêh nglay săk gŭ tâm mham, jêh ri Gâp hŏ ăn jêh mham ma khân may mbrih ta klơ nơng ƀư brah gay ƀư nau rƀŭn chuai nau tih ma huêng khân may. Yorlah mham jêng nau rêh rĭ mơ dơi chuai nau tih.

Kan Lêvi 21:17

“Lah hom ma Y-Arôn: ‘Tâm lĕ rngôch rnôk, mâu ôh ăn du huê tâm phung kon sau may geh ntŭk kuet ji dơi hăn dăch gay ma nhhơr ndơ sông sa ma Brah Ndu păng nơm.

Kan Lêvi 21:21

Ăp bunuyh tâm noi deh Y-Arôn kôranh ƀư brah, nơm geh ntŭk ji kuet mâu dơi hăn dăch gay nhhơr ndơ ƀư brah ăn ŭnh sa ma Brah Yêhôva. Yorlah păng geh ntŭk kuet ji, păng mâu dơi ôh hăn dăch nhhơr ndơ sông sa ma Brah Ndu păng nơm.

Kan Lêvi 21:6

Khân păng prăp êng ăn kloh ueh ma Brah Ndu jêh ri mâu dơi ngơi sưr ôh amoh Brah Ndu, yorlah khân păng jêng lĕ phung nhhơr ndơ ƀư brah ăn ŭnh sa ma Brah Yêhôva, jêng ndơ sông sa ma Brah Ndu khân păng; yor nây ăn khân păng jêng kloh ueh.

Kan Lêvi 21:8

Yor ri ăn khân may uănh kôranh ƀư brah nâm bu kloh ueh yorlah păng nhhơr ndơ sông sa ma Brah Ndu khân may. Khân păng jêng kloh ueh đah khân may, yorlah Gâp, Brah Yêhôva jêng kloh ueh, jêng Nơm ƀư kloh ueh khân may.

Amôt 5:22

Nđâp tơlah khân may nhhơr ma Gâp ndơ ƀư brah gŭch jêh ri ndơ ƀư brah rnih môi, Gâp mâu mra dơn ôh ndơ nây; Gâp mâu treng uănh ôh ma lĕ mpô mpa lay khân may dŏng ƀư ndơ ƀư brah ma nau đăp mpăn.

Malachi 2:13

Aơ jêng nau tal bar khân may mra ƀư: Khân may sŏk dak măt, nau nhĭm nhhiăng, nau nter vơl gay nkŭm lơi nơng ƀư Brah Yêhôva, yor Păng mâu hôm rle uănh ôh jêh ri mâu dơn ôh lĕ ndơ ƀư brah nhhơr tă bơh ti khân may.

Nau Kơp Bunuyh 19:11

Mbu nơm pah bi săk jăn du huê bunuyh khĭt mra jêng ƀơ̆ tâm pơh nar.

Nau Kơp Bunuyh 28:2

“Đă hom nau ntăm aơ ma phung ƀon lan Israel jêh ri lah: ‘Ăn khân may nhhơr ma Gâp tâm di yan lĕ ndơ ƀư brah jêh ri ndơ sông sa gay ƀư ndơ ƀư brah, ăn ŭnh sa nhhơr hao geh n'hôl ƀâu kah ma Gâp.’

Nau Kơp Bunuyh 4:7

Khân păng ling đŏng du blah bok dak piâk ta klơ sưng piăng let nhhơr jêh ri dơm klơ sưng nây ngan jam, kachok, khăl toyh jêh ri glah dŏng ma ndơ nhhơr nhêt; bu dơm piăng let ta klơ sưng ƀaƀơ.

Yôhan 6:51

Gâp jêng piăng let nau rêh jŭr tă bơh trôk; tơlah mbu nơm sa piăng let nây mra rêh n'ho ro. Piăng let Gâp ăn nây jêng nglay săk Gâp nơm ŭch ăn nau rêh ma neh ntu.”

Nau Vay Nkah Tay 26:14

Hên mâu sa ôh ndơ prăp êng nây tâm nôk hên gŭ ndrê klâng, mâu ôh pah bi ndơ nây dôl hên mâu kloh, jêh ri mâu đŏng sŏk dŏng ndơ nây nhhơr ma bunuyh khĭt. Hên tông bâr Yêhôva Brah Ndu hên jêh ri ƀư di lĕ nau May hŏ ntĭnh jêh ma hên.