Ndrom Samƀŭt bơh Ôsê 9:3 - Nau Brah Ndu Ngơi 2023

³ Khân păng mâu mra gŭ tâm bri Brah Yêhôva ôh Ƀiălah Êphraim mra plơ̆ sĭt ma n'gor Êjipt Jêh ri mra sa ndơ sa ƀơ̆ ƀơch tâm bri Asiri.

Ndrom Samƀŭt bơh Ôsê 9:3 Iomraidhean Croise

I Phung Hađăch 9:7

nôk nây Gâp mra mprơh phung Israel du luh bơh neh Gâp hŏ ăn jêh ma khân păng. Bi ngih brah Gâp hŏ prăp êng jêng kloh ueh ma amoh Gâp, Gâp mra mƀăr lơi ngih luh bơh măt Gâp; jêh ri phung Israel mra jêng du bôk nau mprĭng ma lĕ rngôch phung ƀon lan ngơi hôr jêh ri gơm mpray.

II Phung Hađăch 17:6

Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

Yêrêmi 16:18

Lor lơn Gâp mra mplơ̆ nau mhĭk ma khân păng n'hao bar tơ̆ jêh ri nau tih khân păng hŏ ƀư jêh, yorlah khân păng hŏ ƀư ƀơ̆ ƀơch neh Gâp bơh săk jăn khĭt lĕ rup brah di ma nau tâm rmot, jêh ri ƀư bêng ma drăp ndơn đah lĕ ndơ di ma nau ƀơ̆ ƀơch.”

Yêrêmi 2:7

Gâp njŭn leo khân may tât du ntŭk bri neh ueh Gay ma dơi geh kao play jêh ri lĕ ndô ndơ ueh păng. Ƀiălah dôl lăp ta nây, phung khân may hŏ ƀư ƀơ̆ ƀơch neh Gâp, Hŏ ƀư ăn drăp ndơn Gâp plơ̆ jêng ƀơ̆ ƀơch.

Nau Nhĭm Vơl 5:6

Hên nchŏng ti dăn ma phung Êjipt Jêh ri Asiri, gay geh tŏng ƀănh sa.

Êsêkiêl 4:13

Brah Yêhôva lah đŏng: “Pônây phung kon sau Israel mra sa piăng let ƀơ̆ ƀơch tâm lĕ bri dak Gâp mra mprơh khân păng hăn du.”

Daniel 1:8

Ƀiălah Y-Daniel ton tâm nuih n'hâm mâu ăn ƀơ̆ ôh păng nơm yor ndơ sông sa kah hađăch sa jêh ri ndrănh hađăch nhêt, yor nây dăn ma kôranh chiă uănh phung kôranh bu char lơi ta ƀư ƀơ̆ khân păng ôh.

Ndrom Samƀŭt bơh Ôsê 11:11

Khân păng mra văch ma nau râm nsâr Nâm bu sĭm tă bơh n'gor Êjipt, Nâm bu plŭk tă bơh bri Asiri, Gâp mra ăn khân păng plơ̆ sĭt ma ngih khân păng nơm.” Brah Yêhôva lah pônây.

Ndrom Samƀŭt bơh Ôsê 11:5

Khân păng mâu mra plơ̆ sĭt ma n'gor bri Êjipt đŏng ôh, Ƀiălah phung Asiri mra ƀư hađăch ma khân păng, Yorlah khân păng mâu ŭch plơ̆ sĭt ma Gâp.

Ndrom Samƀŭt bơh Ôsê 7:11

Êphraim jêng nâm bu plŭk Rluk, mâu geh nau blau mĭn; Khân păng vơh vơl ma n'gor bri Êjipt, jêh nây hăn tât ma bri Asiri.

Ndrom Samƀŭt bơh Ôsê 7:16

Khân păng mâu rle mpeh ma Nơm Dŭt Prêh Klơ; Khân păng nâm bu na lĕ djơh jêh, Phung kôranh khân păng cha lôt yor ma đao Yorlah mpiăt khân păng luh nau ngơi ji nuih ngăn. Khân păng jêng ndơ bu gơm mưch Tâm n'gor bri Êjipt.

Ndrom Samƀŭt bơh Ôsê 8:13

Nđâp tơlah khân păng nhhơr mpa ƀư brah ma Gâp Jêh ri sa puăch mpa ƀư brah, Ƀiălah Brah Yêhôva ăt mâu sŏk dơn khân păng. Abaơ Păng kah gĭt tay nau djơh mhĭk khân păng Jêh ri tâm rmal nau tih khân păng; Khân păng mra plơ̆ sĭt ma n'gor Êjipt!

Ndrom Samƀŭt bơh Ôsê 9:6

Nđâp tơlah khân păng klaih bơh nau ƀư rai, Êjipt mra rgum khân păng, Jêh ri Mêmphis mra tâp brôi khân păng. Pih pŭm mra nkŭm ta klơ lĕ ndơ khân păng ƀư ma prăk dŭt khlay, Pôm lok mra hon chăt tâm ngih bok khân păng.

Kan Lêvi 18:28

Pôri, lơi ƀư ma neh nây jêng ƀơ̆ ƀơch; lah mâu, neh nây đŏng mra hok jrih khân may luh nâm păng hŏ hok jrih jêh phung ƀon lan gŭ ta nây lor ma khân may.

Kan Lêvi 20:22

Ăn khân may djôt prăp jêh ri ƀư tĭng lĕ nau vay dăp jêh ri nau vay Gâp ƀư gay ma n'gor Gâp djôt khân may lăp gŭ mâu mra jrih khân may ôh.

Kan Lêvi 25:23

Mâu dơi tăch neh n'ho ro ôh yorlah neh jêng ndơ Gâp, bi khân may gŭ ndrel ma Gâp nâm bu phung bu năch jêh ri phung gŭ njưh.

Amôt 7:17

Yor nây, Brah Yêhôva lah: ‘Ur may jêng du huê bu ur tăch săk tâm ƀon toyh; Phung kon bu klâu jêh ri phung kon bu ur may mra cha lôt khĭt ma đao; Bri may bu mra veh jêh ri tâm pă, Bi may nơm mra khĭt tâm du n'gor bri ƀơ̆ ƀơch, Jêh ri nanê̆ ngăn Israel mra hăn jêng bu nă ngai ma bri khân păng nơm.’”

Mika 2:10

Dâk hom khân may! Hăn ro! Yorlah ta aơ mâu di ôh jêng ntŭk ma khân may gŭ rlu; Păng lĕ tă nau ƀơ̆ ƀơch njŭn leo ma nau rai yot Jêh ri mra geh nau rai yot nđêh nji ngăn ngên.

Kôranh Oh Mon 10:14

Ƀiălah Y-Pêtrôs ơh: “Ơ Kôranh Brah, mâu dơi! Yorlah gâp mâu mâp sa ôh mpa ƀơ̆ mâu lah mâu kloh.”

Nau Vay Nkah Tay 28:63

Brah Yêhôva hŏ geh nau maak jêh dôl ƀư ăn khân may chăt hao jêh ri ăn bĭk rơ̆ ngăn, pôri Păng mra geh nau maak đŏng dôl ƀư ma khân may roh rai jêh ri nau rai lôch kơt nây. Bu mra nsot lơi khân may bơh n'gor khân may bơi lăp gay pit sŏk.

Nau Vay Nkah Tay 28:68

Brah Yêhôva mra njŭn khân may plơ̆ tay ta n'gor Êjipt ma kumpăn, ma trong gâp hŏ tă lah jêh, khân may mâu hôm saơ păng ôh. Ta nây khân may mra tăch khân may nơm ƀư dĭk ma phung rlăng, ƀiălah mâu geh ôh nơm rvăt.”

Nau Vay Nkah Tay 4:26

pôri nar aơ gâp kuăl trôk jêh ri neh ntu gay mbơh pô aơ, khân may mra gơnh roh lĕ bơh n'gor khân may bơi dơn jêng drăp ndơn đah ri dak krong Yurdan; khân may mâu mra dơi gŭ jŏ ta nây ôh ƀiălah bu mra nkhĭt khân may lĕ ƀhiau.

Yôsuê 23:15

Tơlah tâm lĕ nau ueh Yêhôva Brah Ndu khân may hŏ lah jêh tât di ngăn jêh ma khân may, pônây lĕ Brah Yêhôva mra djôt lĕ nau mhĭk tât ma khân may đŏng, kŏ tât Păng ƀư rai lơi khân may bơh bri ueh aơ Yêhôva Brah Ndu khân may hŏ ăn jêh ma khân may.