Ndrom Samƀŭt bơh Ôsê 8:6 - Nau Brah Ndu Ngơi 2023

⁶ Yorlah ndrôk kon nây bơh Israel ƀư, Du huê bunuyh blau hŏ njêng păng; Păng mâu di Brah Ndu ôh. Ndrôk kon n'gor Samari Bu mra nchah hăch rhên.

Ndrom Samƀŭt bơh Ôsê 8:6 Iomraidhean Croise

II Phung Hađăch 23:15

Rmeh ma nây, hađăch ƀư rai đŏng nơng ƀư brah ta ƀon Bêthel jêh ri ntŭk prêh klơ Y-Jêrôbôam, kon bu klâu Y-Nêbat, ndâk jêh, jêng nơm nsŭk jêh phung Israel ƀư tih. Hađăch mbang nchah lơi nơng ƀư brah, su ma ŭnh ntŭk prêh klơ jêh ri juh ndơ nây kŏ tât môi; păng su ma ŭnh rup Asêrah tâm ban lĕ.

II Phung Hađăch 23:19

Y-Jôsia rơih đŏng lĕ rngôch ntŭk yơk mbah ta lĕ ntŭk prêh klơ tâm lĕ rngôch ƀon n'gor Samari, ndơ nây jêng phung hađăch Israel ndâk jêh gay nsônh nau ji nuih Brah Yêhôva, hađăch ƀư rai lĕ ntŭk nây nâm bu păng hŏ ƀư ta Bêthel.

II Nau Rêh Jêng 13:8

Pôri aƀaơ, khân may mĭn phung tahan âk râk, geh ndrôk kon mah Y-Jêrôbôam hŏ tŏ jêh jêng brah ma khân may, khân may klăp lah dơi tâm rdâng đah ƀon bri hađăch Brah Yêhôva hŏ ăn jêh ma phung kon sau Y-Đavit lĕ?

II Nau Rêh Jêng 31:1

Lah lĕ nau kan nây lôch jêh, lĕ rngôch phung Israel geh măt ta ƀon Yêrusalem dâk hăn ăp ƀon tâm n'gor Yuđa, mbang nchah lơi lĕ n'gâng mbah, kăl lơi lĕ rup brah Asêra, ƀư rai lĕ ntŭk prêh klơ jêh ri lĕ nơng ƀư brah tâm lam n'gor Yuđa, Benjamin, Êphraim, jêh ri Manasê, kŏ tât khân păng hŏ ƀư rai lĕ ƀhiau. Jêh nây, lĕ rngôch phung ƀon lan Israel plơ̆ sĭt ma ƀon nơm, ntŭk drăp ndơn khân păng nơm.

Yêrêmi 10:14

Ăp nơm jêng rluk da dê kƀah nau gĭt rbăng; Phung chiăr prăk prêng ma rup brah păng; Yorlah lĕ rup tŏ knŏng jêng nchơt dơm, Mâu geh n'hâm nsôr ôh tâm trôm nây.

Yêrêmi 48:13

Phung Môap mra prêng yor ma ƀon Chêmôs, Nâm bu ngih Israel prêng Yor ma ƀon Bêthel ntŭk khân păng rnơm.

Yêrêmi 50:2

“Mbơh hom jêh ri tâm mpơl ăn ma lĕ rngôch bri dak, Ăn yơr hom kơ jêh ri tâm mpơl, Lơi ta pôn mo ôh; lah hom: ‘Babilôn lĕ bu ƀư rai jêh, Brah Bel prêng jêh, Brah Mêrôdak klach krit ngăn, Bu ƀư prêng rup trah păng, Rup brah păng bu ƀư rlâm rai jêh!’

Ndrom Samƀŭt bơh Ôsê 10:2

Nuih n'hâm khân păng pă bar; Aƀaơ khân păng mra geh nau tih jêh. Kôranh Brah mra ƀư rai lơi nơng ƀư brah, Jêh ri ƀư rai n'gâng ƀư brah khân păng.

Ndrom Samƀŭt bơh Ôsê 13:2

Aƀaơ, khân păng ƀư tih lơ hâu âk lơn; Khân păng ƀư ma khân păng nơm âk ma lĕ rup brah tŏ chiăr, Sŏk ma blau mĭn khân păng nơm tŏ chiăr lĕ rup brah ma prăk; Lĕ rngôch jêng nau kan bơh bunuyh blau rhăk! Bu lah ma phung nhhơr ndơ ƀư brah pô aơ: “Kon bunuyh chŭm nkhơng ndrôk kon!”

Ndrom Samƀŭt bơh Ôsê 14:3

Asiri mâu dơi tâm rklaih hên ôh, Hên mâu mra ncho seh tâm lơh đŏng ôh. Hên mâu mra lah đŏng ôh ndơ tă bơh ti hên ƀư Jêng brah hên đŏng ôh; Yorlah knŏng tâm May yơh, phung kon đơi ri mơ dơi dơn nau yô̆ nđach!”

Mika 1:7

Lĕ rngôch rup trah păng bu mra dong nchah, Lĕ rngôch ndơ păng nhhơr bu mra su tâm ŭnh; Jêh ri Gâp mra ƀư rai lơi lĕ rngôch ƀhiau rup brah păng. Yorlah păng hŏ bun prăp lĕ ndơ ma rnoh nkhôm tă bơh bu ur văng tĭr; Yor ri, lĕ ndơ nây mra dơi dŏng tay ƀư rnoh nkhôm ăn ma bu ur văng tĭr êng.

Habakuk 2:18

Rup trah nơm rhăk hŏ trah mon jêh Geh ndơ khlay lĕ? Rup tŏ chiăr jêng nơm nti mƀruh, Mâm bunuyh rhăk rup mlo nây Rnơm nsing nkhơng ma kan ti păng nơm ƀư?

Kôranh Oh Mon 17:29

Pônây, jêng ndŭl mpôl Brah Ndu, he lơi mĭn Nơm Brah jêng tâm ban ma rup brah ma mah, prăk, mâu lah lŭ bơh nau blau jan jêh ri nau blau mĭn bơh kon bunuyh ƀư.

Kôranh Oh Mon 19:26

Tâm ban khân may saơ jêh ri tăng, mâu knŏng ta ƀon Êphêsô ôh, ƀiălah bơi ma lĕ n'gor Asi, Y-Pôl aơ nsŭk bu jêh ri ƀư âk bunuyh vĭ. Păng lah ma lĕ rup brah ti bunuyh ƀư mâu di brah ngăn ôh.