Ndrom Samƀŭt bơh Ôsê 8:14 - Nau Brah Ndu Ngơi 2023

¹⁴ Phung Israel hŏ chuêl jêh Nơm Rhăk Njêng khân păng, Mĭn ndâk âk rplay ngih hađăch; Phung Yuđa hŏ ntop âk ƀon toyh geh mpêr nâp; Ƀiălah Gâp mra su ma ŭnh lĕ ƀon toyh nây Jêh ri ŭnh mra sa pôih nâp păng.

Ndrom Samƀŭt bơh Ôsê 8:14 Iomraidhean Croise

I Phung Hađăch 12:31

Y-Jêrôbôam ƀư tay đŏng tâm ntŭk yơk mbah ta klơ lĕ ntŭk prêh, săch bunuyh tâm nklang phung ƀon lan jêh ri njêng khân păng ƀư kôranh brah, mâu di săch bunuyh tâm noi deh Lêvi.

I Phung Hađăch 16:31

Hađăch tĭng kơt nau tih bơh Y-Jêrôbôam, kon bu klâu Y-Nêbat, jêng nau jê̆ dơm, yor nây păng hŏ nsông kon bu ur Y-Êtbaal, hađăch phung Sidôn, jêng H'Jêsêbel ƀư ur păng. Hađăch pah kan đŏng jêh ri yơk mbah ma brah Baal.

II Phung Hađăch 18:13

Tâm năm jât ma puăn rnôk rô̆ hađăch Hêsêkia chiă uănh, geh Y-Sênakêrip, hađăch Asiri, hăn lơh jêh ri pit sŏk ma lĕ rngôch ƀon dŭt nâp ngăn tâm n'gor Yuđa.

II Nau Rêh Jêng 26:10

Păng ndâk đŏng lĕ ngih tŭm tâm bri rdah, kuyh âk ntu dak, yorlah păng geh âk mpô mpa rong ta nkual Sêphêla nđâp tâm ntŭk nkual prêh. Hađăch geh đŏng phung ƀư mir, phung tăm krăk ƀâu ta klơ dor yôk jêh ri ta Karmel, yorlah păng ŭch nau tuch tăm.

II Nau Rêh Jêng 27:4

Păng ndâk đŏng âk play ƀon tâm bri klơ dor Yuđa, jêh ri ndâk pôih nâp, ngih tŭm gak ta klơ yôk geh bri krŏng.

Nau Mprơ Ơm 106:21

Khân păng chuêl Brah Ndu jêng nơm tâm rklaih jêh khân păng, Jêh ri ƀư kan dŭt toyh ma khân păng tâm bri Êjipt;

Nau Mprơ Ơm 95:6

Văch hom kŭnh gay yơk mbah ma Brah Yêhôva; Chon mon hom kômâk tanăp Nơm Rhăk Njêng he!

Êsai 17:10

Yorlah may chuêl jêh Brah Ndu nơm tâm rklaih may, Mâu kah gĭt ôh ma Lŭ Toyh ntŭk may du krap. Yor nây nđâp lah may tăm jêh đang tơm si dŭt ueh, Ƀư đŏng ntil play krăk ƀâu bu năch;

Êsai 29:23

Ƀiălah tơlah Yakôb saơ phung kon păng, Jêng kan ti Gâp ƀư ta nklang khân păng, Khân păng mra yơk ma amoh Gâp jêng Kloh Ueh: Khân păng mra yơk ma Nơm Kloh Ueh Y-Yakôb, Jêh ri klach yơk ma Brah Ndu Israel

Êsai 42:13

Brah Yêhôva mra hăn panăp tâm ban ma du huê nơm tahan janh ktang, Tâm ban ma du huê bunuyh tahan bêng ma nau duh nđơr; Păng nter, ngơi huy rduh tâm lơh, Jêh ri Păng mra lơh rai lĕ phung rlăng đah Păng nơm.

Êsai 42:25

Yor nây, Kôranh Brah hŏ nkhŭt jêh nau ji nuih hâu ngăn Jêh ri nau tâm lơh ktang ngăn ta klơ păng; Ŭnh sa văr jŭm jêh păng, ƀiălah khân păng mâu gĭt rbăng ôh, Ŭnh sa jêh păng ƀiălah păng mâu mĭn rvê ôh.

Êsai 43:21

Gâp hŏ njêng phung ƀon lan aơ ma Gâp, Khân păng mra mprơ nau tâm rnê ma Gâp.

Êsai 9:10

Yor nây, Brah Yêhôva mra n'hao phung rlăng bơh Y-Rêsin Dâk tâm rdâng đah khân păng, jêh ri nsônh phung rlăng khân păng.

Êsai 9:9

“Glo neh uk rlâm jêh, Ƀiălah he mra rdâk tay ma lŭ khlay; Bu kăl chôt jêh tơm sikamôr, Ƀiălah he mra ntrok ma tơm Sêdar ta ntŭk khân păng.”

Yêrêmi 17:27

Ƀiălah tơlah khân may mâu tông ôh bâr Gâp gay gĭt prăp êng ma nar saƀat jêng kloh ueh, jêh ri nar saƀat hôm tung mbăk hăn lăp mpông ƀon Yêrusalem, pôri gâp mra sŭnh ŭnh ta mpông ƀon, ŭnh nây mra su rai lĕ ngih hađăch ƀon Yêrusalem, mâu geh nơm dơi buh nhhât ôh.’”

Yêrêmi 2:32

Geh đŏng bu ur druh chuêl ndơ păng nkrơ̆, Mâu lah geh đŏng bu ur chuêl nsoh ao ueh ta nar tâm nđăp păng nơm? Ƀiălah ƀon lan Gâp chuêl Gâp Bơh jŏ nar mâu dơi kơp ôh.

Yêrêmi 23:27

Nau nây khân păng tâm nkoch ndrăng khân păng nơm lĕ nau mbơi, khân păng mĭn ŭch ƀư ma phung ƀon lan Gâp chuêl amoh Gâp nâm bu chô yau khân păng hŏ yor brah Baal chuêl amoh Gâp.

Yêrêmi 3:21

Geh bâr lŭng nter dơi tăng bơh lĕ dor hil, Nây jêng bâr phung kon Israel nhĭm nhhiăng vơl dăn, Yorlah khân păng hŏ hăn vĭ nhhơt trong, Hŏ chuêl Yêhôva Brah Ndu khân păng.

Yêrêmi 5:17

Khân păng mra sa lĕ ba jêh ri ndơ sông sa may, Sa kon bu klâu, kon bu ur may; Sa lĕ phung biăp phung ndrôk may, Sa tơm krăk ƀâu jêh ri tơm rvi may. Sŏk đao ƀư rai lĕ ƀon nâp may, May vay rnơm nsing!”

Êsêkiêl 23:35

Yor nây, Kôranh Brah Yêhôva lah: ‘Yorlah ay lĕ chuêl Gâp jêh, chalơi Gâp pakơi ay, yor nây ay dơn nau tât geh yor nau ƀơ̆ nau ka n'hong ay!’”

Ndrom Samƀŭt bơh Ôsê 13:6

Ƀiălah dôl khân păng dơi siăm tâm ndrêch gơ̆ Jêh ri dơi sa hơm ngăn pôri khân păng geh nuih n'hâm sưr rlau; Yor nây, khân păng chuêl jêh Gâp.

Ndrom Samƀŭt bơh Ôsê 2:13

Gâp mra tâm rmal păng Yorlah tâm lĕ nar păng nhhơr ndơ ƀâu kah ma brah Baal, Văn mblo tôr jêh ri nkrơ̆ ndơ khlay, Hăn tĭng phung tĭr păng, Bi gâp păng chuêl jêh!” Brah Yêhôva lah pônây.

Ndrom Samƀŭt bơh Ôsê 4:6

Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Amôt 1:10

Gâp mra njuăl ŭnh ta klơ mpêr ƀon Tyre, Ŭnh mra sa lĕ pôih nâp păng.”

Amôt 1:12

Gâp mra njuăl ŭnh ta klơ ƀon Têman, Ŭnh mra su rai lĕ pôih nâp ƀon Bôsra.”

Amôt 1:14

Gâp mra mpoh ŭnh su mpêr ƀon toyh Raba, Ŭnh mra su rai lĕ pôih nâp păng, Ta nklang nau lŭng nter tâm nar tâm lơh, Ta nklang phŭt chuănh tâm nar sial vănh blông;

Amôt 1:4

Gâp mra njuăl ŭnh tât tâm ngih Y-Hasael Gay ma ŭnh sa lĕ pôih nâp Y-Ben-Hadat.

Amôt 2:5

Gâp mra njuăl ŭnh tât ta Yuđa Ŭnh mra su rai lĕ pôih nâp ƀon Yêrusalem.”

Êphêsô 2:10

Yorlah he jêng kan bơh ti Păng, dơi rhăk njêng tâm Brah Yêsu Krist gay ƀư lĕ nau kan ueh Brah Ndu nkra jêh bơh lor gay ma he kơt ƀư.

Nau Vay Nkah Tay 32:18

Khân may mâu mĭn rvê ôh ma Lŭ Toyh hŏ njêng jêh khân may nơm Jêh ri chuêl jêh Brah Ndu Nơm ăn nau rêh.