Ndrom Samƀŭt bơh Ôsê 8:13 - Nau Brah Ndu Ngơi 2023

¹³ Nđâp tơlah khân păng nhhơr mpa ƀư brah ma Gâp Jêh ri sa puăch mpa ƀư brah, Ƀiălah Brah Yêhôva ăt mâu sŏk dơn khân păng. Abaơ Păng kah gĭt tay nau djơh mhĭk khân păng Jêh ri tâm rmal nau tih khân păng; Khân păng mra plơ̆ sĭt ma n'gor Êjipt!

Ndrom Samƀŭt bơh Ôsê 8:13 Iomraidhean Croise

Nau Ngluh Êjipt 20:3

Tanăp măt Gâp may lơi ta geh brah êng ôh.

Nau Ngluh Êjipt 32:34

Ƀiălah aƀaơ, hăn hom, njŭn leo phung ƀon lan ta ntŭk Gâp hŏ ntĭm ma may. Aơ, tông mpăr Gâp mra hăn lor ma may. Ƀiălah, ta nar nau rmal, Gâp mra tâm rmal nau tih khân păng.”

Nau Hôr 21:27

Mpa ƀư brah bơh phung mhĭk jêng du ndơ ƀơ̆ ƀơch; Lơ hô khân păng djôt leo ndrel ma nau mĭn djơh mhĭk.

Êsai 1:11

Brah Yêhôva lah “Âk râk ndơ khân may ƀư brah mâu geh khlay ôh ma Gâp? Gâp hŏ dĭl jêh đah ndơ ƀư brah gŭch ma biăp nkuăng, Jêh ri ngi mpô mpa lay. Gâp mâu maak ôh ma mham ndrôk nkuăng, Mâu lah kon biăp jêh ri be nkuăng.

Yêrêmi 14:10

Brah Yêhôva lah ma phung ƀon lan aơ kơt aơ: “Khân păng ŭch hăn nsong blêng pônây, Mâu gĭt nkân bar jâng ôh; Yor ri Brah Yêhôva mâu sŏk dơn ôh khân păng. Aƀaơ aơ, Păng kah gĭt tay nau khân păng hŏ ƀư tih, Jêh ri rmal lơi nau tih khân păng.”

Yêrêmi 6:20

Moh nau Gâp ŭch ntăk si ƀâu kah tât bơh Sêba, Mâu lah n'hôl calamôs tât bơh bri ngai ngăn? Ndơ ƀư brah gŭch phung khân may mâu ueh nuih n'hâm Gâp, Lĕ mpa ƀư brah khân may ăt mâu ƀư maak ma Gâp lĕ.”

Êsêkiêl 29:16

Bri dak nây mâu hôm ƀư jêng ntŭk rnơm ăn ma ngih Israel đŏng ôh, ƀiălah Israel mra kah gĭt tay nau tih khân păng dôl khân păng plơ̆ dăn kơl ma bri dak nây. Nôk nây khân păng mra gĭt Gâp jêng Kôranh Brah Yêhôva.’”

Ndrom Samƀŭt bơh Ôsê 11:5

Khân păng mâu mra plơ̆ sĭt ma n'gor bri Êjipt đŏng ôh, Ƀiălah phung Asiri mra ƀư hađăch ma khân păng, Yorlah khân păng mâu ŭch plơ̆ sĭt ma Gâp.

Ndrom Samƀŭt bơh Ôsê 12:11

Gâp tâm ban lĕ hŏ lah jêh ma phung nơm mbơh lor; Gâp yơh hŏ ăn âk tơ̆ lĕ nau tâm saơ. Dŏng phung nơm mbơh lor Ntĭm nti ma nau ngơi hôr.

Ndrom Samƀŭt bơh Ôsê 4:9

Rnôk nây mra tât, mâm phung ƀon lan jêng kôranh nơm ƀư brah kơt nây lĕ; Gâp mra tâm rmal khân păng yor trong khân păng hăn, Jêh ri har plơng tĭng nâm kan păng ƀư.

Ndrom Samƀŭt bơh Ôsê 5:6

Khân păng mra hăn ndrel ma phung biăp phung ndrôk khân păng Gay tĭng joi Brah Yêhôva, Ƀiălah khân păng mâu dơi mâp Păng ôh! Păng hŏ chalơi jêh khân păng.

Ndrom Samƀŭt bơh Ôsê 6:6

Yorlah Gâp ŭch nuih n'hâm nau yô̆ mâu di ôh mpa ƀư brah, Ŭch nau gĭt năl Brah Ndu lơn đah ndơ ƀư brah gŭch.

Ndrom Samƀŭt bơh Ôsê 7:11

Êphraim jêng nâm bu plŭk Rluk, mâu geh nau blau mĭn; Khân păng vơh vơl ma n'gor bri Êjipt, jêh nây hăn tât ma bri Asiri.

Ndrom Samƀŭt bơh Ôsê 7:16

Khân păng mâu rle mpeh ma Nơm Dŭt Prêh Klơ; Khân păng nâm bu na lĕ djơh jêh, Phung kôranh khân păng cha lôt yor ma đao Yorlah mpiăt khân păng luh nau ngơi ji nuih ngăn. Khân păng jêng ndơ bu gơm mưch Tâm n'gor bri Êjipt.

Ndrom Samƀŭt bơh Ôsê 7:2

Khân păng mâu mĭn êng tâm nuih n'hâm Gâp kah gĭt lĕ rngôch nau mhĭk khân păng. Aƀaơ aơ kan tih mhĭk khân păng nchueng khân păng nơm, Gŭ panăp Gâp.

Ndrom Samƀŭt bơh Ôsê 9:6

Nđâp tơlah khân păng klaih bơh nau ƀư rai, Êjipt mra rgum khân păng, Jêh ri Mêmphis mra tâp brôi khân păng. Pih pŭm mra nkŭm ta klơ lĕ ndơ khân păng ƀư ma prăk dŭt khlay, Pôm lok mra hon chăt tâm ngih bok khân păng.

Ndrom Samƀŭt bơh Ôsê 9:7

Lĕ nar tâm rmal lĕ tât jêh, Lĕ nar phat dôih hŏ tât jêh! Israel mra gĭt nau aơ. Nơm mbơh lor jêng du huê rluk, Bunuyh geh brah huêng jêng rluk, Yor nau tih mhĭk may âk ngăn Jêh ri nau ji nuih may toyh ngăn.

Ndrom Samƀŭt bơh Ôsê 9:9

Khân păng lĕ rlâm rai jru hâu ngăn Nâm bu tâm lĕ nar Gibêa. Brah Ndu mra kah gĭt tay nau tih mhĭk khân păng, Jêh ri mra tâm rmal nau tih khân păng.

Amôt 3:2

Gâp knŏng gĭt khân may dơm Tâm lĕ rngôch phung băl mpôl bunuyh ta neh ntu; Yor nây, Gâp mra tâm rmal khân may Yor lĕ nau kue khân may.

Amôt 5:22

Nđâp tơlah khân may nhhơr ma Gâp ndơ ƀư brah gŭch jêh ri ndơ ƀư brah rnih môi, Gâp mâu mra dơn ôh ndơ nây; Gâp mâu treng uănh ôh ma lĕ mpô mpa lay khân may dŏng ƀư ndơ ƀư brah ma nau đăp mpăn.

Amôt 8:7

Brah Yêhôva sŏk nau chrêk rmah bơh Y-Yakôb jêh ri sơm ton pô aơ: “N'hêl nanê̆ Gâp mâu mra chuêl ôh lĕ nau kan khân may ƀư!

Luka 12:2

Mâu geh moh ndơ pôn mo bu mâu mpơl jêh ri mâu geh moh ndơ ndâp bu mâu ăn bu gĭt.

I Kôrintô 11:20

Tơlah khân may tâm rƀŭn mâu di khân may râng Nhêt Sa Tâm Êp Kôranh Brah ôh.

I Kôrintô 11:29

Yorlah mbu nơm sa piăng let mâu lah nhêt kachok aơ blă blơ, păng mâu kơp ndơ nây jêng săk jăn Kôranh Brah. Pôri păng dơn nau bu phat dôih dôl păng nhêt sa.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

Nau Vay Nkah Tay 28:68

Brah Yêhôva mra njŭn khân may plơ̆ tay ta n'gor Êjipt ma kumpăn, ma trong gâp hŏ tă lah jêh, khân may mâu hôm saơ păng ôh. Ta nây khân may mra tăch khân may nơm ƀư dĭk ma phung rlăng, ƀiălah mâu geh ôh nơm rvăt.”

Nau Tâm Mpơl 16:19

Ƀon dŭt toyh tâm pă jêng pe; bi lĕ ƀon toyh tâm ntil mpôl bunuyh rlâm lĕ. Brah Ndu kah gĭt ma ƀon Babilôn dŭt toyh, gay ma ăn păng nhêt kachok ndrănh nau Păng ji nuih hâu ngăn.

I Samuel 15:22

Y-Samuel lah: “Brah Yêhôva mâu prot maak ma ndơ ƀư brah gŭch jêh ri ma lĕ mpa ƀư brah, Ban nau tông bâr Brah Yêhôva? Pôri, nau tông bâr jêng ueh lơn đah mpa ƀư brah, Ma nau iăt tĭng jêng ueh lơn đah ngi biăp nkuăng.