Ndrom Samƀŭt bơh Ôsê 8:10 - Nau Brah Ndu Ngơi 2023

¹⁰ Nđâp tơlah khân păng nkhôm âk gay tâm rnglăp đah lĕ bri dak Pôri abaơ ăt Gâp mra tâm rgum khân păng. Gay mâu jŏ đŏng ôh khân păng ntơm râm nsâr Tâm dâng bơh hađăch jêh ri phung kôranh chiă uănh.

Ndrom Samƀŭt bơh Ôsê 8:10 Iomraidhean Croise

II Phung Hađăch 14:26

Yorlah Brah Yêhôva saơ jêh nau rêh ni phung Israel jêng nđêh nji ngăn; mâu hôm om du huê nuyh, nđâp lah dĭk bu mâu lah nau kon me, kŏ mâu geh lĕ nơm kơl sâm rklaih phung Israel.

II Phung Hađăch 17:3

Hađăch Asiri jêng Y-Salmanêser hăn hao tâm lơh đah Y-Hôsêa, ƀư ăn păng tông bâr jêh ri chê̆ pi ma Y-Salmanêser.

II Phung Hađăch 17:4

Ƀiălah hađăch Asiri saơ Y-Hôsêa nchră nau tâm rdâng; yorlah păng hŏ prơh phung mbơh hăn tât ma Y-Sô, hađăch Êjipt, jêh ri mâu chê̆ pi ôh ma hađăch Asiri tâm ăp năm nâm bu saơm; yor nây hađăch Asiri nhŭp Y-Hôsêa nkông jêh ri krŭng păng tâm ndrung bu nă.

I Nau Rêh Jêng 5:26

Pôri, Brah Ndu Israel nsônh nau mĭn Y-Pul, hađăch bri dak Asiri, jêh ri Y-Tiglat-Pilêser, hađăch bri dak Asiri, hăn tât gay nhŭp phung ndŭl mpôl Ruben, Gat, jêh ri du n'gul ndŭl mpôl Manasê, njŭn khân păng tât ma ƀon Hala, ƀon Habôr, ƀon Hara, jêh ri nkual ta dăch dak krong Gôsan, jêng ntŭk khân păng hôm gŭ tât ma nar aơ.

Êsai 10:8

Yorlah păng lah: “Mâu di hĕ phung kôranh tahan gâp jêng hađăch da dê?

Êsai 30:2

Khân păng mâu ôp nau mĭn Gâp ôh Ƀiălah lŏ hăn trŭnh ta bri Êjipt, Gay joi ntŭk krap tâm nau n'gang bơh Pharaôn, Jêh ri nde tâm gui Êjipt!

Êsai 36:13

Jêh ri Y-Rabshakeh dâk, ngơi nter huy ma nau ngơi phung Yuđa: “Gŭ iăt hom nau hađăch toyh jêng hađăch bri Asiri!

Yêrêmi 42:2

văch tât da dê lah ma nơm mbơh lor Y-Yêrêmi: “Dăn may dơn hom nau ŭch dăn hên gay mbơh sơm ma Yêhôva Brah Ndu may ăn ma hên, jêng phung bunuyh hôm klen gŭ ta aơ. Nâm bu may saơ jêh, hên knŏng hôm e djê̆ dơm mâu geh âk tâm ban ma saơm.

Êsêkiêl 16:33

Lĕ rngôch phung bu ur văng tĭr dơn prăk nkhôm da dê, ƀiălah ay ăn ndơ ma lĕ rngôch tĭr ay, ndơ blŏl ăn ma khân păng gay khân păng tă bơh lam ntŭk văch tât ƀư nau văng tĭr đah ay.

Êsêkiêl 16:37

yor nây, aơ, Gâp mra rgum lĕ rngôch phung tĭr ay, đah phung nây ay geh nau maak, lĕ rngôch phung ay rŏng tâm ban ma lĕ rngôch phung ay tâm rmot. Gâp mra rgum khân păng tă bơh ăp ntŭk gay ma tâm rdâng đah ay, jêh ri Gâp mra mpơl nau ay rhôk ma khân păng ăn lĕ rngôch khân păng saơ.

Êsêkiêl 22:20

Tâm ban bu rgum prăk, kông, loih, ndrak gay krĕt tâm ŭnh năk jêh ri khôm ŭnh ta klơ ăn mâm nau lêk, pôri nau Gâp ji nuih, tâm ban nây lĕ Gâp mra rgum khân may jêh ri mƀăr khân may tâm ŭnh năk gay ƀư lêk tâm ban lĕ.

Êsêkiêl 23:5

H'Ôhôla ƀư nau văng tĭr dôl păng jêng ndơ ma Gâp. Păng hăn tĭng tĭr păng jêng ƀon lan Asiri, phung chiau meng păng.

Êsêkiêl 26:7

Yorlah Kôranh Brah Yêhôva lah: ‘Aơ, Gâp mra njŭn leo Nêbukatnetsar, hađăch Babilôn, jêng hađăch ma phung hađăch, nđâp ma phung seh, ndeh seh, phung tahan ncho seh, ndrel ma phung tahan âk râk, ktang tă bơh bri lơ văch tât lơh ƀon Tyre.

Daniel 2:37

Ơ hađăch, may jêng hađăch ma phung hađăch; Brah Ndu klơ trôk ăn jêh ma may ƀon bri hađăch, nau dơi, nau ktang jêh ri nau chrêk rmah.

Ndrom Samƀŭt bơh Ôsê 10:10

Gâp hŏ tâm nal phat dôih ma khân păng Phung ƀon lan mra tâm rgum gay tâm rdâng đah khân păng Tơlah bu tâm rmal jêh khân păng yor bar nau tih khân păng hŏ ƀư.

Ndrom Samƀŭt bơh Ôsê 12:2

Êphraim mât mray sial, Ăp nar nchuăt tĭng sail luh nar. Ntop âk nau mƀruh jêh ri nau djơh rai; Khân păng ƀư nau tâm rnglăp đah bri Asiri Jêh ri djôt dak ngi rlet ma n'gor bri Êjipt.

Ndrom Samƀŭt bơh Agê 2:6

Yorlah Brah Yêhôva ma phung tahan lah kơt aơ: ‘Hôm ƀât lât đŏng, Gâp mra ƀư n'gơ n'găr lĕ ndâr trôk jêh ri neh ntu, dak mƀŭt jêh ri neh sơh.