Ndrom Samƀŭt bơh Ôsê 7:8 - Nau Brah Ndu Ngơi 2023

⁸ “Êphraim tâm pot lai đah phung ƀon lan êng; Êphraim jêng du glo ƀănh mâu rlơ̆.

Ndrom Samƀŭt bơh Ôsê 7:8 Iomraidhean Croise

I Phung Hađăch 18:21

Y-Êli văch tât lor panăp phung ƀon lan jêh ri lah: “Khân may tâm nchrĭng hăn bar mbor kŏ tât ndah jŏ? Tơlah Brah Yêhôva jêng Brah Ndu, tĭng ndô̆ hom Păng; bi tơlah Baal jêng Brah Ndu, tĭng ndô̆ hom păng rĭ.” Ƀiălah phung ƀon lan mâu ngơi.

Êsra 9:1

Tơlah lĕ kan nây hŏ lôch jêh, phung kôranh chiă uănh văch tât ma gâp jêh ri lah: “Phung ƀon lan Israel, nđâp ma phung kôranh ƀư brah, jêh ri phung Lêvi mâu geh rêh nkhah ôh đah phung ntil mpôl bunuyh gŭ tâm n'gor, ƀiălah khân păng kơt tĭng lĕ nau vay ƀơ̆ ƀơch bơh phung Kanaan, phung Hitit, phung Pêrisit, phung Jêbusit, phung Ammôn, phung Môap, phung Êjipt, jêh ri phung Amôrit.

Êsra 9:12

Yor ri, lơi ăn văng ôh phung kon bu ur khân may đah phung kon bu klâu khân păng, mâu lĕ dơi sŏk phung kon bu ur khân păng đah phung kon bu klâu khân may. Mâu đŏng joi nau ndrŏng mâu lah nau đăp mpăn bơh khân păng, gay khân may dơi jêng ktang, sa kao play tâm n'gor, jêh ri gay n'gor nây ăn ma phung kon khân may ƀư drăp ndơn n'ho ro.’

Nau Mprơ Ơm 106:35

Ƀiălah tâm rlŭk đah phung ƀon lan nây, Ƀư tĭng lĕ kan khân păng ƀư.

Ndrom Samƀŭt bơh Ôsê 5:13

Tơlah Êphraim hŏ saơ jêh nau ji kuet păng, Jêh ri Yuđa hŏ saơ jêh nau sôt păng, Pôri Êphraim hăn tât ma bri Asiri, Prơh bu hăn tât ma nơm hađăch toyh ktang. Ƀiălah hađăch nây mâu dơi ƀư bah ôh Mâu lĕ dơi put săm ntŭk sôt ăn ma khân may.

Ndrom Samƀŭt bơh Ôsê 5:7

Khân păng hŏ mƀruh ndơm Brah Yêhôva Yorlah khân păng hŏ deh phung kon êng. Aƀaơ, nar khay mhe mra rvăn khân păng Ndrel ma drăp ndơn khân păng.

Ndrom Samƀŭt bơh Ôsê 7:9

Phung bu năch hŏ rvăn jêh lĕ n'hâm suan păng Ƀiălah păng mâu gĭt ôh! Sŏk klơ bôk hŏ hon nglang jêh, Ƀiălah păng mâu gĭt!

Ndrom Samƀŭt bơh Ôsê 9:3

Khân păng mâu mra gŭ tâm bri Brah Yêhôva ôh Ƀiălah Êphraim mra plơ̆ sĭt ma n'gor Êjipt Jêh ri mra sa ndơ sa ƀơ̆ ƀơch tâm bri Asiri.

Sôphôni 1:5

Gâp mra nkhĭt lĕ phung chon mbah ta klơ chor ngih Jêh ri yơk mbah ma tahan tâm trôk, Phung yơk mbah jêh ri sơm ton đah Brah Yêhôva, Jêh nây sơm ton đŏng yor tă hađăch khân păng,

Malachi 2:11

Phung Yuđa gŭ tâm nau mbruh, jêh ri hŏ ƀư jêh nau ƀơ̆ ƀơch tâm phung Israel jêh ri tâm ƀon Yêrusalem. Yuđa hŏ ƀư ƀơ̆ jêh jrô kloh ueh Brah Yêhôva rŏng, yorlah khân păng nkhơng ma gŭ ur sai đah kon bu ur brah bu năch.

Mathay 6:24

“Mâu geh mbu nơm dơi pah kan ma bar hê kôranh; yorlah mra tâm rmot ma kôranh aơ jêh ri rŏng ma kôranh ri, mâu lah yơk ma kôranh aơ jêh ri mưch ma kôranh êng. Khân may mâu dơi ôh pah kan ƀă ma Brah Ndu jêh ri pah kan ƀă ma prăk ndô ndơ ôh.