Ndrom Samƀŭt bơh Ôsê 7:7 - Nau Brah Ndu Ngơi 2023

⁷ Lĕ rngôch khân păng duh da dê nâm bu năk ŭnh Sa rvăn phung kôranh phat dôih khân păng. Lĕ rngôch phung hađăch khân păng lĕ rlâm tŭp da dê Mâu geh ôh du huê tâm phung khân păng kuăl mbơh sơm ma Gâp.

Ndrom Samƀŭt bơh Ôsê 7:7 Iomraidhean Croise

I Phung Hađăch 15:28

Tâm năm tơ̆ pe Y-Asa, hađăch Yuđa, Y-Baêsa nkhĭt lơi Y-Nadap jêh ri pit sŏk sưng hađăch.

I Phung Hađăch 16:18

Tơlah Y-Simri lĕ saơ jêh bu nchueng jŭm ƀon, păng lăp tâm trôm pôih nâp ngih hađăch, su lơi ngih hađăch ma ŭnh jêh ri păng khĭt ŭnh sa tâm nây.

I Phung Hađăch 16:22

Ƀiălah phung ƀon lan tĭng ndô̆ Y-Ômri dơi lơn đah phung ƀon lan tĭng ndô̆ Y-Tipni, kon bu klâu Y-Ginat. Pônây Y-Tipni khĭt jêh ri Y-Ômri chiă uănh.

II Phung Hađăch 10:14

Y-Jêhu lah: “Nhŭp hom khân păng!” Bu nhŭp rêh jêh ri nkhĭt phung nây ta du ntu brŏng ta ƀon Bet-Êket, lĕ rngôch jêng puăn jât ma bar nuyh, jêh ri păng mâu om klen du huê bunuyh.

II Phung Hađăch 10:7

Tơlah dơn samƀŭt nây, khân păng nhŭp ro jêh ri nkhĭt lơi pơh jât phung kon bu klâu Y-Ahap, jêh nây dơm bôk khân păng tâm lĕ bĭ jêh ri njuăl bôk nây ma Y-Jêhu ta ƀon Jesrêel.

II Phung Hađăch 15:10

Y-Salum, kon bu klâu Y-Jabes, nchră nau tâm rdâng đah hađăch. Păng rduh lơh hađăch tanăp măt phung ƀon lan, jêh nây nkhĭt hađăch jêh ri pit sŏk sưng hađăch.

II Phung Hađăch 15:14

Y-Mênahem, kon bu klâu Y-Gađi, tă bơh Tirsa hao tât ta Samari lơh Y-Salum, kon bu klâu Y-Jabes, tâm ƀon Samari jêh ri nkhĭt hađăch, jêh nây Y-Mênahem hao ƀư hađăch ntrok Y-Salum.

II Phung Hađăch 15:25

Du huê kôranh chiă uănh ma phung tahan Y-Peka, kon Y-Rêmalia, nchră nau tâm rdâng đah păng jêh ri lơh nkhĭt păng tâm ƀon Samari, tâm pôih nâp ngih hađăch, nkhĭt lĕ Y-Argôp jêh ri Y-Ariêh. Y-Pêka djôt leo ndrel prăm jât bunuyh Gilêat, păng nkhĭt Y-Pekahia jêh ri pit sŏk sưng hađăch.

II Phung Hađăch 15:30

Nôk nây, kon Y-Êla jêng Y-Hôsêa nchră nau tâm rdâng đah hađăch Pêka, kon Y-Rêmalia, jêh ri dong nkhĭt hađăch, jêh nây pit sŏk sưng hađăch, di tâm năm rơh bar jât rnôk rô̆ hađăch Jôtham, kon Y-Usia chiă uănh.

II Phung Hađăch 9:24

Y-Jêhu van na dôl djôt tâm ti, pănh Y-Jôram di ta n'gul bar săng nglik. Hăr rho sôr play nuih păng, ƀư ăn păng cha lôt tâm ndeh seh păng.

II Phung Hađăch 9:33

Păng lah: “Mƀăr hom păng tŭp ta neh!” Khân păng mƀăr păng tâm neh, ƀaƀă mham mprănh ta mpir jêh ri ta seh, jêh ri jâng seh jot klơ păng.

Ndrom Samƀŭt bơh Yôp 36:13

Nuih n'hâm phung mâu chroh rŏng ma nau ji nuih; Lah geh Păng kât se rvăk mâu đŏng nter gay ăn bu kơl an.

Nau Mprơ Ơm 14:4

Di lĕ rngôch phung djơh mhĭk mâu gĭt rbăng da dê? Khân păng sa rvăn phung ƀon lan Gâp tâm ban ma sa ƀănh, Jêh ri mâu mâp kuăl mbơh sơm ma Brah Yêhôva.

Êsai 43:22

Ƀiălah ơ Yakôb, may mâu mâp kuăl mbơh Gâp ôh! Ơ phung Israel, may dĭl jêh đah Gâp!

Êsai 64:4

Bơh rnôk ơm, bu mâu mâp tăng ôh, Tôr mâu mâp tăng, măt mâu mâp saơ, Rlau ma May, Mâu geh Brah Ndu êng ôh, Nơm hŏ pah kan kơl kơt nĕ ma phung gŭ kâp Păng.

Êsai 64:6

Lĕ rngôch hên jêng jêh tâm ban ma ndơ ƀơ̆ ƀơch, Lĕ kan sŏng srăng hên jêng tâm ban ma bok ao ƀơ̆ jêh; Lĕ rngôch phung hên nhop kro tâm ban ma n'ha si, Jêh ri nau kue hên khôm rdu hên tâm ban ma sial.

Êsai 64:7

Mâu geh nơm kuăl mbơh sơm ma amoh May, Mâu lah nsrôih kuăn May; Yorlah May pôn jêh muh măt bơh hên, Gay ma hên rai lôch tâm nau kue hên.

Êsai 9:13

Yor nây, knŏng tâm du nar, Brah Yêhôva mra koh lơi bơh phung Israel Nđâp bôk jêh ri chiăng, nđâp ma n'gĭng tơm jŏk ndrel ma tơm rpho.

Êsêkiêl 22:30

Gâp joi jêh du huê bunuyh ta nklang khân păng gay ndâk tay mpêr ƀon toyh, yorlah neh gŭ dâk ta ntŭk lĕ đang chah tanăp Gâp gay ma Gâp mâu ƀư rai păng ôh; ƀiălah Gâp joi mâu dơi geh du huê bunuyh.

Daniel 9:13

Lĕ rngôch nau mhĭk aơ ăn tât jêh ta klơ hên di nâm bu nchih jêh tâm nau vay Y-Môis. Nđâp tơlah pônây, hên ăt mâu vơl dăn ôh nau yô̆ bơh Yêhôva Brah Ndu hên gay chalơi nau djơh mhĭk jêh ri rle nuih n'hâm ma nau răp jăp May.

Ndrom Samƀŭt bơh Ôsê 13:10

Aƀaơ aơ ta ntŭk hađăch may? Gay ăn păng sâm rklaih may tâm lĕ rngôch ƀon toyh! Phung kôranh phat dôih jêng phung may kâp dơi geh pô aơ: “Ăn hom ma gâp du huê hađăch jêh ri phung kôranh!” Ta ntŭk khân păng?

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Ndrom Samƀŭt bơh Ôsê 7:10

Nau sưr Israel plơ̆ mbơh ma păng; Nđâp tơlah pônây, khân păng ăt mâu plơ̆ sĭt ôh ndrel ma Yêhôva Brah Ndu khân păng, Jêh ri mâu tĭng joi Păng tâm ban lĕ!

Ndrom Samƀŭt bơh Ôsê 7:14

Khân păng mâu lĕ nuih n'hâm kuăl mbơh sơm ma Gâp, Ƀiălah gŭ nter klơ sưng bê̆ch khân păng; Khân păng rek tor êng khân păng nơm gay dăn ba ƀlê jêh ri ndrănh mhe; Khân păng ƀư rlăng ma Gâp.

Ndrom Samƀŭt bơh Ôsê 8:4

Khân păng hŏ njêng hađăch mâu geh tă bơh Gâp, Săch phung kôranh chiă uănh ƀiălah Gâp mâu gĭt ôh. Khân păng sŏk prăk mah khân păng ƀư rup brah Gay ma bu ƀư rai khân păng.

Mika 2:1

Rêh ni ngăn ma phung nchră ŭch ƀư nau mhĭk Jêh ri mĭn ŭch ƀư nau tih gŭ ta klơ gre bê̆ch păng! Tât ang ôi, khân păng ƀư ro nau ŭch mĭn Yorlah khân păng geh nau dơi ƀư tâm ti!