Ndrom Samƀŭt bơh Ôsê 7:4 - Nau Brah Ndu Ngơi 2023

⁴ Lĕ rngôch khân păng jêng phung văng tĭr da dê, Nâm bu năk ŭnh gŭch nđông ƀănh ŭnh sa, Phung gŭch nđông ƀănh rlu ntrôt ŭnh Ntơm bơh piăch rnih kŏ tât nôk rnih ră ndrui.

Ndrom Samƀŭt bơh Ôsê 7:4 Iomraidhean Croise

Yêrêmi 23:10

Bri dak bêng ma phung văng tĭr; Geh nau rak rtăp rĭ dĭng bri dak geh nau rngot rvê, Lĕ rngôch ndrêch gơ̆ tâm bri rdah kro da dê jêh. Trong khân păng hăn jêng nau kue, Nau dơi khân păng djôt jêng nau mâu di.

Yêrêmi 9:1

Ơ! Ŭch ma bôk gâp jêng dak n'hor, Măt gâp jêng tu dak măt, Gâp mra nhĭm ndăng nar măng Ăn phung bunuyh bu nkhĭt kon bu ur ƀon lan gâp!

Yêrêmi 9:2

Ơ! ndă lah gâp geh du ntŭk njưh Tâm bri rdah, Gay gâp chalơi phung ƀon lan gâp Du ngai bơh khân păng. Yorlah khân păng jêng phung văng tĭr da dê, Jêng mpôl ndơm.

Ndrom Samƀŭt bơh Ôsê 4:10

Khân păng mra sông sa ƀiălah mâu hơm ôh, Khân păng ƀư nau văng tĭr ƀiălah mâu bĭk rơ̆ lĕ; Yorlah khân păng lĕ chalơi jêh Brah Yêhôva, Hăn tĭng phung brah êng.

Ndrom Samƀŭt bơh Ôsê 4:12

Phung ƀon lan Gâp ôp rup trah ma tơm si, Dăn mâng jra plơ̆ sĭt lah. Yorlah bên ka n'hong ƀư vĭ nhhơt ma khân păng, Khân păng rêh văng tĭr, gŭ ngai đah Brah Ndu.

Ndrom Samƀŭt bơh Ôsê 4:2

Knŏng bêng ma nau rak rtăp, mâu răp jăp, nkhĭt bunuyh, Nau ntŭng jêh ri văng tĭr; Khân păng ƀư lĕ nau pling mham aơ tât ma nau pling mham êng.

I Kôrintô 5:6

Nau khân may sưr rlau mâu geh nau ueh ôh. Khân may mâu gĭt hĕ ndrui djê̆ lê̆ dơi ƀư ră mbŭch rnih?

Yakơ 4:4

Nĕ lĕ bunuyh văng tĭr ri! Khân may mâu gĭt hĕ ƀư băl đah neh ntu jêng tâm rlăng đah Brah Ndu? Yor nây, mbu nơm ŭch ƀư băl đah neh ntu, bunuyh nây jêng nơm rlăng đah Brah Ndu.