Ndrom Samƀŭt bơh Ôsê 7:16 - Nau Brah Ndu Ngơi 2023

¹⁶ Khân păng mâu rle mpeh ma Nơm Dŭt Prêh Klơ; Khân păng nâm bu na lĕ djơh jêh, Phung kôranh khân păng cha lôt yor ma đao Yorlah mpiăt khân păng luh nau ngơi ji nuih ngăn. Khân păng jêng ndơ bu gơm mưch Tâm n'gor bri Êjipt.

Ndrom Samƀŭt bơh Ôsê 7:16 Iomraidhean Croise

Nau Mprơ Ơm 12:3

Brah Yêhôva mra ƀư rai lĕ rngôch bâr mbung ngơi nklă Jêh ri mpiăt ngơi sưr rlau ir

Nau Mprơ Ơm 12:4

Ma phung lah pô aơ: “He mra dơi yor ma mpiăt he nơm; Bâr mbung he jêng ndơ he; mbu nơm jêng kôranh he?”

Nau Mprơ Ơm 12:5

Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Mprơ Ơm 17:10

Khân păng nchăng nâp nuih n'hâm khân păng nơm; Bâr mbung khân păng sưr rlau.

Nau Mprơ Ơm 52:2

May nchră ŭch ma nau ƀư rai. Mpiăt may tâm ban ma pêh poih hơr, Mbơh huy lĕ nau ndơm bu.

Nau Mprơ Ơm 57:4

Huêng gâp gŭ tâm nklang phung yau mŭr; Bê̆ch tâm nklang phung mpa bri sa puăch nuyh. Geh sêk tâm ban ma chiông tak, hăr Jêh ri mpiăt khân păng hơr tâm ban ma du mlâm đao.

Nau Mprơ Ơm 73:9

Bâr mbung ngơi kek tât ta klơ trôk Bi ma mpiăt phong bunuyh ta neh ntu.

Nau Mprơ Ơm 78:37

Nuih n'hâm khân păng mâu jêng nâp ôh đah Brah Ndu, Khân păng mâu đŏng gŭ răp jăp đah nau Brah Ndu tâm rnglăp.

Nau Mprơ Ơm 78:57

Ƀiălah khân păng rŭch jêh ri mâu răp jăp nâm bu phung chô yau khân păng; Khân păng kue kuăt nâm bu na geh nau kue.

Êsai 3:8

Yorlah ƀon Yêrusalem nkêng cha lôt Jêh ri bri Yuđa mra rlâm rai, Yorlah nau ngơi jêh ri kan pah khân păng tâm rdâng đah Brah Yêhôva da dê, Tâm rdâng panăp nau mpơl muh măt chrêk rmah Păng.

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Yêrêmi 3:10

Tât pônây jêh oh bu ur mâu răp jăp păng jêng Yuđa ăt mƀruh nchơt, mâu lĕ nuih n'hâm plơ̆ sĭt ndrel ma Gâp.” Brah Yêhôva lah pô aơ.

Yêrêmi 42:18

N'hêl nanê̆ yơh, Brah Yêhôva ma phung tahan, Brah Ndu Israel, lah: ‘Nâm bu Gâp hŏ nkhŭt jêh nau nuih jêh ri nau ji nuih ma phung gŭ tâm ƀon Yêrusalem, lah khân may hăn rlet ma bri Êjipt, Gâp mra nkhŭt nau ji nuih Gâp ma khân may tâm ban lĕ. Khân may mra jêng ndơ bu suai rak jêh ri nau klach krit, nau rak rtăp jêh ri nau bêk prêng. Khân ay may mâu mra hôm saơ ntŭk aơ đŏng ôh.’

Êsêkiêl 23:32

Kôranh Brah Yêhôva lah: ‘Ay mra nhêt kachok nur ay Jêng kachok jru jêh ri toyh Dơi prăp âk ngăn; Bu mra gơm mưch ntêh rmot ay.

Êsêkiêl 36:20

Ntŭk khân păng hŏ tât jêh tâm lĕ bri dak, khân păng hŏ ƀư tih đah amoh kloh ueh Gâp da dê, kŏ tât bu lah ma khân păng pô aơ: ‘Nây jêng phung ƀon lan Brah Yêhôva ƀiălah lĕ bu mprơh khân păng hăn du tă bơh bri Brah Yêhôva!’

Daniel 7:25

Hađăch aơ mra ngơi djơh ma Nơm Dŭt Prêh, Ƀư huănh hươi phung kloh ueh Nơm Dŭt Prêh. Hađăch ŭch mĭn rgâl rnôk jêh ri nau vay. Phung kloh ueh bu mra jao tâm ti hađăch nây Kŏ tât du gưl, bar gưl jêh ri n'gul gưl.

Ndrom Samƀŭt bơh Ôsê 11:5

Khân păng mâu mra plơ̆ sĭt ma n'gor bri Êjipt đŏng ôh, Ƀiălah phung Asiri mra ƀư hađăch ma khân păng, Yorlah khân păng mâu ŭch plơ̆ sĭt ma Gâp.

Ndrom Samƀŭt bơh Ôsê 11:7

Ngăn yơh phung ƀon lan Gâp ŭch chalơi Gâp; Nđâp tơlah khân păng kuăl ma Nơm Dŭt Prêh Păng ăt mâu rdâk khân păng dâk.

Ndrom Samƀŭt bơh Ôsê 6:4

Mâm Gâp mra ƀư ma may, hơi Êphraim? Mâm Gâp mra ƀư ma may, hơi Yuđa? Nau rŏng khân may ăn Ma Gâp tâm ban ma ndâr ntŭk nkân ang ôi, Nâm bu dak ngom gơnh sơh.

Ndrom Samƀŭt bơh Ôsê 7:13

Rêh ni ngăn ma khân păng, Yorlah khân păng chalơi Gâp! Khân păng khư bu ƀư rai, Yorlah tâm rdâng jêh đah Gâp! Gâp yơh, Gâp ŭch tâm rklaih khân păng, Ƀiălah khân păng sŏk nau mƀruh tâm rđâng đah Gâp.

Ndrom Samƀŭt bơh Ôsê 9:3

Khân păng mâu mra gŭ tâm bri Brah Yêhôva ôh Ƀiălah Êphraim mra plơ̆ sĭt ma n'gor Êjipt Jêh ri mra sa ndơ sa ƀơ̆ ƀơch tâm bri Asiri.

Ndrom Samƀŭt bơh Ôsê 9:4

Khân păng mâu mra kêt ndrănh ndơ nhhơr nhêt ma Brah Yêhôva đŏng ôh, Lĕ mpa ƀư brah khân păng ăt mâu mra ƀư maak nuih n'hâm Păng. Ƀănh khân păng mra jêng nâm bu ƀănh ngih geh rngot ndrê, Mbu moh sa mra jêng ƀơ̆ ƀơch da dê; Yorlah ƀănh khân păng knŏng prăp ma khân păng nơm bah ji ngot, Mâu dơi djôt lăp ôh tâm ngih Brah Yêhôva.

Ndrom Samƀŭt bơh Ôsê 9:6

Nđâp tơlah khân păng klaih bơh nau ƀư rai, Êjipt mra rgum khân păng, Jêh ri Mêmphis mra tâp brôi khân păng. Pih pŭm mra nkŭm ta klơ lĕ ndơ khân păng ƀư ma prăk dŭt khlay, Pôm lok mra hon chăt tâm ngih bok khân păng.

Malachi 3:13

Brah Yêhôva lah: “Khân may hŏ sŏk jêh nau ngơi brơl ŭch tâm rdâng đah Gâp.” Ƀiălah khân may lah: “Hŏ geh hên ngơi tâm rdâng đah May?”

Malachi 3:14

Khân may hŏ lah: “Mâu khlay ôh pah kan ma Brah Ndu! Moh ndơ khlay ma hên, lah hên tông nau Păng ntăm, mâu lah chuat hăn ma nau rngot klâng tanăp măt Brah Yêhôva ma phung tahan?

Mathay 12:36

Ƀiălah Gâp mbơh ma khân may, tâm nar phat dôih, bu mra mbơh lĕ rngôch nau păng ngơi mâu khlay.

Luka 8:13

Lĕ grăp tŭp ta klơ lŭ jêng phung iăt nau Brah Ndu ngơi ma nau maak sŏk dơn ro, ƀiălah mâu geh reh ôh, chroh nsing knŏng ƀât lât, rĭ dĭng nôk geh nau rlong uănh khân păng tŭp.

Yakơ 3:5

Tâm ban lĕ, mpiăt jêng ndơ jê̆ tâm săk jăn, ƀiălah păng ngơi hưn lĕ nau toyh. Du mprănh ŭch jê̆ mra hit dơi sa lĕ krŏng toyh!

II Pêtrôs 2:8

(yorlah bunuyh sŏng srăng aơ gŭ rêh ta nklang khân păng, ăp nar huêng sŏng srăng păng klâng rngot tă bơh lĕ nau kan mâu geh nau vay khân păng),

Nau Tâm Mpơl 13:5

Bu ăn ma mpô mpa dŭt janh mbung ngơi lĕ nau ngơi ƀlăch ƀlêr, sưr rlau; bu ăn ma păng dơi vay ƀư nau ktang tâm puăn jât ma bar khay.