Ndrom Samƀŭt bơh Ôsê 6:9 - Nau Brah Ndu Ngơi 2023

⁹ Nâm bu phung ntŭng gŭ moch du huê bunuyh hăn rgăn, Tâm ban lĕ phung kôranh ƀư brah nkhĭt bunuyh, Rŏ trong hăn tât ma ƀon Sichem, Khân păng ƀư âk hâu ngăn nau djơh mhĭk!

Ndrom Samƀŭt bơh Ôsê 6:9 Iomraidhean Croise

Nau Ntơm 12:6

Y-Abram hăn lam n'gor nây, tât ntŭk geh tơm guyh ta Môrê tâm Sichem. Nôk nây, phung Kanaan hôm gŭ tâm n'gor nây.

I Phung Hađăch 12:25

Y-Jêrôbôam ŭch ndâk ƀon Sichem tâm n'gor klơ dor yôk Êphraim jêh ri gŭ ta nây. Jêh nây hađăch luh tă bơh ƀon nây gay ndâk ƀon Pênuel.

Êsra 8:31

Nar jât ma bar khay nguay, hên hăn ntơm tă bơh dak krong Ahava ŭch hăn tât ma Yêrusalem. Ti Brah Ndu hên rgong hên, jêh ri Păng tâm rklaih hên tă bơh ti phung rlăng jêh ri phung ntŭng njŏ trong.

Yêrêmi 11:9

Brah Yêhôva lah ma gâp: “Hŏ geh nau nchră tâm rdâng phung đah Yuđa jêh ri phung ƀon lan gŭ ta ƀon Yêrusalem.

Êsêkiêl 22:25

Phung kôranh mbơh lor păng njêng nchră ta nklang păng nâm bu du mlâm yau mŭr gŭ ngrông dôl grang hêk mpa păng kăp; khân păng sa rvăn lĕ huêng, sŏk ntŭng drăp ndơ jêh ri ndơ khlay; ƀư ăn phung ndrô ntop âk tâm ƀon.

Êsêkiêl 22:27

Phung kôranh chiă uănh ta nklang păng nâm bu so bri hêk sa mpa; khân păng knŏng ŭch ƀư pling mham, ƀư roh lơi huêng gay geh drăp ndơ mâu sŏng.

Êsêkiêl 22:9

Ta ntŭk may, geh phung ngơi nchơt njêng nau ŭch pling mham; ta ntŭk may, geh phung ndrăp sông sa ta klơ lĕ rngôch yôk; ta nklang may, geh bunuyh ƀư tih văng tĭr.

Êsêkiêl 23:27

Pôri, Gâp mra mƀăr lơi nau ay văng tĭr jêh ri nau ka n'hong ay djôt leo jêh tă bơh n'gor bri Êjipt. Ay mâu mra n'gơr măt uănh khân păng jêh ri mâu hôm kah gĭt ma Êjipt đŏng ôh.’

Ndrom Samƀŭt bơh Ôsê 2:10

Rnôk nây Gâp mra tâm mpơl nau bêk prêng păng Tanăp măt phung rŏng păng, Jêh ri mâu geh bunuyh dơi tâm rklaih păng bơh ti Gâp.

Ndrom Samƀŭt bơh Ôsê 4:2

Knŏng bêng ma nau rak rtăp, mâu răp jăp, nkhĭt bunuyh, Nau ntŭng jêh ri văng tĭr; Khân păng ƀư lĕ nau pling mham aơ tât ma nau pling mham êng.

Ndrom Samƀŭt bơh Ôsê 5:1

“Hơi phung kôranh ƀư brah, iăt hom nau aơ; Hơi ngih Israel, rkêng tôr iăt hom; Hơi ngih hađăch, iăt hom! Nau tâm rmal prăp ma khân may Yorlah khân may hŏ jêng dăk bu sân ta ƀon Mispa Jêh ri nhuăl bu drăng ta yôk Tabor.

Ndrom Samƀŭt bơh Ôsê 5:2

Phung tâm rdâng hŏ ngâm jru tâm nau tâm nkhĭt; Ƀiălah Gâp mra tâm rmal lĕ rngôch khân păng.

Ndrom Samƀŭt bơh Ôsê 7:1

Tơlah Gâp ŭch ƀư bah ăn ma Israel Pôri nau tih Êphraim Jêh ri nau djơh mhĭk phung Samari hŏ mpơl jêh. Yorlah khân păng ƀư ma nau mƀruh, Phung ntŭng lăp tâm trôm Jêh ri phung kâp pit ƀư rai padih.

Mika 3:9

Hơi phung kôranh ngih Yakôb Jêh ri phung chiă uănh ngih Israel, iăt hom nau aơ, Khân may tâm rmot nau di Jêh ri ƀư rai yot lơi nau tâm ban.

Mika 7:2

Bunuyh klach yơk hŏ roh jêh bơh neh ntu; Mâu hôm geh ôh nơm sŏng tâm phung bunuyh. Khân păng kâp rmiăt ŭch ƀư pling mham da dê; Ăp nơm sŏk nhuăl da dê nthăng ma oh nâu păng nơm.

Sôphôni 3:3

Phung kôranh tâm ƀon toyh Nâm bu yau mŭr ngrông huy; Phung kôranh phat dôih păng nâm bu so bri dôl măng, Khân păng mâu têm om ôh tât kêng ôi.

Markôs 14:1

Hôm bar nar ma tât rƀŭn Nau Găn jêh ri rƀŭn Piăng Let Mâu Geh Ndrui, phung kôranh ƀư brah toyh jêh ri phung kôranh nchih samƀŭt joi trong gay nhŭp jêh ri nkhĭt Brah Yêsu.

Yôhan 11:47

Yor ri, phung Kôranh ƀư brah toyh jêh ri phung Pharisi rgum Mpôl Kôranh Phat Dôih, jêh ri lah pô aơ: “Mâm he mra ƀư? Bunuyh nây ƀư âk ir nau mbên khlay.

Kôranh Oh Mon 4:24

Jêh tăng, khân păng du nuih n'hâm mbơh sơm nteh ma Brah Ndu pô aơ: “Ơ Kôranh Brah, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây,