Ndrom Samƀŭt bơh Ôsê 6:8 - Nau Brah Ndu Ngơi 2023

⁸ Gilêat jêng du rplay ƀon phung ƀư nau mhĭk, Rplay ƀon bêng ma têl mham.

Ndrom Samƀŭt bơh Ôsê 6:8 Iomraidhean Croise

II Samuel 20:8

Tơlah khân păng tât dăch lŭ toyh ƀon Gibêôn, saơ Y-Amasa hăn tâm mâp đah khân păng. Y-Jôap nsoh jêh kho ao tahan, geh rse vân bŭt cheng du mlâm đao geh ndrop. Dôl păng chuat hăn rlet panăp, đao nây tŏk jêh tă tâm ndrop.

II Samuel 3:27

Tơlah Y-Apner plơ̆ đŏng tât jêh ta Hêbron, Y-Jôap djôt leo păng êng ta mpông ƀon, nâm bu ŭch nkoch bri đah păng ma nau kan ndâp. Ta nây, Y-Jôap ntâp ta ndŭl Y-Apner, jêh ri nkhĭt lơi păng gay mplơ̆ rnon mham oh Y-Apner jêng Y-Asahel.

I Phung Hađăch 2:5

May hŏ gĭt đŏng ma lĕ nau Y-Jôap, kon bu klâu H'Sêruya, hŏ ƀư jêh ma gâp, nau păng hŏ ƀư đah bar hê kôranh chiă uănh tahan Israel jêng Y-Apner kon bu klâu Y-Ner, jêh ri Y-Amasa, kon Y-Jêther. Păng hŏ nkhĭt bar hê kôranh nây, ƀư nkhŭt mham khân păng tâm rnôk đăp mpăn nâm bu tâm rnôk nau tâm lơh, jêh ri hŏ ƀư mham nây krêp ta rse vân bŭt păng jêh ri ta ntâu jot păng ta jâng.

Nau Mprơ Ơm 10:8

Păng gŭ rmoch kâp tâm ntŭk lĕ ƀon jê̆, Nde krap ta ntŭk ngo gay nkhĭt bunuyh mâu geh nau tih. Măt păng uănh joi jŭm phung rêh ni.

Nau Mprơ Ơm 141:4

Lơi ăn nuih n'hâm gâp rle mpeh ma nau mhĭk ôh Gay ƀư nau djơh mhĭk ndrel phung ƀai; Jêh ri lơi ăn gâp sa ndơ kah khân păng.

Nau Mprơ Ơm 59:2

Tâm rklaih gâp bơh phung ƀư mhĭk, Jêh ri bơh phung ji hir mham.

Êsai 59:6

Ntâu khân păng mâu dơi dŏng ƀư bok ao ôh, Mâu lĕ khân may dơi nsoh ndơ khân păng tanh jêh; Nau kan khân păng jêng kan nau mhĭk, Kôp ti khân păng bêng ma nau ƀai.

Yêrêmi 11:19

Bi gâp, nâm bu du mlâm kon biăp rdơ̆ rbăn Bu têk leo tât ntŭk bu sreh nkhĭt. Gâp mâu gĭt khân păng ŭch nchră tâm rdâng ma gâp. Khân păng lah: “Ƀư rai hom nđâp ma tơm jêh ri play, Mƀăr lơi păng bơh neh phung gŭ rêh, Gay mâu hôm nơm nkah tât amoh păng đŏng ôh.”

Ndrom Samƀŭt bơh Ôsê 12:11

Gâp tâm ban lĕ hŏ lah jêh ma phung nơm mbơh lor; Gâp yơh hŏ ăn âk tơ̆ lĕ nau tâm saơ. Dŏng phung nơm mbơh lor Ntĭm nti ma nau ngơi hôr.

Ndrom Samƀŭt bơh Ôsê 12:12

Gilêat bêng nau djơh mhĭk, N'hêl nanê̆ khân păng mra jêng dơm dam. Khân păng nhhơr ƀư brah ma ndrôk nkuăng tâm ƀon Gilgal, Lĕ nơng ƀư brah khân păng nâm bu bun lŭ Ta lĕ mbor chuar tâm mir.

Ndrom Samƀŭt bơh Ôsê 4:2

Knŏng bêng ma nau rak rtăp, mâu răp jăp, nkhĭt bunuyh, Nau ntŭng jêh ri văng tĭr; Khân păng ƀư lĕ nau pling mham aơ tât ma nau pling mham êng.

Ndrom Samƀŭt bơh Ôsê 5:1

“Hơi phung kôranh ƀư brah, iăt hom nau aơ; Hơi ngih Israel, rkêng tôr iăt hom; Hơi ngih hađăch, iăt hom! Nau tâm rmal prăp ma khân may Yorlah khân may hŏ jêng dăk bu sân ta ƀon Mispa Jêh ri nhuăl bu drăng ta yôk Tabor.

Mika 7:2

Bunuyh klach yơk hŏ roh jêh bơh neh ntu; Mâu hôm geh ôh nơm sŏng tâm phung bunuyh. Khân păng kâp rmiăt ŭch ƀư pling mham da dê; Ăp nơm sŏk nhuăl da dê nthăng ma oh nâu păng nơm.

Kôranh Oh Mon 25:3

dăn Phêtus ƀư ueh ma khân păng, ăn têk leo Y-Pôl plơ̆ sĭt ta ƀon Yêrusalem; yorlah khân păng ŭch gŭ kâp nkhĭt Y-Pôl rŏ trong.

Yôsuê 21:38

Bu sŏk đŏng bơh ndŭl mpôl Gat lĕ ƀon Ramôt tâm bri Gilêat, jêng ƀon du krap prăp ma nơm lăn lêh ti nkhĭt bunuyh, jêh ri lĕ ndrêch gơ̆ gŭ văr jŭm păng; ƀon Mahanaim jêh ri lĕ ndrêch gơ̆ gŭ văr jŭm păng;