Ndrom Samƀŭt bơh Ôsê 6:5 - Nau Brah Ndu Ngơi 2023

⁵ Yor ri, Gâp dŏng jêh phung nơm mbơh lor koh lơi khân păng; Gâp hŏ nkhĭt khân păng ma nau ngơi tă bơh trôm mbung Gâp, Nau Gâp phat dôih luh hăn nâm bu nau ang.

Ndrom Samƀŭt bơh Ôsê 6:5 Iomraidhean Croise

Nau Ntơm 18:25

May mâu ôh ƀư kơt nây! Mâu lah May ƀư rai phung sŏng ndrel ma phung djơh mhĭk, uănh phung sŏng srăng tâm ban ma phung djơh mhĭk ƀơh? Mâu ôh Kôranh Brah mâu ƀư kơt nây! Nơm phat dôih lĕ rngôch neh ntu mâm mâu ƀư ma nau di?”

I Phung Hađăch 14:6

Tơlah Y-Ahija tăng nteh jâng păng dôl chuat lăp ta mpông sâng, lah ro: “Hơi ur Y-Jêrôbôam, lăp hom. Mâm ay ƀư n'hi săk jêng du huê êng? Gâp sŏk dơn nau ntăm gay mbơh ma ay du nau mhĭk. Hăn sĭt hom lah đah Y-Jêrôbôam pô aơ

I Phung Hađăch 17:1

Y-Êli, bunuyh Tisbê, jêng du huê tâm phung gŭ njưh tâm n'gor Gilêat, lah ma Y-Ahap pô aơ: “Gâp dâk panăp Brah Yêhôva jêng Brah Ndu gŭ rêh mro mrăng ma phung Israel gay sơm ton pô aơ: Tâm âk năm jêh aơ, tơlah mâu geh nau gâp ngơi, mâu mra geh dak ngom, mâu đŏng geh tŭp mih.”

I Phung Hađăch 18:17

Tơlah Y-Ahap saơ Y-Êli, Y-Ahap ngơi đah păng: “Di lĕ may jêng nơm ƀư rkhŭk phung Israel?”

I Phung Hađăch 19:17

Mbu nơm klaih bơh đao Y-Hasael, Y-Jêhu mra nkhĭt păng, mbu nơm klaih bơh đao Y-Jêhu, Y-Êlisê mra nkhĭt păng.

II Phung Hađăch 1:16

Păng lah ma hađăch: “Brah Yêhôva lah kơt aơ: ‘Di lĕ tâm phung Israel mâu geh hĕ Brah Ndu gay ôp, mâm ƀư may prơh phung mbơh hăn ôp ma Baal-Sêbup, brah ƀon Êkron? Yor ri, may mâu mra dâk ôh tă bơh sưng may bê̆ch nây, yorlah may nanê̆ ngăn mra khĭt.’”

II Nau Rêh Jêng 21:12

Nơm mbơh lor Y-Êli njuăl samƀŭt ma Y-Jôram, lah pô aơ: “Yêhôva Brah Ndu Y-Đavit chô yau may, hŏ ntăm jêh: ‘Yorlah may mâu hăn tĭng ndô̆ trong Y-Jôsaphat, mbơ̆ may, mâu đŏng hăn tĭng trong Y-Asa, hađăch Yuđa,

Ndrom Samƀŭt bơh Yôp 15:30

Păng mâu dơi klaih ôh bơh nau ngo klĕng, Mpiăt ŭnh ƀư kro lơi nkeh păng N'hâm nsôr bơh mbung Brah Ndu mra rdu păng.

Ndrom Samƀŭt bơh Yôp 34:10

Yor nây, hơi phung gĭt rbăng, iăt hom nau gâp; Brah Ndu mâu mâp ôh ƀư nau djơh, Nơm Geh Lĕ Nau Brah mâu lĕ mâp ƀư tih.

Nau Mprơ Ơm 119:120

Nglay săk gâp râm sâr yor klach ma May, Gâp klach râm sâr đŏng gŭ tanăp nau May phat dôih.

Nau Mprơ Ơm 37:6

Păng mra njêng nau sŏng srăng may mpơl nâm bu nau ang. Jêh ri nau di may tâm mpơl nâm bu nôk nar.

Êsai 11:4

Ƀiălah Păng mra phat dôih tâm nau sŏng srăng ma phung mâu geh nau ktang, Jêh ri phat dôih nau sŏng ma phung rdơ̆ rbăn ta neh ntu. Păng mra dong neh ntu ma mâng jra bơh trôm mbung Păng, Jêh ri sŏk n'hâm bơh trôm mbung gay nkhĭt phung ƀai.

Êsai 58:1

“Nter huy hom, lơi têm ôh! Nter huy tâm ban ma du mlâm nŭng! Mbơh hom ma phung ƀon lan Gâp nau khân păng tâm rdâng, Jêh ri mbơh ma ngih Yakôb gĭt nau tih khân păng!

Yêrêmi 1:10

Uănh hom, nar aơ Gâp hŏ ndâk may djôt nau dơi đah lĕ mpôl bunuyh, lĕ bri dak, Gay may rôk tơm mâu lah ƀư rlâm, Ƀư rai mâu lah n'glưh lơi, Ndâk mâu lah brôi tăm.”

Yêrêmi 1:18

Aơ nar aơ, Gâp nơm ndâk may hao ƀư du rplay ƀon nâp ktang, ƀư n'gâng loih, mpêr kông gay rdâng ma lĕ n'gor aơ, tâm rdâng lĕ hađăch Yuđa, lĕ phung kôranh, lĕ kôranh ƀư brah, jêh ri phung ƀon lan tâm n'gor.

Yêrêmi 13:13

May mra lah tay: ‘Brah Yêhôva lah: Aơ, Gâp mra ƀư lĕ rngôch phung ƀon lan gŭ ta klơ neh aơ, phung hađăch gŭ ta sưng hađăch Đavit, phung kôranh ƀư brah, phung nơm mbơh lor, jêh ri lĕ rngôch phung ƀon lan Yêrusalem nhŭl ndrănh da dê.’

Yêrêmi 23:29

“Nau Gâp ngơi mâu di nâm bu ŭnh, nâm bu me nôp tôp nchah lŭ lĕ?” Brah Yêhôva lah pônây.

Yêrêmi 5:14

Yor nây, Yêhôva Brah Ndu ma phung tahan lah: “Yorlah khân may hŏ ngơi lĕ nau nây, Pô aơ, Gâp mra ƀư nau ngơi Gâp nâm bu ŭnh tâm mbung may, Ƀon lan aơ mra nâm bu long, jêh ri ŭnh nây mra sa rvăn khân păng.”

Êsêkiêl 11:4

Yor ri, mbơh lor hom nau tâm rdâng đah khân păng. Hơi kon bunuyh, mbơh lor hom!”

Êsêkiêl 3:9

Gâp ƀư ndăr kleng may dăng nâm bu lŭ diamôn, dăng lơn ma lŭ ŭnh. Lơi ta klach đah khân păng ôh, ăt mâu lĕ râm nsâr yor muh măt khân păng yorlah khân păng jêng ngih mơng vay tâm rdâng.”

Êsêkiêl 32:18

“Hơi kon bunuyh, nhĭm vơl hom ma ƀon lan bĭk rơ̆ bri Êjipt. Nklơ̆ lơi hom ƀon lan nây ndrel ma phung kon bu ur lĕ rngôch bri dak geh lư n'găr jŭr tâm ntŭk jru tâm dâng neh, ăn ma khân păng ndrel mrô nal ma phung hŏ jŭr jêh ma ntu jru!

Êsêkiêl 43:3

Nau tâm saơ gâp saơ rnôk nây tâm ban đah nau tâm saơ hŏ mpơl ma gâp tơlah Păng văch ƀư rai ƀon aơ. Păng tâm ban đah nau tâm saơ gâp hŏ tâm saơ ta kơh dak krong Kêbar jêh ri gâp păn muh măt ta neh.

Sôphôni 3:5

Brah Yêhôva gŭ ta nklang ƀon, jêng Nơm sŏng srăng, Păng mâu prot ƀư nau mhĭk ôh. Ăp ôi, Păng ƀư nau di tâm dâng nau ang, Mâu mâp roh hêng ôh; Ƀiălah bunuyh kue mâu gĭt prêng ôh.

Kôranh Oh Mon 7:31

Saơ pônây, Y-Môis saơ jêh ri hih rhâl ngăn ma nau tâm mpơl nây, yor ri păng hăn dăch gay ma uănh rah vah lơn, pô ri păng tăng bâr Kôranh Brah ngơi:

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

Êphêsô 6:17

Ndô hom môk nau tâm rklaih jêh ri djôt đao Brah Huêng Ueh, jêng nau ngơi Brah Ndu.

ហេឞ្រើ 4:12

Yorlah nau ngơi Brah Ndu jêng nau ngơi rêh jêh ri geh nau dơi, hơr lơn ma đao bar măt, lăp băm kŏ tât tâm nglah nuih n'hâm đah huêng, ntŭk nting tâm ntrŭp đah glo, phat dôih lĕ nau mĭn jêh ri nau ŭch tâm nuih n'hâm.

Nau Tâm Mpơl 1:16

Ti pa ma Păng djôt pơh mănh mbing; geh du mlâm đao bar măt mplônh ngăn luh tă bơh trôm mbung Păng; muh măt Păng tâm ban ma nar nchrat ang ma lĕ nau ktang.

Nau Tâm Mpơl 2:16

Pôri, rmal hom nau tih! Tơlah mâu, Gâp mra văch ma may gơnh, sŏk đao gưm bơh trôm mbung Gâp tâm lơh đah khân păng.’

Nau Tâm Mpơl 9:15

Pôri, bu mƀơk puăn nuyh tông mpăr; khân păng rơm ndrăp jêh ma mông, ma nar, ma khay, ma năm nây gay nkhĭt khĭt du kô̆ tâm pe kon bunuyh.

Nau Tâm Mpơl 9:21

Khân păng mâu rmal ôh lĕ nau tih khân păng nkhĭt bunuyh, ƀŭk rƀên, văng tĭr, ntŭng.

I Samuel 13:13

Y-Samuel lah ma Y-Sôl: “May ƀư nau brŭt moih jêh, mâu djôt prăp ôh lĕ nau vay ntăm bơh Yêhôva Brah Ndu may hŏ ntăm ma may. Nanê̆, Brah Yêhôva hŏ njêng ƀon bri hađăch may nâp n'ho ro ma phung Israel;

I Samuel 15:22

Y-Samuel lah: “Brah Yêhôva mâu prot maak ma ndơ ƀư brah gŭch jêh ri ma lĕ mpa ƀư brah, Ban nau tông bâr Brah Yêhôva? Pôri, nau tông bâr jêng ueh lơn đah mpa ƀư brah, Ma nau iăt tĭng jêng ueh lơn đah ngi biăp nkuăng.

I Samuel 15:32

Jêh nây, Y-Samuel lah: “Njŭn leo Y-Agak, hađăch phung Amalek ma gâp.” Y-Agak văch tât ma păng ma nau maak yorlah păng mĭn pô aơ: “Nanê̆ ngăn nau rngot ma nau khĭt lĕ rlau jêh.”

I Samuel 15:33

Ƀiălah Y-Samuel lah: “Nâm bu đao may hŏ ăn jêh ma bu ur lĕ roh kon, Pônây lĕ mê̆ may mra roh kon.” Jêh ri Y-Samuel nkhĭt Y-Agak tanăp Brah Yêhôva ta Gilgal.