Ndrom Samƀŭt bơh Ôsê 6:3 - Nau Brah Ndu Ngơi 2023

³ Ăn he gĭt năl Brah Yêhôva; Nsrôih hom nau gĭt năl Păng. Nau Păng plơ̆ văch jêng nanê̆ ngăn Nâm bu ƀli luh nar ơm ôi; Păng văch tât ma he nâm bu dak mih, Nâm bu dak mih yan vai tŏ neh.”

Ndrom Samƀŭt bơh Ôsê 6:3 Iomraidhean Croise

II Samuel 23:4

Păng jêng nâm bu nchrat ang ôi, tơlah ƀli luh nar, Kêng ôi mâu geh ndâr tŭk ôh; Nâm bu nau ang nchrat lah jêh mih, Ƀư ma gơ̆ nse chăt bơh neh.’

Ndrom Samƀŭt bơh Yôp 29:23

Khân păng gŭ kâp gâp nâm bu gŭ kâp dak mih, Hă trôm mbung gŭ kâp nâm bu dơ dak mih yan kao.

Nau Mprơ Ơm 19:4

Ƀiălah bâr khân păng huy lam neh ntu Jêh ri nau khân păng hŏ mbơh jêh tât ta dŭt bri dŭt neh. Ta klơ trôk, Păng hŏ ndâk jêh ngih bok ma nar.

Nau Mprơ Ơm 19:6

Nar luh tă bơh mpeh trôk pa aơ, Nchuăt rval tât mpeh trôk pa ri. Mâu geh ndơ dơi der bơh nau duh nar.

Nau Mprơ Ơm 63:8

Huêng gâp kuăn nâp tâm May; Ti ma May kuăn rdâng gâp.

Nau Mprơ Ơm 65:9

May chop khâl neh ntu jêh ri djrah păng, Ƀư ma păng geh neh ueh; Ăn n'hor dak Brah Ndu bêng ma dak. Păng rơm ndrăp neh ntu Gay ăn ba răch ma kon bunuyh.

Nau Mprơ Ơm 72:6

Ăn hađăch mra jêng nâm bu dak mih tŭp tâm gơ̆ bu mhe muyh Tâm ban ma dak mih djrah lam neh ntu.

Nau Hôr 4:18

Ƀiălah trong phung sŏng srăng ang nâm bu nar nchrat ang, Nau ang lơ hâu kŏ tât nar nklang bôk.

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 32:15

Kŏ tât Brah tă bơh klơ nkhŭt ăn ma he, Bri rdah plăch jêng đang tơm sa play, Bu uănh ta đang tơm sa play tâm ban ma bri krŏng.

Êsai 44:3

Yorlah Gâp mra nkhŭt dak ta bunuyh ji hir, Ăn dak n'hor hoch ta neh sơh. Gâp mra nkhŭt Brah Gâp ma noi deh may Jêh ri ăn nau ueh lăng ma phung sau se may.

Êsai 5:6

Gâp mra ƀư ăn păng jêng rngot njăp, Mâu koh n'gĭng, mâu đŏng brôi tơm; Rtau lok jêh ri pih pŭm mra chăt hon ta nây. Gâp ntăm đŏng ma tŭk Mâu hôm ăn dak mih ma păng ôh.”

Êsai 54:13

Brah Yêhôva mra sâm nti lĕ rngôch phung kon may, Jêh ri khân păng mra geh nau đăp mpăn ngăn.

Yêrêmi 24:7

Gâp mra ăn ma khân păng nuih n'hâm gĭt năl Gâp jêng Brah Yêhôva. Khân păng mra ƀư ƀon lan Gâp jêh ri Gâp mra ƀư Brah Ndu khân păng, yorlah khân păng mra lĕ nuih n'hâm plơ̆ sĭt tay ma Gâp.’

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Ndrom Samƀŭt bơh Ôsê 10:12

Srih hom ma khân may nơm nau sŏng srăng, Jêh ri rek nau ueh; Chuar hom neh mhe! Yorlah aơ jêng mông tĭng joi Brah Yêhôva Kŏ tât nar Păng văch Nkhŭt dak mih nau sŏng srăng ta klơ khân may.

Ndrom Samƀŭt bơh Ôsê 14:5

Gâp mra jêng nâm bu dak ngom ma phung Israel; Păng mra luh kao nâm bu kao si ueh Jêh ri hon reh nâm bu krŏng bri Liban.

Ndrom Samƀŭt bơh Ôsê 14:6

Lĕ n'gĭng nse păng vơr ngai; Nau ueh păng mra jêng nâm bu nau ueh tơm play ôlive, N'hôl ƀâu kah păng nâm bu n'hôl ƀâu kah bri Liban.

Ndrom Samƀŭt bơh Ôsê 2:20

Di yơh, Gâp mra nđăp ay đah Gâp tâm nau răp jăp; Jêh ri ay mra gĭt Brah Yêhôva.”

Mika 4:2

Geh âk bri dak mra văch tât ta nây jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb! Păng mra sâm nti ma he trong Păng Gay he mra dơi hăn tâm ăp trong Păng.” Yorlah nau vay mra luh bơh Siôn, Nau Brah Yêhôva ngơi luh bơh Yêrusalem.

Mika 5:2

Yor ri, Păng mra jao khân păng Kŏ tât nôk du huê bu ur ji deh hŏ deh jêh, Jêh ri phung oh nâu Păng hôm e mra plơ̆ sĭt ndrel Ma phung kon Israel.

Mika 5:7

Phung hôm e klen bơh Y-Yakôb Mra gŭ ta nklang lĕ bri dak, Jêh ri gŭ ta nklang âk phung ƀon lan nâm bu yau mŭr gŭ ta nklang mpô mpa bri, Nâm bu kon yau mŭr gŭ ta nklang phung biăp; Lah păng hăn rgăn mra jot plên, Jêh ri kăp sa hêk mâu geh ôh nơm dơi rklaih.

Sakari 10:1

Dăn hom ma Brah Yêhôva ăn dak mih yan nglĕ dŭt, Brah Yêhôva mra ƀư nglaih lơp, Jêh ri ăn dak mih âk rmeh, Gay ma ăp nuyh dơi geh biăp n'ha tâm mir.

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Mathay 13:11

Brah Yêsu lah: “Bu ăn jêh ma khân may gĭt rbăng ma nau ndâp ƀon bri hađăch klơ trôk, ƀiălah ma khân păng bu mâu ăn nâm bu pônây.

Luka 1:78

Yor nuih n'hâm yô̆ nđach bơh Brah Ndu he, Ang ơm ôi bơh klơ prêh chop khâl he,

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

Yôhan 7:17

Tơlah mbu nơm ŭch ƀư tĭng nau Brah Ndu ŭch, nơm nây mra gĭt nau Gâp nti luh tă bơh Brah Ndu mâu lah tĭng nau mĭn Gâp nơm ŭch.

Kôranh Oh Mon 17:11

Phung Yuđa ta aơ geh nuih n'hâm ueh lơn ma phung bunuyh ta ƀon Têsalônik; khân păng sŏk dơn nau Brah Ndu ngơi ma lĕ nuih n'hâm, ăp nar ŭch nti Nau Brah Ndu Ngơi gay ma sek uănh nau nti lah di mâu lah mâu.

Nau Vay Nkah Tay 32:2

Nau gâp ntĭm nti tŭp tâm ban ma dak mih, Nau gâp ngơi truh tâm ban ma dak ngom, Tâm ban ma dak mih djrah ta klơ gơ̆ nse, Nâm bu mih ntâng tâm mir.

ហេឞ្រើ 3:14

Yorlah tơlah nuih n'hâm he djôt nâp nau he chroh tâm ntơm saơm kŏ tât nglĕ dŭt, he geh du kô̆ ndrel ma Brah Krist,

II Pêtrôs 1:19

Yor ma nau nây, nau mbơh lor hên geh lơ hô ngơi rah vah lơn. Ăn khân may rkêng tôr iăt ma nau aơ nâm bu ŭnh kađen sol ang tâm ntŭk ngo, kŏ tât mpơl nôk nar jêh ri mănh mbing ôi luh tâm nuih n'hâm khân may.

Nau Tâm Mpơl 22:16

“Gâp jêng Brah Yêsu, njuăl jêh tông mpăr Gâp văch gay mbơh nkoch lĕ nau aơ ma khân may tanăp lĕ Phung Ngih Brah Ndu. Gâp jêng Tơm Reh jêh ri Kon Sau Y-Đavit, jêng Mănh Mbing Ôi nchrat ral ngăn.”