Ndrom Samƀŭt bơh Ôsê 6:2 - Nau Brah Ndu Ngơi 2023

² Bar nar pakơi Păng mra ăn he kah rngăl tay; Nar rơh pe Păng mra rdâk ăn he dâk, Gay he rêh tanăp măt Păng.

Ndrom Samƀŭt bơh Ôsê 6:2 Iomraidhean Croise

Nau Ntơm 17:18

Y-Abraham lah ma Brah Ndu: “Ndă ma Y-Ismaêl dơi geh nau ueh uĭn tanăp măt May!”

II Phung Hađăch 20:5

“Plơ̆ tay hom lah ma Y-Hêsêkia, kôranh ma phung ƀon lan Gâp, pô aơ Yêhôva Brah Ndu Y-Đavit, chô yau may, lah kơt aơ: ‘Gâp tăng jêh nau may mbơh sơm jêh ri saơ jêh dak măt may hoch. Aơ, Gâp mra ƀư bah may; tât nar rơh pe, may mra hăn hao ma ngih Brah Yêhôva.

Nau Mprơ Ơm 61:7

Ăn păng gŭ ta sưng hađăch ƀaƀơ tanăp Brah Ndu; Dăn May ntrŭnh nau ueh jêh ri nau nanê̆ ngăn May mât mray păng.

Nau Mprơ Ơm 71:20

May jêng Nơm hŏ ƀư jêh ma hên saơ âk nau rêh ni, hâu ngăn, May mra ƀư ăn hên dơi dâk rêh tay Jêh ri njŭn hên hao luh Bơh ntu jru tâm neh ntu.

Nơm Nti 3:3

Geh năng nkhĭt, geh năng ƀư bah; Geh năng rơih lơi, geh năng ndâk;

Êsai 26:19

Phung May khĭt mra ăn plơ̆ rêh, Săk jăn khân păng mra plơ̆ dâk! Ơ phung khĭt tâm ndruyh neh, kah rngăl hom jêh ri maak! Yorlah dak ngom May tâm ban ma dak ngom ƀhit rvi ang, Jêh ri neh mra mƀơk lĕ phan bunuyh khĭt.

Êsai 30:26

Nau ang khay mra jêng tâm ban ma nau ang nar, jêh ri nau ang nar mra duh ktang lơn pơh tơ̆ tâm ban ma ang pơh nar, tâm nar Brah Yêhôva put n'grêp ntŭk sôt phung ƀon lan Păng, jêh ri ƀư bah ntŭk sôt khân păng.

Ndrom Samƀŭt bơh Ôsê 13:14

Gâp mra tâm rklaih khân păng tă bơh nau dơi ƀon phung khĭt Jêh ri chuai khân păng tă bơh nau khĭt hĕ? Ơ nau khĭt, ta ntŭk nau mhĭk may? Ơ ƀon phung khĭt, ta ntŭk nau rai yot may? Nau yô̆ nđach bu pôn lơi jêh bơh trôm măt Gâp.

Ndrom Samƀŭt bơh Ôsê 7:2

Khân păng mâu mĭn êng tâm nuih n'hâm Gâp kah gĭt lĕ rngôch nau mhĭk khân păng. Aƀaơ aơ kan tih mhĭk khân păng nchueng khân păng nơm, Gŭ panăp Gâp.

Yôhan 14:19

Hôm ƀât lât, neh ntu mâu hôm saơ Gâp ôh, ƀiălah khân may mra saơ Gâp. Yorlah Gâp rêh, khân may mra gŭ rêh tâm ban lĕ.

Samƀŭt Pôl Njuăl Ăn Ma Phung Nsing Ta Ƀon Rôm 14:8

yorlah tơlah he gŭ rêh, jêng rêh ma Kôranh Brah, jêh ri tơlah he khĭt, jêng khĭt ma Kôranh Brah. Yor nây nđâp tơlah gŭ rêh mâu lah khĭt, he ăt jêng phung Kôranh Brah da dê.

I Kôrintô 15:4

Bu tâp jêh Păng, tât nar rơh pe, Păng hŏ dâk rêh tay tĭng nâm nau nchih jêh tâm Nau Brah Ndu Ngơi;