Ndrom Samƀŭt bơh Ôsê 6:11 - Nau Brah Ndu Ngơi 2023

¹¹ Hơi Yuđa, may tâm ban lĕ, Du yan rek hŏ nal jêh ăn may, Tơlah Gâp leo phung ƀon lan Gâp plơ̆ sĭt tă bơh ntŭk jêng bu nă.

Ndrom Samƀŭt bơh Ôsê 6:11 Iomraidhean Croise

Ndrom Samƀŭt bơh Yôp 42:10

Tơlah Y-Yôp hŏ mbơh sơm ntang ma phung mĭt jiăng, Brah Yêhôva mplơ̆ sĭt đŏng drăp ndơ ma Y-Yôp. Păng ăn ma Y-Yôp bar tơ̆ âk lơn ma drăp ndơ păng hŏ geh jêh ntơm saơm.

Nau Mprơ Ơm 126:1

Tơlah Brah Yêhôva hŏ njŭn phung Siôn sĭt tă bơh nau jêng bu nă, Pôri hên jêng nâm bu du nau mbơi.

Nau Mprơ Ơm 85:1

Ơ Brah Yêhôva, May ăn jêh nau ueh ma n'gor May nơm; May njŭn sĭt jêh phung bu nă Yakôb.

Yêrêmi 30:10

Brah Yêhôva lah: ‘Ơ Y-Yakôb, oh mon Gâp, lơi klach ôh. Ơ phung Israel, lơi klach krit ôh! Yorlah aơ, Gâp mra rklaih may luh bơh ntŭk ngai ngăn, Jêh ri phung kon sau may bơh bri bu nă. Y-Yakôb mra plơ̆ sĭt jêh ri rêh ueh lăng đăp rmên, Mâu hôm geh klach nuyh đŏng ôh.’

Yêrêmi 51:33

Ma yorlah Brah Yêhôva ma phung tahan, Brah Ndu Israel lah: “Kon bu ur ƀon Babilôn tâm ban ma ntŭk mprah ba Ta yan mprah ba; Mâu hôm jŏ đŏng ôh Yan rek păng mra tât.”

Yôel 3:13

Sŏk hom nhuĕ yorlah yan rek tât jêh. Văch hom plên play krăk ƀâu yorlah ntu lêk hŏ bêng jêh, lĕ thŭng ler jêh, Yorlah nau mhĭk khân păng toyh ngăn.”

Mika 4:12

Ƀiălah khân păng mâu gĭt năl ôh nau mĭn Brah Yêhôva, Mâu gĭt rbăng ôh nau dăp ŭch ƀư, Yorlah Păng hŏ rgum jêh khân păng Nâm bu nchăp ba njŭn sĭt ta ntŭk bu mprah ba.

Sôphôni 2:7

N'gor nây mra jêng ăn ma phung ngih Yuđa hôm e klen; Khân păng mra chiăp biăp ta nây. Lah ngo, khân păng mra bê̆ch măng Tâm lĕ ngih ƀon Askalôn; Yorlah Yêhôva Brah Ndu khân păng mra chop khâl khân păng, Jêh ri leo phung tă ƀư bu nă ăn khân păng plơ̆ sĭt.

Nau Tâm Mpơl 14:15

Du huê tông mpăr êng hăn luh tă bơh ngih brah, nter bâr huy kuăl ma Nơm gŭ tâm ndâr tŭk: “Yơr hom nhuĕ May luh jêh ri rek hom, yorlah yan rek tât jêh, yan kăch roih tâm neh ntu dŭm jêh.”