Ndrom Samƀŭt bơh Ôsê 6:1 - Nau Brah Ndu Ngơi 2023

¹ “Văch hom, ăn he plơ̆ sĭt ma Brah Yêhôva Yorlah Păng hŏ sa hêk jêh he, ƀiălah Păng mra ƀư bah; Păng hŏ dong sôt he, ƀiălah mra put sôt.

Ndrom Samƀŭt bơh Ôsê 6:1 Iomraidhean Croise

II Nau Rêh Jêng 30:6

Tĭng nau hađăch ntrŭnh, phung njŭn samƀŭt hađăch jêh ri phung kôranh hăn lam n'gor bri Israel jêh ri n'gor Yuđa. Samƀŭt kuăl: “Ơ phung kon sau Israel, plơ̆ sĭt hom ma Yêhôva Brah Ndu Y-Abraham, Y-Isăk jêh ri Israel, gay ma Păng plơ̆ sĭt tay ma phung hôm e klen tâm khân may, jêng phung dơi klaih jêh tă bơh phung hađăch Asiri.

Ndrom Samƀŭt bơh Yôp 16:9

Tâm nau ji nuih, Păng hêk gâp jêh ri tâm rmot gâp; Păng rket sêk đah gâp Phung rlăng gâp ntơ̆ măt uănh ma gâp.

Ndrom Samƀŭt bơh Yôp 22:23

Tơlah plơ̆ sĭt ma Nơm Geh Lĕ Nau Brah, may mra dơi jêng tay. Tơlah may mƀăr lơi nau djơh mhĭk bơh ngih bok may.

Ndrom Samƀŭt bơh Yôp 34:29

Lah Păng gŭ rklăk, mbu nơm dơi phong Păng? Lah Păng pôn muh măt, mbu nơm dơi saơ Păng? Nđâp lah Păng hôm mât uănh ăp phung ndŭl mpôl mâu lah ăp nau rêh bunuyh,

Ndrom Samƀŭt bơh Yôp 5:18

Yorlah păng ƀư ăn sôt, ƀiălah Păng put tay; Păng lơh ji, ƀiălah ti Păng ƀư bah tay.

Nau Mprơ Ơm 30:7

Ơ Brah Yêhôva, yor nau yô̆ May, Yôk gâp dơi ndâk nâp. Ƀiălah dôl May pôn măt, Pôri gâp geh nau rŭng răng ro.

Nau Mprơ Ơm 6:2

Ơ Brah Yêhôva, yô̆ nđach ma gâp yorlah gâp huơi rgănh; Ơ Brah Yêhôva, dăn ƀư bah an gâp Yorlah nting nđăng gâp râm nsâr.

Nau Mprơ Ơm 71:20

May jêng Nơm hŏ ƀư jêh ma hên saơ âk nau rêh ni, hâu ngăn, May mra ƀư ăn hên dơi dâk rêh tay Jêh ri njŭn hên hao luh Bơh ntu jru tâm neh ntu.

Nơm Nti 3:3

Geh năng nkhĭt, geh năng ƀư bah; Geh năng rơih lơi, geh năng ndâk;

Êsai 17:7

Tâm nar nây, phung bunuyh mra mĭn ma Nơm Rhăk Njêng khân păng, jêh ri măt khân păng nge nger uănh ta Nơm Kloh Ueh Israel.

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 30:22

Khân may mra ƀư ƀơ̆ ƀơch lĕ rup trah chiăr ma prăk jêh ri rup tŏ ma mah. Khân may mra mƀăr lơi khân păng tâm ban ma ndơ ƀơ̆ jêh ri lah: “Du hom!”

Êsai 30:26

Nau ang khay mra jêng tâm ban ma nau ang nar, jêh ri nau ang nar mra duh ktang lơn pơh tơ̆ tâm ban ma ang pơh nar, tâm nar Brah Yêhôva put n'grêp ntŭk sôt phung ƀon lan Păng, jêh ri ƀư bah ntŭk sôt khân păng.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Yêrêmi 3:22

“Hơi phung kon mâu răp jăp, plơ̆ sĭt hom! Gâp mra ƀư bah nau mâu răp jăp khân may.” Khân may plơ̆ lah: “Aơ, phung hên tât ma May, Yorlah May jêng Yêhôva Brah Ndu hên.

Yêrêmi 30:12

Brah Yêhôva lah: ‘Nau rmanh may mâu dơi bah ôh, Sôt rmanh may glăm ngăn.

Yêrêmi 30:17

Brah Yêhôva lah: ‘Gâp mra ăn tay n'hâm suan ma may, Ƀư bah sôt rmanh may, Yorlah khân păng ntơ may jêng nơm bu hŏ mƀăr lơi jêh: “Nây jêng ƀon Siôn, mâu geh bunuyh meng tât!”’

Yêrêmi 33:5

‘Dôl tâm lơh ma phung tahan Kaldê, ngih vâl aơ mra bêng ma bunuyh khĭt ma phung Gâp hŏ nkhĭt tâm nau duh nuih jêh ri ji nuih; yorlah ƀon lan aơ janh ƀai ngăn Gâp pôn jêh muh măt tă ƀon nây.

Yêrêmi 33:6

Ƀiălah, Gâp mra ăn tay n'hâm suan jêh ri nau ƀư bah ma ƀon nây. Gâp mra ƀư bah ăn ma phung ƀon lan khân păng, mra tâm mpơl ma khân păng saơ nau chăt jêng rmeh ler jêh ri đăp rmên jŏ jong.

Yêrêmi 50:4

Brah Yêhôva lah: “Tâm lĕ nar nây, tâm rô̆ nây, phung kon sau Israel jêh ri phung kon sau Yuđa plơ̆ sĭt ndrel n'grŭp; khân păng hăn ƀă nhĭm ƀă, tĭng joi Yêhôva Brah Ndu khân păng.

Yêrêmi 50:5

Khân păng ôp trong hăn plơ̆ sĭt ma ƀon Siôn, măt uănh mpeh ma nây jêh ri lah: ‘Văch hom jêh ri tâm nkol đah Brah Yêhôva du nau tâm rnglăp n'ho ro, nau tâm rnglăp mâu mra chuêl ôh!’

Nau Nhĭm Vơl 3:11

Păng ăn gâp nhhơt trong, sa hêk gâp hăch rhên, Jêh ri chalơi gâp gŭ êng;

Ndrom Samƀŭt bơh Ôsê 11:10

Khân păng mra chuat tĭng Brah Yêhôva, Păng ngrông nâm bu yau mŭr; Ngăn yơh, Păng mra ngrông, Phung kon păng văch tă bơh mpeh nhâp nar ma nau râm nsâr ngăn.

Ndrom Samƀŭt bơh Ôsê 12:6

“Păng jêng Yêhôva Brah Ndu ma phung tahan; Amoh Păng jêng Brah Yêhôva.

Ndrom Samƀŭt bơh Ôsê 14:1

Hơi Israel, plơ̆ sĭt hom ma Yêhôva Brah Ndu may, Yorlah nau tih may nơm ƀư ăn may chêh prah.

Ndrom Samƀŭt bơh Ôsê 14:4

“Gâp mra ƀư bah nau tâm rdâng khân păng. Gâp mra rŏng ma khân păng lĕ nuih n'hâm, Yorlah nau Gâp ji nuih hŏ du jêh tă bơh khân păng.

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Kan Lêvi 14:48

Tơlah lôch jêh nau lĭr tay ngih nây, kôranh ƀư brah hăn sek uănh jêh ri saơ lĕ têl nây mâu jêng bĭk ôh tâm ngih, kôranh ƀư brah mra mbơh ngih nây jêng kloh, yorlah lĕ têl mbrĭng nây hŏ bah jêh.

Sôphôni 2:1

Hơi mpôl băl bunuyh mâu gĭt ôh nau bêk prêng! Tâm rgum hom, tâm rgum hom,

Nau Vay Nkah Tay 32:39

Aƀaơ aơ, uănh hom, Gâp nơm jêng Brah Ndu Rlau ma Gâp mâu hôm geh brah êng; Gâp ƀư ăn khĭt jêh ri Gâp ăn dâk rêh tay, Ƀư ăn sôt jêh ri săm ăn bah Mâu geh ôh nơm dơi tâm rklaih bơh ti Gâp.

I Samuel 2:6

Brah Yêhôva ƀư nkhĭt, ăn dâk rêh đŏng; Păng djôt leo bu trŭnh tâm ƀon phung khĭt, jêh nây djôt leo hao tă bơh ta nây.

I Samuel 7:3

Nôk nây, Y-Samuel lah ma lĕ rngôch ngih Israel: “Tơlah khân may plơ̆ sĭt tay ma Brah Yêhôva ma lĕ nuih n'hâm khân may, mƀăr lơi phung brah mâu năl jêh ri rup brah bu ur Astarôt tă bơh khân may. Mƀŏng hom nuih n'hâm khân may ma Brah Yêhôva jêh ri knŏng pah kan du huê Păng dơm, ri mơ Păng mra tâm rklaih khân may tă bơh ti phung Philistin.”