Ndrom Samƀŭt bơh Ôsê 5:5 - Nau Brah Ndu Ngơi 2023

⁵ Nau sưr phung Israel phong păng; Israel jêh ri Êphraim chôt prah tâm nau tih mhĭk khân păng; Yuđa mra chôt prah ndrel ma khân păng.

Ndrom Samƀŭt bơh Ôsê 5:5 Iomraidhean Croise

Nau Hôr 11:21

Nanê̆ phung ƀai mâu klaih ôh bơh nau tâm rmal, Ƀiălah noi deh phung sŏng srăng mra dơi rklaih.

Nau Hôr 11:5

Nau sŏng srăng bơh bunuyh n'hêl nanê̆ ƀư song trong păng, Bi nau mhĭk bơh bunuyh ƀai ƀư cha lôt păng.

Nau Hôr 14:32

Bunuyh mhĭk roh rai yor nau djơh mhĭk păng, Ƀiălah bunuyh sŏng srăng tâm nôk khĭt ăt hôm e geh ntŭk nde.

Nau Hôr 24:16

Yorlah bunuyh sŏng srăng nđâp lah păng cha lôt pơh tơ̆ hôm dơi dâk đŏng, Bi ma phung djơh mhĭk mra ngâm tâm nau mhĭk.

Nau Hôr 30:13

Geh phung bunuyh geh măt nau sưr, Jêh ri n'gô măt n'hao êng mâm ƀư!

Êsai 3:8

Yorlah ƀon Yêrusalem nkêng cha lôt Jêh ri bri Yuđa mra rlâm rai, Yorlah nau ngơi jêh ri kan pah khân păng tâm rdâng đah Brah Yêhôva da dê, Tâm rdâng panăp nau mpơl muh măt chrêk rmah Păng.

Êsai 3:9

Muh măt khân păng tâm mpơl an nau tâm rdâng đah khân păng nơm; Khân păng nkoch rah vah nau tih khân păng nâm bu ƀon Sôdôm, Mâu mo ôh. Rêh ni ngăn ma huêng khân păng, Yorlah khân păng hŏ ƀư nau mhĭk ma khân păng nơm!

Êsai 44:9

Lĕ rngôch phung ƀư rup trah jêng dơm dam, jêh ri lĕ ndơ khân păng rŏng ŭch mâu geh nau khlay. Phung mbơh ngăn ma rup brah nây mâu blau saơ ôh, mâu lĕ gĭt rbăng, rĭ dĭng khân păng djôt nau bêk prêng.

Êsai 59:12

“Yorlah tanăp măt Kôranh Brah, nau hên ƀư tih dŭt âk, Nau tih hên mbơh nau tâm rdâng đah hên. Yorlah nau hên ƀư tih hôm gŭ tâm hên Jêh ri hên gĭt năl nau mhĭk hên.

Yêrêmi 14:7

“Ơ Brah Yêhôva, nđâp lah nau mhĭk hên ƀư mbơh nau tâm rdâng đah hên, Ăn yor amoh May ƀư yơh! Yorlah âk tơ̆ hên mâu răp jăp đah May; Hên hŏ ƀư tih đah may jêh.

Yêrêmi 2:19

Nau tih mhĭk may mra tâm rmal may, Nau may tâm rdâng mra nduyh nkra may. Gĭt năl hom jêh ri saơ rah vah nau djơh mhĭk jêh ri rngot ngăn ngên Dôl chalơi Yêhôva Brah Ndu, Jêh ri mâu geh nuih n'hâm klach yơk Gâp.” Kôranh Brah jêng Brah Yêhôva ma phung tahan lah pônây.

Ndrom Samƀŭt bơh Ôsê 14:1

Hơi Israel, plơ̆ sĭt hom ma Yêhôva Brah Ndu may, Yorlah nau tih may nơm ƀư ăn may chêh prah.

Ndrom Samƀŭt bơh Ôsê 14:2

Khân may djôt hom nau ngơi Plơ̆ sĭt ma Brah Yêhôva; Lah hom ma păng pô aơ: “Dăn sŏk lơi lĕ nau mhĭk hên Jêh ri mplơ̆ nau ueh uĭn, Gay ma hên dơi nhhơr ndơ ƀư brah tâm rnê ma trôm mbung. Ntrok ma ndrôk nkuăng.

Ndrom Samƀŭt bơh Ôsê 4:5

May mra chêh prah dôl nôk nar; Phung nơm mbơh lor mra chêh prah ndrel may dôl bri măng tâm ban lĕ, Jêh ri Gâp mra ƀư rai mê̆ may.

Ndrom Samƀŭt bơh Ôsê 5:14

Yorlah gâp mra jêng nâm bu du mlâm yau mŭr ma Êphraim, Nâm bu du mlâm yau mŭr kon ma ngih Yuđa. Gâp nơm yơh mra sa hêk jêh nây hăn du; Gâp mra djôt leo, jêh ri mâu geh ôh nơm dơi sâm rklaih.

Ndrom Samƀŭt bơh Ôsê 7:10

Nau sưr Israel plơ̆ mbơh ma păng; Nđâp tơlah pônây, khân păng ăt mâu plơ̆ sĭt ôh ndrel ma Yêhôva Brah Ndu khân păng, Jêh ri mâu tĭng joi Păng tâm ban lĕ!

Ndrom Samƀŭt bơh Ôsê 8:14

Phung Israel hŏ chuêl jêh Nơm Rhăk Njêng khân păng, Mĭn ndâk âk rplay ngih hađăch; Phung Yuđa hŏ ntop âk ƀon toyh geh mpêr nâp; Ƀiălah Gâp mra su ma ŭnh lĕ ƀon toyh nây Jêh ri ŭnh mra sa pôih nâp păng.

Amôt 5:2

“Bu ur druh tang tat Israel lĕ cha lôt jêh, Mâu mra hôm dâk đŏng ôh. Bu lĕ mƀăr lơi jêh păng ta neh Mâu geh bunuyh kơl rdâk.”

Mathay 23:31

Pônây, khân may hŏ mbơh ăn nanê̆ ma khân may nơm jêng kon phung kon sau phung nkhĭt phung nơm mbơh lor.

Luka 19:22

Kôranh lah: ‘Aơ oh mon djơh mhĭk! Tĭng nâm bu nau may ngơi gâp phat dôih may. Di lĕ may gĭt jêh gâp jêng du huê bunuyh dăng jâk, sŏk tâm ntŭk mâu dơm, rek tâm ntŭk mâu nsrih.