Ndrom Samƀŭt bơh Ôsê 5:15 - Nau Brah Ndu Ngơi 2023

¹⁵ Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Ndrom Samƀŭt bơh Ôsê 5:15 Iomraidhean Croise

Nau Ntơm 42:21

Khân păng tâm ngơi ndrăng khân păng nơm: “Nanê̆ ngăn he hŏ tih jêh đah oh he. He hŏ saơ jêh nau rngot tâm nuih n'hâm păng nôk păng vơl dăn ma he, ƀiălah he mâu ŭch iăt ôh. Yor nây nar aơ he anh nau rngot aơ.”

II Nau Rêh Jêng 7:14

tơlah phung ƀon lan Gâp, jêng phung ƀon lan dơi kuăl ma amoh Gâp, dêh rhêt êng khân păng nơm, mbơh sơm, joi muh măt Gâp jêh ri chalơi trong djơh mhĭk, nôk nây tă bơh klơ trôk Gâp mra rkêng tôr iăt, yô̆ an nau tih khân păng jêh ri ƀư bah n'gor bri khân păng.

Ndrom Samƀŭt bơh Yôp 33:27

Bunuyh nây mra mprơ tanăp kon bunuyh pô aơ: ‘Gâp hŏ ƀư tih jêh ri nkê̆ch ăn kue nau sŏng, Ƀiălah mâu geh ôh nau rmal nâm bu nau gâp mra dơn.

Nau Mprơ Ơm 107:13

Rnôk nây, tâm nau rêh ni khân păng vah vơl ma Brah Yêhôva, Jêh ri Păng tâm rklaih khân păng bơh nau rêh ni.

Nau Mprơ Ơm 107:19

Rnôk nây, tâm nau rêh ni khân păng vah vơl ma Brah Yêhôva, Jêh ri Păng tâm rklaih khân păng bơh nau rêh ni.

Nau Mprơ Ơm 107:28

Rnôk nây, tâm nau rêh ni, khân păng vah vơl ma Brah Yêhôva, Jêh ri Brah Yêhôva tâm rklaih khân păng nau rêh ni.

Nau Mprơ Ơm 107:6

Rnôk nây, tâm nau rêh ni, khân păng vah vơl ma Brah Yêhôva, Jêh ri tâm rklaih khân păng bơh nau rêh ni,

Nau Mprơ Ơm 132:14

Păng lah: “Aơ jêng ntŭk Gâp gŭ rlu ƀaƀơ n'ho ro; Gâp mra gŭ ta nây yorlah Gâp ŭch jêh kơt nĕ.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 78:34

Tơlah Brah Ndu nkhĭt khân păng, ri mơ khân păng kuăl ôp Păng; Khân păng plơ̆ tay jêh ri joi Brah Ndu ma lĕ nuih n'hâm.

Nau Mprơ Ơm 83:16

Ơ Brah Yêhôva, ƀư ma khân păng prêng muh măt, ƀơ̆ ƀơch Gay ma khân păng joi amoh May.

Nau Hôr 8:17

Gâp rŏng ma phung rŏng ma gâp, Phung tĭng joi gâp ma lĕ nuih n'hâm mra mâp gâp.

Êsai 18:4

Yorlah nau Brah Yêhôva lah jêh ma gâp tâm ban pônây: “Bơh ntŭk Gâp dôl gŭ, Gâp mra gŭ rlăk uănh Tâm ban ma duh gring nar nchrat, Tâm ban thŭl dak ngom dôl duh nar yan rek.

Êsai 26:16

Ơ Brah Yêhôva, tâm nau rêh ni, Khân păng joi May; Tơlah May nkra, khân păng kuăl mbơh sơm lĕ nuih n'hâm ma May.

Êsai 26:21

Yorlah aơ, Brah Yêhôva mra luh bơh ntŭk Păng gŭ Gay tâm rmal nau tih ma phung gŭ ta neh ntu. Rnôk aơ, neh ntu mra tâm mpơl mham Jêh ri mâu hôm nkŭm ôh phung bu hŏ nkhĭt jêh.

Êsai 26:9

Dôl măng huêng gâp ji hir ma May; Ơ, nuih n'hâm gâp nđơr ŭch joi May. Yorlah nau May phat dôih ƀư jêh ta neh Phung gŭ tâm neh ntu nti gĭt nau sŏng srăng.

Yêrêmi 2:27

Khân păng ngơi ma n'gâng tơm si: ‘Păng jêng mbơ̆ gâp,’ Ma glo lŭ: ‘Păng hŏ deh jêh gâp.’ Yorlah khân păng hŏ ndôn kơi jêh, Mâu ŭch rle măt uănh Gâp. Ƀiălah tâm nôk nau rêh ni, khân păng ngơi: ‘Dăn gơnh sâm rklaih phung hên ƀă!’

Yêrêmi 3:13

‘Knŏng ŭch may dơn saơ nau tih may pô aơ: May hŏ tâm rdâng đah Yêhôva Brah Ndu; May hŏ nsong lam ntŭk tĭng brah phung bu năch tâm dâng ăp pŭm tơm si âk n'ha, Jêh ri mâu rkêng tôr ôh iăt nau Gâp.’” Brah Yêhôva lah pônây.

Yêrêmi 3:14

Brah Yêhôva Lah: “Hơi phung kon mâu răp jăp, plơ̆ sĭt hom! Yorlah Gâp jêng kôranh ma phung khân may. Gâp mra sŏk tă bơh phung khân may ăp ƀon du huê, ăp ndŭl mpôl bar hê, Jêh ri djôt tât ma Siôn.

Nau Nhĭm Vơl 3:40

Ăn he sek uănh tay hom trong he nơm, Jêh ri plơ̆ sĭt ma Brah Yêhôva.

Êsêkiêl 10:4

Nau chrêk rmah Brah Yêhôva hao du klơ tă bơh chêrub jêh ri dâk ta ntŭk kađar lăp mpông sâng ngih brah. Ngih brah bêng ndâr tŭk jêh ri tâm nkual nhuang bêng nau chrat ang chrêk ma lơp Brah Yêhôva.

Êsêkiêl 11:23

Nau chrêk rmah Brah Ndu hao rlet klơ tă bơh nklang ƀon jêh ri gŭ ta klơ yôk mpeh luh nar ƀon.

Êsêkiêl 20:43

Ta nây, khân may mra kah gĭt tay trong khân may jêh ri lĕ rngôch nau khân may hŏ ƀư ƀơ̆ khân may nơm. Khân may mra nduyh êng ma khân may nơm yor lĕ rngôch nau mhĭk khân may hŏ ƀư tih jêh.

Êsêkiêl 36:31

Rnôk nây, khân may kah gĭt tay trong mhĭk jêh ri nau kan mâu ueh khân may nơm. Khân may tâm rmot êng khân may nơm yor nau tih jêh ri nau ƀơ̆ khân may.’

Êsêkiêl 6:9

Phung bunuyh hŏ dơi klaih jêh tâm khân may mra kah gĭt ma Gâp dôl gŭ tâm lĕ bri dak bu leo khân păng hăn tât, jêh ri khân păng gĭt nuih n'hâm Gâp ji ngăn yor nau khân păng văng tĭr hŏ ƀư ma khân păng chalơi Gâp jêh ri măt nau văng tir khân păng rle ma rup brah khân păng nơm. Rnôk nây, khân păng tâm rmot êng khân păng nơm ma lĕ nau mhĭk khân păng hŏ ƀư jêh ri ma lĕ nau kan ƀơ̆ ƀơch khân păng.

Êsêkiêl 8:6

Păng lah đŏng ma gâp, “Hơi kon bunuyh, may saơ lĕ nau khân păng dôl ƀư, nây jêng lĕ nau ƀơ̆ ngăn ma ngih Israel hŏ ƀư tih ta aơ ƀư ăn ma Gâp ngai bơh ntŭk kloh ueh Gâp bơh? Ƀiălah may mra hôm saơ lĕ nau mhĭk toyh lơn đŏng!”

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Ndrom Samƀŭt bơh Ôsê 5:6

Khân păng mra hăn ndrel ma phung biăp phung ndrôk khân păng Gay tĭng joi Brah Yêhôva, Ƀiălah khân păng mâu dơi mâp Păng ôh! Păng hŏ chalơi jêh khân păng.

Mika 1:3

Yorlah ri, Brah Yêhôva du luh tă bơh ntŭk Păng Jŭr gŭ jêh ri jot ta klơ lĕ ntŭk prêh tâm neh ntu.

Nau Kơp Bunuyh 21:7

Phung ƀon lan hăn tât ma Y-Môis jêh ri lah: “Hên lĕ ƀư tih jêh, yorlah hên ngơi sưr ma Brah Yêhôva jêh ri ma may. Dăn may mbơh sơm ma Brah Yêhôva gay ma Păng ƀư ăn bêh aơ nkhah ngai bơh hên.” Pôri Y-Môis mbơh sơm an ma phung ƀon lan.

Luka 13:25

Tơlah kôranh ngih dâk jêh ri nchăng mpông jêh, khân may gŭ padih, goh mpông jêh ri kuăl pô aơ: ‘Ơ kôranh, dăn pơk mpông ma hên!’ Păng mra plơ̆ lah: ‘Gâp mâu gĭt khân may ntŭk tă.’

Phung Kôranh Phat Dôih 4:3

Yorlah Y-Jabin geh jêh sĭn rhiăng ndeh seh ma loih jêh ri păng tŭn jot phung Israel ma nau djơh tâm bar jât năm, pônây, phung ƀon lan Israel nter dăn ma Brah Yêhôva.