Ndrom Samƀŭt bơh Ôsê 5:10 - Nau Brah Ndu Ngơi 2023

¹⁰ Phung kôranh Yuđa Nâm bu phung tĭt n'har bri; Gâp mra nkhŭt nau ji nuih ta khân păng Nâm bu nkhŭt dak.

Ndrom Samƀŭt bơh Ôsê 5:10 Iomraidhean Croise

Nau Mprơ Ơm 32:6

Yor nây, lĕ rngôch bunuyh blau yơk Mbơh sơm ma May da dê tâm mông ŭch geh; Nanê̆ tơlah geh dak toyh ler tât Pôri mâu mra tât ma khân păng.

Nau Mprơ Ơm 69:24

Dăn nkhŭt nau May ji nuih tâm khân păng. Ăn May ji nuih tĭng ban khân păng.

Nau Mprơ Ơm 88:17

Ăp nar lĕ nau nây nchueng jŭm gâp nâm bu dak lip, Nkŭm lơi gâp tă bơh puăn njônh.

Nau Hôr 17:14

Ntơm bôk nau tâm djrel nâm bu pling ntât dak; Pôri rlu hom nau tâm rlăch êlor păng geh nau tâm djrel.

Nau Hôr 22:28

Lơi ta trơn ôh lĕ jrŏng n'har neh ơm kăl e Phung chô yau may hŏ ndâk.

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsêkiêl 22:22

Nâm bu prăk lêk tâm ŭnh năk tâm ban nây lĕ khân may mra lêk ta nklang ƀon nây jêh ri khân may mra gĭt Gâp, Brah Yêhôva, hŏ nkhŭt jêh nau Gâp ji nuih ta khân may.’”

Êsêkiêl 7:8

Aơ hôm djê̆ lê̆ Gâp mra nkhŭt nau Gâp ji nuih ta may jêh ri ăn mpay nau Gâp nuih ma may. Gâp mra phat dôih may tĭng nâm nau gŭ ngao jêh ri mplơ̆ ma may ntil nau ƀơ̆ ƀơch may.

Mathay 7:27

Geh mih, dak lêng lip tât, sial khôm ktang mra ƀư ma ngih nây rlâm, roh rai âk ngăn.”

Luka 6:49

Ƀiălah mbu tăng nau Gâp mâu ƀư tĭng, tâm ban ma du huê bunuyh ri ƀư ngih ta klơ neh mâu geh mbon. Nôk n'hor dak hoch thăng nklơ̆, ngih nây rlâm ro jêh ri geh nau mhĭk jâk jêr.”

Nau Vay Nkah Tay 19:14

Khân may mâu dơi trơn n'har bri phung chiau meng, kôranh ơm ndâk jêh tâm kô̆ drăp ndơn khân may mra dơi dơn tâm n'gor Yêhôva Brah Ndu ăn ma khân may.

Nau Vay Nkah Tay 27:17

‘Di ma rak rtăp ma nơm trơn n'har bri nơm chiau meng păng!’ Ăn lĕ rngôch phung ƀon lan mra plơ̆ lah: ‘Amen!’