Ndrom Samƀŭt bơh Ôsê 4:9 - Nau Brah Ndu Ngơi 2023

⁹ Rnôk nây mra tât, mâm phung ƀon lan jêng kôranh nơm ƀư brah kơt nây lĕ; Gâp mra tâm rmal khân păng yor trong khân păng hăn, Jêh ri har plơng tĭng nâm kan păng ƀư.

Ndrom Samƀŭt bơh Ôsê 4:9 Iomraidhean Croise

Nau Hôr 11:31

Tơlah bunuyh sŏng srăng dơi mplơ̆ sĭt ta neh ntu aơ, Pôri nơm djơh mhĭk jêh ri nau tih mra mplơ̆ sĭt tanăp măt!

Nau Hôr 12:14

Du huê bunuyh mra dơi geh bêng ler nau ueh yor play bơh bâr mbung păng, Jêh ri ăp nơm mra sŏk dơn tĭng nâm kan ti păng hŏ ƀư.

Nau Hôr 5:22

Phung mhĭk mra tŭp tâm nau tih păng nơm, Jêh ri rse nau tih chăp păng nơm.

Êsai 24:2

Rnôk nây, lĕ rngôch bunuyh mra nsum ndrel nau mrô nal: Kôranh ƀư brah tâm ban đŏng ma phung ƀon lan; Kôranh bu klâu tâm ban ma bu klâu dĭk, kôranh bu ur tâm ban ma bu ur dĭk; Nơm tăch tâm ban đŏng ma nơm rvăt; Nơm ăn chan tâm ban ma nơm chan, Kôranh ăn bu manh ndơ tâm ban ma nơm manh.

Êsai 3:10

Lah hom ma phung sŏng srăng, ueh maak yơh ma khân păng, Yorlah khân păng mra sa play bơh kan khân păng ƀư.

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Êsêkiêl 44:10

Dôl phung Israel vĭ nhhơt pôri phung Lêvi du ngai đah Gâp tâm ban lĕ, chalơi Gâp gay pah kan phung rup brah; khân păng mra anh nau tih khân păng nơm.

Êsêkiêl 44:12

Yorlah khân păng hŏ pah kan jêh ma phung ƀon lan tanăp phung rup brah khân păng jêh ri ƀư ma ngih Israel tŭp tâm nau tih; yor ri, Gâp hŏ yơr ti tâm rdâng đah khân păng jêh ri khân păng mra anh nau tih khân păng, Kôranh Brah Yêhôva lah pônây.

Ndrom Samƀŭt bơh Ôsê 1:4

Rnôk nây Brah Yêhôva lah ma păng: “Ntơ hom amoh păng jêng Y-Jesrêel, yorlah mâu hôm jŏ đŏng ôh Gâp mra tâm rmal ma ngih Y-Jêhu ma nau tih pling mham ta ntŭk Jesrêel, jêh ri mra ngroh lơi ƀon bri hađăch ngih Israel.

Ndrom Samƀŭt bơh Ôsê 10:10

Gâp hŏ tâm nal phat dôih ma khân păng Phung ƀon lan mra tâm rgum gay tâm rdâng đah khân păng Tơlah bu tâm rmal jêh khân păng yor bar nau tih khân păng hŏ ƀư.

Ndrom Samƀŭt bơh Ôsê 12:2

Êphraim mât mray sial, Ăp nar nchuăt tĭng sail luh nar. Ntop âk nau mƀruh jêh ri nau djơh rai; Khân păng ƀư nau tâm rnglăp đah bri Asiri Jêh ri djôt dak ngi rlet ma n'gor bri Êjipt.

Ndrom Samƀŭt bơh Ôsê 12:3

Brah Yêhôva nduyh lah ma Yuđa Jêh ri tâm rmal Yakôb tĭng nâm trong păng chuat hăn; Brah Yêhôva mra mplơ̆ ma păng tĭng nâm kan păng ƀư.

Ndrom Samƀŭt bơh Ôsê 7:2

Khân păng mâu mĭn êng tâm nuih n'hâm Gâp kah gĭt lĕ rngôch nau mhĭk khân păng. Aƀaơ aơ kan tih mhĭk khân păng nchueng khân păng nơm, Gŭ panăp Gâp.

Ndrom Samƀŭt bơh Ôsê 8:13

Nđâp tơlah khân păng nhhơr mpa ƀư brah ma Gâp Jêh ri sa puăch mpa ƀư brah, Ƀiălah Brah Yêhôva ăt mâu sŏk dơn khân păng. Abaơ Păng kah gĭt tay nau djơh mhĭk khân păng Jêh ri tâm rmal nau tih khân păng; Khân păng mra plơ̆ sĭt ma n'gor Êjipt!

Ndrom Samƀŭt bơh Ôsê 9:15

Lĕ rngôch nau djơh mhĭk khân păng gŭ ta ƀon Gilgal da dê; Ta ntŭk nây yơh Gâp tâm rmot ma khân păng. Yor lĕ nau kan djơh mhĭk khân păng Gâp mra mprơh khân păng bơh ngih Gâp; Gâp mâu hôm rŏng ma khân păng đŏng ôh. Lĕ rngôch phung kôranh chiă uănh khân păng jêng phung mâu gŭ răp jăp.

Ndrom Samƀŭt bơh Ôsê 9:9

Khân păng lĕ rlâm rai jru hâu ngăn Nâm bu tâm lĕ nar Gibêa. Brah Ndu mra kah gĭt tay nau tih mhĭk khân păng, Jêh ri mra tâm rmal nau tih khân păng.

Sakari 1:6

Ƀiălah, lĕ nau Gâp ngơi jêh ri nau vay Gâp ƀư hŏ ntĭm jêh ma phung oh mon Gâp jêng phung nơm mbơh lor, mâu di bơh lĕ nau nây ban jêh ma phung chô yau khân may? Yor rĭ dĭng khân păng rmal nau tih jêh ri lah: ‘Lĕ rngôch nau Brah Yêhôva ma phung tahan hŏ ton mĭn jêh ma hên tĭng trong jêh ri kan pah bơh hên ƀư, pôri Păng hŏ nkra jêh ma hên di kơt nây.’”

Mathay 15:14

Ăn kđôi khân păng; khân păng jêng phung chieh măt njŭn trong. Tơlah du huê chieh măt njŭn du huê chieh măt, lĕ bar hê khân păng mra tŭp tâm ntu.”